بارت 10
طلعنا اني وسليم من المستشفى سليم كلمه وحدة محچة ظل ساكت واني هم الطريق كله ابجي وقررت نهائي اني باي طريقة راح اجهض الطفل حتى لو اعرف اموت هذا الطفل لازم ميولد ماگدر ماگدر اولد هذا الطفل وكل ماشوفة اتذكر مصيبتي ظليت افكر بانمار گلت اذا هو قبل بية وهذا من سابع المستحيلات اكيد أهله ميقبلون بطفل غير شرعي يتسجل باسمهم وياريت ابنهم
وصلنا للبيت و قبل مننزل من السيارة اندار عليه سليم وگال
سليم:شوفي نظرة اني لاخر ثانيه وياج مراح اعوفج انتي اختي ونور عيني اذا الناس كلها تبرت منج اني اريدج واخليچ بعيوني اياد ماريدة يعرف بالسالفة لان راح يموتچ وااحتمال اني مراح اگدر احميج منه اذا عرف لان اكيد اذا عرف راح يخبر عمامنا وجدي واولاد عمامنا اني وابوية بالگوة نقذتاج منهم وهمة هسه حقدوا عليه شوفي يا بت الناس اني بالنسبة الي من عرفت بعلاقتچ ويا الولد شاهدة لله مضجت لان من اچى خطبج وبعد كل الي صار وياج عرفت هذا الولد ڜجد يحبج وقصده شريف وهو الولد بصوره عامه ليش يتخبل من اخته اذا سوت علاقة يخاف ليكون قصد الولد مو شريف ويضحك على أخته وهسه يا نظرة موضوع حملچ يظل بيني وبينج وامي هم لازم تعرف علمود تلبي حاچاتج ومتطلابتچ وباسها من رأسها
نظره :اني بعد كل هذا الحچي متت بچي لان اني حامل وچبت مصيبة لاهلي شنو راح يكون مصير الطفل والي صار ب ابوية كله بسببي من قهرة عليه من زعلة عليه
فتت للبيت راسا صعدت لغرفة سليم وصحت ماما
اجتي امي
هالة :ها يمة نظرة احجي شكو شگالوا لج بالمستشفى طمنيني يمه
نظره :ماما اني حامل
هالة :من سمعت ببنتي حامل دگيت ولطمت على وجهي واني اگوللها هذا الطفل ميبقة هسه تنزلي لج كم يوم عمر الطفل
نظره :15 يوم اني هنا ظليت ابجي مگدرت اي شي بعد
هالة :اني راسا صحت سليم اريد افتهم منه شنو القصة اخاف نظره تخبلت دتهلوس شبيها
سليم :ها يمه شكو
هالة:لك هاي اختك شنو دتحچي شنو حامل
سليم :اي ماما حامل اليوم سوينا تحاليل بالمستشفى وطلعت حامل
هالة:اي وليش منزلتوا الطفل
سليم :الدكتور گال اجهاض الطفل بي خطر على حياتها واني الصراحه ممستعد اخاطر بحياة اختي الي مغلطت بحق احد مأذت احد برئية ضحية
هالة :اباوع على نظرة انهارت من الپجي يارب ساعدني المصايب منين تچي دخيلك ربي منا مصيبة نظرة ومنا مصيبة ابوها الي انشل وگعد بالغرفة
ثاني يوم العصر اچتي انوار تزورها فتح اياد الباب
وگال
اياد :لج ساقطة طلعي انتي سبب كل الي صار لنظرة
انوار :اني محترمة غصبا عليك انت الي مو محترم انت متخلف هم الله ياخذك
هاله سمعت اياد يرزل بينية ع الباب راسا طلعت اشوف شكو شفت انوار واياد يحاول يطردها
طبعا اني ماحچي ويا اياد مقاطعته من يوم الي ذلني واذاني وهو ابني
هالة :لك اياد انت هواية شفت نفسك علينا الله شاهد عليه لو مو خايفة على جاهلك يتشردون بالشارع اشمرك انت ومرتك يا ادبسسز فوتي يمه انوار نظره فوك حالتها كلش تعبانه وانتي مو بس صديقتها انتي اختها يمه حاولي تقويها تسنديها اروحلج فدوة يمه
انوار :اي يمه تددلين اصلا اني چاية اطمن عليها والله خالة قلبي ممرود عليها هاي اختي والله مستعدة انطيها روحي خالة والله اني ليهسة ممسامحة روحي لان عفتها تبقى برة و الله لو ادري هيج يصير ماعوفها ثانيه وحدة اخليها بعيني والله خالة الجامعة محلوة بلياها ما الها اي طعم ونظره ماكو بيها صدگ خالة نظره شبيها ليش مدتداوم بالجامعة
