بارت 16
ظلوا يشتغلون للعصر بس سليم وانمار لاحظوا انو امير مشغول وديفكر بموضوع
انمار :هنيالها الي شاغلة بالك منو هاي سعيدة الحظ الى يفكر بيها اموري
امير:لا يابة ماكو سعيدة الحظ ولا أبد اشتغلوا اشتغلوا يلا لدوخولي راسي
كملوا نقل الاغراص وصبغوا الغرف
بالليل طلع انمار وامير يفترون وگالوا لسليم يچي وياهم بس اعتذر كال تعبان ورجع للشقة
انمار :اموري شبيك مو على بعضك اليوم احچيلي شصاير اني مثل اخوك
امير:هاي منو البنية الي فتحتلي الباب اليوم
انمار : ليش دتسأل
امير :ها لا ماكو شي بس حبيت اعرف
انمار:هاي اخت مرتي اسمها حنان
امير :اگولك اذا اطلبها من اهلها ينطوها
انمار : لك شكاعد تحجي انت شنو هلتطورات بس اذا تخطبها ما اتوقع عمي سجاد يرفضك
امير :زين انت شنو رئيك باخلاقها
انمار: والله نظرة وخواتها لحد الان مشفت بنات بادبهم وخصوصا حنان كلش هادئة وضلت يم ابوها تخاف من تمرض كلش تخاف علية
لعد ان شاء من يكعدون بيتهم اجي اني واهلي نخطبها
مرت 3 ايام
اهل نظرة رجعوا لبيتهم استقروا وجد نظرة وصل لبيت ابو نظرة وعمام نظرة كلهم اعتذروا من ابو نظرة اما ابو نظرة وام نظرة مقبلوا يفوتون للبيت الا ميطلع اياد منه وتبروا من اياد
صار يوم تنفيد الحكم
راحت نظرة وانمار وراها تبعهم جد نظرة و عمامها وامها وابوها واخوها سليم وتنفذ الحكم وانعدموا المجرمين وانمار ونظرة اكثر ثنين فرحوا ورجعوا للبيت
وبنفس هذا اليوم اجى امير وأهله وخطبوا حنان واهلها وافقوا وتحدد المهر بعد شهر
واتفقوا ان يكون عرس انمار ونظرة بعد اسبوعين
مر الاسبوعين
اجتي انوار وحنين وحنان وهالة اتسوقوا كلشي تحتاجة من ملابس ووكل شي
وانمار راح هو وامير وهيثم حچزوا القاعدة وخلصوا الترتيبات وانمار راح حچر ليلة بالفندق
واليوم هو يوم العرس
لبست نظرة البدلة البيضة وانمار لبس البدلة اول مفاتت نظرة للقاعدة اخوها سليم وهو الي سلمها لانمار وأبو انمار وأمه جانوا حاضرين وكلش فرحانين ركصوا سلو وانوار وهيثم هم ركصوا سلو و امير وحنان هم ركصوا وياهم سلو وخلصت الحفلة وراحوا للفندق
ثاني يوم اخذها اسبوع عسل لغير بلد وبقوا الجهال يم هالة والبنات خواتها كلش يحبوهم
وراها ب ثلاث اسابيع صار عرس امير وحنان
وهيثم بس يسب انمار و امير لكم شفتحتولي باب انوار كل شوية شوكت تچي تخطبني وانت متحبني وهسه زعلانة علية لكم الاسبوع الچاي تچون ويايا اروح اخطبها
نظرة :من رجعنا لبيتنا أني وانمار والشياطين الصغار اطفالي رحت نومت
جهالي
وگعدت يم انمار وسهرنا واحنا نتذكر ذكرياتنا بالجامعة شلون حبني ومن چان يعرض نفسه دائما للخطر بنفسي وشلون حماني من كل الناس وصار هو الظل الي احتمي بي ومرت الليلة
كعدنا ثانيةيوم الاطفال عدهم لقاحات ولازم نروح اني وانمار نلقحهم وشفت وحدة لابسة نفسي بالضبط وانمار يحچي وياها ومندمج والبنية ساكتة
اني شايلة سيف ورحت تقربت عليه وگتله يلا استاذ انمار كمل كمل بعد الظاهر اني مو بعينك
انمار من شافني انصدم حبيبتي والله ع بالي انت
نظرة :اني غلطانه من فكرت انت راح تحميني وظليت ابجي وصعدت للسيارة وهو هم صعد گتله هسه توديني لبيت اهلي معلية
انمار:يمعودة ذكري الله والله عبالي انتي بيش احلفلچ حتى تصدگين وديتها للشقة ومهتميت لكلامها بخصوص انو تريد تروح لبيت اهلها بس زعلت منها زعلة كلش قوية ورحت نمت بالغرفة الثانية واخذت واحد من الجهال انيمة يمي لان متكدر عليهم اثنينهم
وهيه بعدها شگد حاولت تصالحني اني مقبلت گامت تسوي اشكال شغلات بس تريدني ارضى عليها اني ماكو لان اني حاربت الدنيا كلها في سبيل احميها هيج تشك بيه
نظرة:انمار ظل مزاعلني يومين واني متت من القهر بس اريد يصالحني شگد اعتذرت منه شگدظليت اسوي شغلات في سبيل يصالحني ماكو نوبة بالليل ينام بغير غرفة وياخذ يوسف يمه واني اموت قهر
مر الاسبوع واحنا متزاعلين واليوم خطوبة انوار وهيثم راح امير وانمار وسليم اخوية واهل انمار واهل هيثم وخطبوا البنية واهلها قبلوا وچان هيثم چايب ويا الشيخ بسرعة عقدوا
نظرة تحچي باذن انوار :لج الظاهر هيثم مستعجل 😂😂😂😂
وبهذا اليوم من رجعوا للبيت انمار باس نظرة براسها وگال خبلة دير بالج تشكين بيه ترى اني مو بس احبج اعشقج
وثاني يوم اهلي سووا عزيمة كلش چبيرة اهل بابا كلهم اجوي واهل انمار واهل هيثم واهل امير واهل انوار وانجمعنا كلنا على سفرة وحدة واخيرا انجمع شمل العائلة ورب العالمين لطف بهاي العائلة الي چانت راح تدمر وتتفرق
