منذر ٠ يوم الخميس بيجو الخطاب
ريما ٠ خلاص البنت ماتبيش
منذر ٠ تبي غصب عنها
ميار ٠ متكلمتش بكل تشبحلهم ومصدومة
فيصل ٠ شنو ميروتي موافقة
ميار٠ اهو منذر موافق شكلهم بيخطبوه هو مش انا
فيصل ٠ لمصلحتك يابنتي
ميار ٠ قصدك لمصلحته هو اشبح شن عنده من مصلحة
فيصل ٠ شنو مختار
مختار ٠ لا وآلله شكله ولدك مقرر ناض ٠انشاءالله تنحرقو مدخليش فيكم انا
ميار ٠ ناضت وصلت لباب بعدين ولت لما نروحكم مطلقة محدش يجي يحاسبني
منذر ٠ باه باهي بري تمرقدي
طق طق
رواسي ٠ متخشش
رواد ٠ علاش (خاها مواليد 99طوله عادي اسمر نقشه ع الاسود )
رواسي ٠ كساد منبيكش تخش
رواد ٠ قبل بنرفعك بنشريلك بان كيك قعمزي
رواسي ٠ طلعت تجري للباب حقا بتشريلي
رواد ٠ ايه
رواسي ٠ باه شن تبي
رواد ٠ نضفيلي سيارتي بس 🚘
رواسي ٠ قصدك بان كيك بس
رواد ٠ صكري فمك ونضفاها خير منقولك نضفاها وماني جايبلك شي
رواسي ٠ والله كان بتنضفها في الوادجو بياخدو ٢٠ جني والبان كيك ب ١٠
رواد ٠ باهي شن تبي
رواسي ٠ وسكلوب ياحبي
رواد ٠ شبحلها على جنب كلمة حبي شن قتلك علاها
رواسي٠ اوكي آيام سوري
رواد ٠هيا خفي روحك
رواسي ٠ مشت جابت ماكينة كهربائية وملمع مرش ومنشفة وصابون والدنيا كلها
اية ٠ الو حبي شن الجو
حبيبها رقم 19في الطابور
شنو حبي نتلاقو
اية والله مانعرف توا نشوف
19٠ تي علاش ديما توا نشوف عطيني كلمة
اية ٠ انشاءالله
وكملو هدرزة
في حوش قيس
ناجية (امه) شنو راه يوم الخميس بنمشو نشوف عروستك
قيس ٠ باه باهي انشاء الله خاف من ميار تكون ماتبيشي (قيس كان يموت في حاجة اسمها ميار ديما يشوف فاها لما تمشي المدرسة كان يهبل لما يشوفها ولما يمشي لمنذر في الحوش يشبح فاها كم مرة بس ميار مش معبراته بكل لانها متعرفاش🤷♀️تسمع بيه لانه خوها ديما يدوي عليه )
ناجية ٠ الحمدالله فرحتني قبل ما ربي ياخد امانته
قيس ٠ بعد عمر طويل يما
ناجية ٠ انشاءالله نشوف صغارك يارب🤲
قيس ٠ انشاءالله
قيس ٠ يفكر ان يكونو صغاره من ميار ولا من وحدة ثانية وهو خايف انها ماتبيشي
ميار ٠ خشت لسرير تبكي وتدعي ع خاها الي بدخلها في زي ه الكابوس وبزوجها ولد ماتعرفاش
اما رواسي غاطسة في السيارة تنضف بقلب ورب لين خلتها تبرق برق
وآية ٠ تكلم في الاولاد ربي يهداها🤦♀️
ونور ٠ تشري في حوايج للمدرسة
اما منذر (لانه عارف بوه ميهنيش ع بنته فقررر يزوجها لقيس لانه عارفة الوحيد الي يهني ولما قيس طلب يد ميار استغل الفرصة ووافق منه ليه ومتأكد ان ميار رح تحبه
صباح يوم جديد
رواسي طارحة بجنيه كله
في الطريق تصفر ومنذر يسخن في سيارته
رواسي ٠ استغفر اللله مافيش غيرك ف ه الحوازة
منذر معاش تصفري
رواسي ٠ بنصفر مدخلكش فيا وبدت تصفر بالقوة لين طلعتلها ميار
ميار ٠ صباح الخير
