اصدقاء العمر

part(22)

رواسي٠ وانا مش مسامحاتك
انس ٠ علاش
رواسي٠ ضننت بيا ضن السوء
انس٠ باردة حقا امتى تطلع النتيجة
رواسي٠ قالو بعد يومين تعرف خايفة لين خلاص 😥
انس٠ انتي قدها،،،،،،،❤
____________

أسماء ٠ تفضلو تفضلو
ام انس ٠ على خير انشاءالله يوم الخميس جايينكم
اسماء٠ مرحبتين بيكم فأي وقت.....❤
___________
كمال (بوها)مني
اسماء٠ خطابة ❤
كمال٠ امتى جايين
اسماء٠ يوم الخميس قالو
كمال ٠ انشاءالله عالخير❤
اسماء٠ والله انحس فاها صغؤرة هلبا
كمال ٠ اهي بنت عمها لاكبيرة لاشيء
اسماء٠ انا بنوض بنولي ندير حاجة مع ريما
_____________

آية٠ الحق انا مش خايفة بكل
نور٠ واتقة من روحك يماما
رواسي٠ والله كل منتفكرلها يجيني اسهال 💩
البنات٠🤣🤣🤣🤣 هههههههه
ميار٠ تخيلو وحدة فينا تصقط 😥
رواسي٠ تخيبي انتي ميار تصقطي تمشي لدور التاني عروسة🤣🤣🤣
ميار٠ تعرفي والله مافكرت فاها تي كان سقطت والله لما نبطل
رواسي٠ انا كان سقطت بنسقط في الكيمياء الغبرا 😑
نور٠ انا الميكانيكا خايفة منها
آية ٠ ربي يستر وخلاص 🤲
نور ٠ سمعتو بي أبلة الرياضيات
البنات٠ خيرها
نور ٠ تزوجت مرة تانية
رواسي٠ قصدك مرة رابعة 🤣
آية٠ قصدك رابع مرة تتزوج
نور٠ هههههههه إيه 🤣
ميار٠ ياسعدودها
رواسي٠ شنو حتى انتي تبي تاخدي اربعة امالا
ميار٠ اول ششيء هي تتزوج وتطلق ياغبية
رواسي٠ آه حتى احنا مالنا ومالها تطربق هي وياهم نحو من علاها وانحطو علينا
ميار ٠ امتى بتجي ام انس
رواسي يوم الخميس😍
________
تسريع الاحدات
طلعت نتيجة البنات وآية جابت 98  وميار 90 ورواسي 88وااكيمياء ع الحافة ونور 87
جت ام انس وخطبت رواسي لانس ونفس ماصار لميار جاها قبلها بيومين وتو معاها وباتو وتوا سبوع العرس لميار وآية 😍😍😍😍🔥🔥❤
________
حوش فيصل بو ميار زحمة وآية نفس الشيء الدنيا تهبك عمات وخلات وصحاب وجيران
______
نور تلبس في عبايتها .... انا خلاص بنمشي لحوش آية
رواسي.... جو ساعة ونلحقك نكمل معاهم الباكوات
نور... بنات خلاتها حصلولي في الرقبة لابو ينزلو ولا يرقو
رواسي.... اشبح الجو في حوش آية كيف
نور... تلف في الوشاح محلاهم بنات خلاتها يهبلو 😍
رواسي.... باهي احسن شيء حقا انتي من بيرفعك 🤔
نور .... رجليا من بيرفعني يعني
رواسي... خيرك انتي هبلتي رجالة هلبا البرا
نور٠....توا نطلع من الباب الخارجي
رواسي... والله كان يشوفك منذر لما يدبحك
نور...احسن حل ناخد خمار وخلاص 🖤
رواسي..... لاحقة عليه ياكبدي
نور.... تي والله ماني لابساته بعد الزواج
رواسي .... توا نشوفو 👀
نور لبست الخمار ... هي توا باي نتلاقو ❤
رواسي... باي ❤
__________
في حوش آية طبعا اليوم مش مدايرين شيء لاميار ولا آية وتاني يوم غدي وفي الليل السهرية والي بعده الدخول ❤
