صباح يوم مدرسي جديد⛅☀️☀️
البنات تأخرو شوية فالطريق فشدوهم تأخير
رواسي ٠ عليك يوم اليوم من اول مانضت المشاكل فوق راسي 🙆♀️
آية ٠ علاش شنو في
رواسي ٠ تعاركت مع بوي 🤺
نور ٠ علاش
رواسي ٠ قتله عطيني ٢٠ جني قالي شنو بتفطري بيهم المدرسة امالا
ميار ٠ حقا شنو بديري بيهم ٢٠ جني انتي
رواسي ٠ هكي كساد ومن امس نحلم ببطني تقولي دلعيني غضوا
البنات٠🤦♀️🤦♀️
نور ٠ توا انتي حتى كان نجيبلك زقرلو تاكليه مفمتش وين يمشي
رواسي ٠ تمضغ في المستكة اسألي جسمي الرشيق مش انا 🏃♀️🏃♀️
ميار ٠ 😂😂😂
والهدرزة هادي كلها وهما في الادارة
بعد شوية جت الابلة
الابلة ٠ خيركم 👩🏫
طبعا كانو مقعمزين لما جت الابلة وقفو الا رواسي
الابلة ٠ خيرك متوقفيش٠
رواسي ٠ وانتي من تكوني انشاءالله
البنات يفنصو فاها تسكت وهي تشبحلهم وتضحك باستهزاء وتهز بكتافها
ميار ٠ اليوم احني ف الادارة للحصة السابعة 🤦♀️
اية ٠ الاولى عندنا ميكانيكا والتانية كيممياء والتالتة رياضيات والرابعة رياضة
نور ٠ وووه وووه خليني نبي نقعد في الادارة خشت مع رواسي
لابلة ٠ انا نكون ابلتك ياحلوة
رواسي ٠ وانا نكون طالبتك يا كلبة بصوت واطي
الابلة ٠ وخيركم جايين هنايا
رواسي ٠ تأخير
الابلة ٠ ربعت يديها وعلاش انشاءالله
رواسي ٠ ربعت يديها رجلينا معاش القيناهم كانو يلعبو في وبيس ولما كملو جونا 🦵🦵
الابلة 😡😡تكلمي كويس
نور ٠ وحتى انتي علاش تأخرتي
الابلة ٠ ايه ايه خشي حتى انتي معاها يلا
وهما في نص الهدرزة يخش واحد طوييل لابس توتةadidas رصاصية وشبشب صبع🙊🙊 لاكن كان يهبل لحيته مرسومة رسم
البنات كلهم سكتو الا رواسي قاعدة تلاطي بيداها
حست ان الجماعة سكتت لفت راسها والشافاته قعدت مسبوها فيه
الولد ٠ عفوا يابلة نبي نروح بأختي
رواسي٠ شن رايك تروح بيا انا 🤤🤤
الولد٠😰😨😨
الابلة ٠😡😡😡حقيرة وقليلة ادب
رواسي ٠ تكلمتي
الابلة ٠ غر يطلع الضيف بس
رواسي ٠ ااااوووو طلع ضيف امالا حتى انا ضيفة نوضي جيبيلي قهوة ☕
الابلة ٠ بإذن الله اليوم اخر يوم ليك في المدرسة 😡
الابلة بس توا كيف جت هيا
الولد ٠والله صارلنا ضرف مستعجل بسرعة
الابلة ٠ خدت الاسم ومشت اضبح عليها
ورواسي٠ حاطة رجل عرجل وتمضغ في المستكة وهو متحشم قاعد مع اربعة بنات
نور ٠ تنخص في اية بالله عليك شوفيه تقول هو البنت ورواسي الولد
سمعتهم ٠ ميار ضحكت بصوت عالي ههههههه
رواسي تلفتتلها ٠ خيركم تهقهقو
آية سلامتك ياحنة
رواسي ٠ شن اسمك ياحلو
الولد ٠ تحشمي مفروض جيتي ولد وخلاص
رواسي ٠ والله اكتر حاجة نادمة علاها انه جيت بنت 👧
الولد 🤦♂️
رواسي ٠ توا حني بنعطلو كنهادا بنكلم واحد من خوتي يجوني
الولد ٠ انروح بيكم انا
نور ٠ تخضرت وتزرقت 😨
رواسي ٠ بتروح بينا ولا بترفعنا لحوازة😉😉
الولد ٠ خيرها الابلة عطلت
رواسي ٠ شنو تشبحلي تشبح فيا مقعمزة قدامك
ولا مرات ماتت🤔🤔
ميار ٠ رووستي شن رايك تسكتي شويا
رواسي🙅♀️🙅♀️ No No
آية نشاءالله يكمل اليوم ع خير
خشت الابلة والبنت والولد طلع هو واخته
رواسي٠ الشيت نحسابه بيقولي عطيني رقمك
الابلة ٠ اقعدو للأستراحة البرا انتي وياها نوضو تحت المضلة
نور ٠ بارك الله فيك حطتينا تحت المضلة لا وتتجمل باها تحت المضلة
الابلة ٠ سكري فمك وتحركي
البنات ٠ باهي
أنت تقرأ
اصدقاء العمر
Humorبداية روايتنا هي انقلاب حيات بنية طبعا الرواية تحكي على واقعنا الليبي وطبعا رح تكون فكاهية ووووووه هلبا حاجات وانشاءالله تعجبكم حبايبي ❤😍😍😍😍