رواسي ٠ صباح النور خيره منضرك تقول جبنة مضروبة
ميار ٠ في عز همها ضحكت
رواسي ٠ هيا خفي رجلك وحكيلي خيرك مولية كتلة نكد
ميار هي تعالي نبي نفضفض بدت ميار
اية هي حبي باي البنات جوني
صاحبها ٠ هي باي
صبحو على بعض ومشو لنور
في طريقهم للمدرسة في سيارة جت بحداهم وكان يشبح لرواسي بس بس انت الي لابس امريكي
رواسي ٠ شبحتله على جنب هادي عيونك الي شبحتني بيهم لابسة امريكي نعميهلك باش تشوفني لابسة برازيلي
الولد ٠ صبح يافتاح هدينا اعصابك
رواسي شبحت للبنات ٠ خيره البغل هدا يبي طريحة شكله والبنات خافو قعدو يشدو فاها لين مشي
وصلو للمدرسة خدو اخر مقاعد ميار ورواسي مع بعضهم واية ونور مع بضهم
طبعا لان اول يوم مافيش حتى ابلة جتهم كل هدرزة
وهما مروحين
الولد نفسه الي عاكسها الصبح يهدرز مع صاحبه اهيا نبي رقمها والبنات مش بعاد هلبا
رواسي ٠ وهي متبيش تعطي رقمها
الولد ٠ كيف سمعتيني
رواسي ونبي برا دور مني يشملك برا
الولد ٠ احترمي نفسك واعرفي مع من تدوي
رواسي ٠ والله ندوي مع تيس انا
الولد والله غر جيتي بنت بس وكنهادا وريتك شنو نديرلك اعطت لميار تلفونها وقتله
رواسي ٠ اعتبرني ولد تعالى
الولد ٠ جي حط يده على كتفها غر تعالي نتفاهمو
البنات ٠ عارفينها مش حا تسكت يترجو فاها
رواسي ٠ شبحتله على جنب حطت يدك هادي رح تندم علاها طول عمرك
البنات ٠ رواسي بالله عليك فوتيه
رواسي ٠وربي الكعبة متحوليش انتي وياها لما نعفجكم معاه شدتله ايده ولوتهاله هادي ع خاطر مسيتني باها ولوحاته على السيارة
الولد والله لما تشوفي يا يا ٠
رواسي ٠ يا رواسي ال ٠٠٠ غر دورني بس
وفتاته عادي
قيس وناجية في الطريق رافع امه لخالته شاف ميلر مروحة من المدرسة
ناجية ٠ ايه يا ولدي يا ريتنا قبل متكلم كلامها قاطعها
قيس ٠ يما اهيا نبيك تخطبهالي
ناجية ٠ تحشم يافرخ ماشي يوم الخميس بتخطب وشفت وحدة من الشارع تبيني نخطبهولك
قيس🤦♂️تي لا هي هادي الي بتمشيلها يما
ناجية ٠ مشاءالله مقنينها زي الغزالة
قيس ٠ قعد مسبوه في ميار وميار تهدرز قامت عينها فيه جت عينه في عينها نزلت عينها طول
قيس فرح من حركتها
في الجامعة مدرس رواد السيارة والي جاية والي ماشية يعاكسها
رواد ٠ بس بس يا عسل
البنت ٠ تتمايل وتضحك
رواد ٠ خيرها هادي تعرفي ضحكتك زي الجمل
البنت ٠ علاش الجمل يضحك هو
رواد ٠ شنو تحسابي غر الكلاب يضحكو
البنت ٠ بس الكلاب مايضحكوش
رواد ٠ اهو انتي كلبة وتضحكي
البنت تنرفزت ٠ اصلا انت واحد تافه ومشت
رواد ٠ شكرا شكرا
رواد ٠ انتي يا نوتيلا نبو الرقم قعد ع الحال هدا لضهر
أنت تقرأ
اصدقاء العمر
Humorبداية روايتنا هي انقلاب حيات بنية طبعا الرواية تحكي على واقعنا الليبي وطبعا رح تكون فكاهية ووووووه هلبا حاجات وانشاءالله تعجبكم حبايبي ❤😍😍😍😍