______
مقعمزين مربعين وهي وبنات خلاتها ع السرير
آية...مش عارفة الحق خاطري نخش طب بشري لاكن رواسي متبينيش نخشله
أرين... حتى معاها تخيلي بتقعدي سبعة سنين تقري
رتيل .... عادي مدامه هي راغباته
هديل .... اشبح راجلك يوافق ولا لا
شيماء .... يوافق غصب عنه
أرين ...سكري فمك جاية تكشخي وانتي الي يقولك عليه خطيبك اديري فيه وتوا جاية تحاسب في اية مصح وجهك
شيماء.... ربي يحفضهولي وسيمي
البنات... اخري 😒 🤣🤣🤣
رتيل ... اشبح منو جي
آية .... صوت نور طلعت تجري سلمت علاها
نور... اوووو انتم هنايا وسلمت عليهم وقعمزو يهدرزو
_______
ميار... واااك بنكسد توا بروحي
رواسي تلبس في الشخشير .... اهم قعدين الخروات معاك
ميار... ماهم خراوات شن بندير معاهم
رواسي .... لابسة سورية بيضاء مزلزة بالاسود وسروال اسود وسبيدرو فيه هلبا الوان
ميار ..... نهارك اسود بتطلعي هكي
رواسي... خيرها مستورة
ميار... عيب مخطوبة
رواسي... مخطوبة مش متزوجة
ميار... ونبي اقلبي وجهك الحق فيا ننصح فيك
رواسي... no no قلي شكون انتي بش تنصحني
ميار.. معييتيش منه سنفرا هدا
رواسي... ردي بالك تغلطي فيهم سنفورتي وسمورتي
ميار 🤦🏻‍♂️🤦🏻‍♂️🤦🏻‍♂️🤦🏻‍♂️
_______
آية .... خيرها رواسي عطلت
نور....  توا نشوفها
رواسي... ها
نور... عصا مرض وينك انتي
رواسي... اهوا كيف نزلت
نور ... اهيا وصلت
جت رواسي سلمت عليهم وهدزت معاهم
رواسي... محلاكم تهبلو
بنات الخالات .... انتي احلا 
آية .... غريبة يارواسي انتي مايعجبك عجب ولا صيام ف رجب
رواسي... ماهو قعدت معا الخراوات هدكما اترو على دماغي 🧠،،،،،
_______
ترن ترن المكالمة ال18
قيس 💌رسالة ردي
ميار  💌لالا معاش بنكلمك لبعد غضوا
قيس 💌 باهي منورة
ميار  💌قيس باش تستاحشني
قيس 💌باهي انا توا مستاحشك ❤
ميار  💌 باش تزيد تستاحشني اكثر 🔥😍
قيس 💌 باهي باهي لاكن والله لما تشوفي 👀
ميار  💌حتى انا نبي نشوف😍
_______
قيس... يقرا في الرسالة
انور (ولد عمه )... شح منه التالفون تي هيا ياراجل نبو نشبعو منك الاولاد جو
قيس .... ضحك تعالى هي
انور.... نستنا في الفاتحة على جمر 😈
قيس .... علاش😳
انور ..... باش نديرولك زي مادرتلنا 😈
قيس... تي حرام عليك الزبون غالي
انور.... تي والله لما نكسر عليك طبق دحي كامل ونمرغدك في التراب ومع هدا كله بنحط عليك زيت سيارت صخون باش تبدا دحي مقلي
قيس ......هههههه🤣🤣🤣😂 وانا راضي
انور.... بسيف عليك بترضا خشو للمربوعة 
الاولاد ... اووووو عريسنا وناضو يباركولا
_________
تسريع الاحدات قعدو البنات يضمو في الحوش ورواسي  ونور باتو عند آية تاني يوم يوم الحمام مدايرين غدي وميار واية ماشيين لنفس الحمام ومعاهم البنات كلهم ودارو العار في الطريق😍 تصفيق ورقيص وهياجة💃💃💃💃💃👏👏👏👏💃💃💃💃😍😍😍
