أسماء٠ والله معاد تتحشمي على وجهك😡😡
رواسي٠ والله علاش انتي واخديتيه علاقة حتى انا بناخد علاقة زيني زي امي
أسماء٠ بري قدامي اشبح شن مدايرة باش ربي رزقني ببنت زيك
رواسي٠ ا،،،،
أسماء٠ صكري فمك وقدامي لسيارة
رواسي😒😒😒😒
_________
ميار٠ شن دارتلك
رواسي٠ واضحة هزبتني
نور٠ ماك حمارة قتيلها انكلم في صاحبتي
رواسي٠ لالا الكذب حرام😇وثاني حاجة ماهو انتم صاحبات العازة
آية٠ خاطري نشوف حد يضربك يارواسي
رواسي٠ ههههههههههههههههههه نجوم الليل اقربله الي بيضربني
وحقا انس قالي بنجي نخطب
البنات٠ اكذبي
رواسي٠ وحق ربي
آية٠ مصرع
رواسي٠ على الاساس انا عمري ١ وانتم ١٨ تي ماهو انداد تاني حاجة انا احسن وحدة فيكم مفروض مخطوبة اول وحدة 😌😌😌😌😌😌😌😌
ميار٠ امتى قالك بنجي
رواسي٠ سبوع هدا
نور٠ رواسي حقا ولا كذب
رواسي٠ والله الا حقا
آية ٠ لالا مداما حلفت معناها حقا
وقعدو يباركولها قطعت حديتهم ريما
ريما نوضي انتي وياها هي كان بنروحو
البنات٠ آهو نايضين
_______
منذر٠ رشيد ولع السيارة هي
رواد٠ شوف البنت هديكا جايا للبحر في عقابات الليل
قيس٠ تي شن دخلك فاها يراجل 🤨
رواد٠ والله ركبي الفضول علاش جاية 🤔🤔
منذر٠ هني روحك رواد
رواد٠ باهي انا بنمشي انصلي العشاء
قيس ومنذر٠ بتتتصليييي
رواد ٠ ايه علاش لا
قيس٠ باهي ربي هداك
رواد مشي فاتهم على الاساس بيمشي للحمام مشي للبنت
__________
البنت٠ اااا😨😨😨😨😨منو انت
رواد٠ انا رواد
البنت ٠ شن ادير اهنا 😨😨😨😨
رواد٠ تي خيرك مرعوشة انتي شن جايبك في الليل
البنت ٠ مضايقة
رواد٠ علاش
البنت٠ شبحتله بعدم فهم ٠ شن دخلك انت
رواد٠ قصدي بنت في البحر عقابات الليل
البنت٠ صكر فمك مدخلكش فيا انت
رواد٠ مبردك تعرفي
البنت ٠ ونبي برا دور وين تلعب ياعيل
رواد٠ وقف انشاءالله مشكلتك ماتنحل وتموتي وانتي مروحة🤲🤲
البنت٠ رن تالفونها وناضت
أختها٠ تعالي روحي لقوه خوك بسرعة الحوش زحمة
البنت٠ حقا جيهان ولا تكذبي تبيني روح
اختها٠ وحق ربي للقوه
البنت٠ الحمدالله ياربي الحمدالله
أختها٠ روحي بسرعة
البنت ٠ باهي باه وسكرت وبطير من الفرحة
كيف جاية بتمشي
رواد٠ باش تعرفي بس كان مش مني راهو ملقوشي خوك
(خاها كان مخطوف )
البنت٠ تي انت دعيت عليا بلموت
رواد٠ مهما قلت هدا مش من قلبي ❤
البنت٠ باهي هادي من قلبي ❤
رواد٠ شنهيا 🤨
البنت٠ انشاءالله تموت وانت مروح ومشت 😉
رواد٠ تيسة
ركبو سياراتهم وانطلقو الى البيت
ثاني يوم
قيس٠باهي وديري بالك على روحك
ميار٠ واااك المرة ١١ هادي خلاص حبيبي بنسكر البنات ليهم ساعة يراجو
قيس٠ باهي باي وديري بالك على روحك
ميار🤦♀️🤦♀️🤦♀️🤦♀️🤦♀️🤦♀️
أنت تقرأ
اصدقاء العمر
Humorبداية روايتنا هي انقلاب حيات بنية طبعا الرواية تحكي على واقعنا الليبي وطبعا رح تكون فكاهية ووووووه هلبا حاجات وانشاءالله تعجبكم حبايبي ❤😍😍😍😍