__________
روحو البنات ميار روحت معاها نور ورواسي روحت مع آية لان سمعت رشدة الي مدايرينها امالي آية تهبل😋🤣🤣🤣🤣 تغدو وغسلو الماعين
لابسين البودري 
_____
اسماء ... لبس البودري والحنة ربي مايحرمني منه 💃💃💃👏👏👏👏👏👏
ريما ....  لبس البودري محلاه كل بنية تتمناه 👏👏👏👏💃💃💃💃
كانت الدنيا زحمة هلبا بدات ف حوش ميار لان ريما تواصل هلبا حتى الي ضفره يتكسر تمشيله😒😒
______
توا نجو للعرسان بنتكلم علبهم الزوز مع بعضهم يعني مش كل واحد بروحه
محلقين وطارحين احمد لابس زبون عنابي وقيس زبون جيشي وطالعين يهبلو 😍😍❤❤🔥
وبعدها دارو نوبات وإلي هناك طايح فيه رقيص وعاد رقيص الاولاد ياكبدي 🔥🔥🔥❤
تمت الفاتحة وبعتو رسايل لميار وآية ان الفاتحة انقرت ________
ميار.... ماما قرو الفاتحة
ريما.. روووورري روووري (معرفتش نديرها الزغروطة الحق😅)
اسماء... روروري روووري هي جيبو الدربوكة جاي نديرو شوط مقوم 💃👏💃💃💃
______
آية تصيح .... قراها قراها
رواسي ... جاية تجري داهشة منو قري التاني
آية .... تنقز ع السرير على الفاتحة
رواسي... الف مبروك 🔥❤😍 العقبة ليا
جاها البنات .... يباركولها وناضت رواسي ادربك فالحة طالعة لامها شواشات
وناضو كلهم يرقصو وينوضو في آية ترقص معاهم 💃💃👏👏👏👏👏💃💃💃💃
قعدو قريب نص ساعة رقيص 🔥❤❤😍
________
وجت العشية وإلي هناك ماشية للمزين والحوشين فضو  لان ميار واية متفقات عراسهم تكون زي بعض يعني السهرية كبيرة والغدي كله هما قالولهم عليه واليوم السهرية 
________
رواسي... جيبي السترة بندير شعري
نور... توا نديرهولك انا
رواسي... لالا منحبش منو يمسه
نور .... بالك متقدريش اديريه من التالي
رواسي... باهي تعالي يخرا هي 😒
نور... الحق مش فيك 😒
نور... شن بتلبسي انتي
رواسي.... ردي حناي
نور.... 🤦🏻‍♂️🤦🏻‍♂️🤦🏻‍♂️🤦🏻‍♂️
رواسي ....ههههه نبصر عليك بنلبس قفطان اسود من قلب احلام
نور...هههههههه كان إلقيتي اسود من قلبها هادا
رواسي....لاكن شفت خلقت قفطان مبكري في يدها يهبل لونه فضي خيااالل🔥😍😍😍
نور... غريبة انس معاش يكلم فيك
رواسي... متعاركين
نور....اكيدة انتي الغالطة
رواسي... اكيدة 😌😌😌
نور... تقولي فاها وفرحانة علاش متعاركين
رواسي... مصح وجه يبيني نلبس خمار قعدنا نتعاركو كلمة مني كلمة منك لين بديت نخرط
نور... حي حي كان مايفسخ الخطبة
رواسي.... ينضم اموره زي ماجي هو توا يجي غيره
نور.... عارفتهة متبيش تتكلم لان رواسي تموت في التراب الي يمشبدي عليه لاكن نوعيتها متحبش تبين
نور..... امه واخته بيجو اليوم 🤔
رواسي ... ايه كلمتني اماني امبكري تهدرز قالتلي بنجو
نور... كملتلك نوضي هي ❤
رواسي.... محلاه كيف درتيه منورة ياحبها ❤
نور ... بوجودك ❤

يتبع 😍😍🔥🔥❤❤❤
رايكم في الحلقة 🤔😅