بارت 14
نظرة : اول مفات انمار للغرفة خله صينية الاكل على الميز واجى كعد يمي على السرير واني اشوف فرحة بعيونه كلش چبيرة
انمار :نظرة حبيبتي وجودج يمي هسه اغلى من اي شي ممكن املكة وباسها من راسها بس نظرة اني قاطعت وعد على نفسي بعد ما صار وياج الحادث اني ما اتززوج الا بعرس چبير يحضرة الكل الچبير قبل الصغير وتظل الناس تحچي بي واني حتى الآن عند وعدي اني مراح اتقربلج منا ليحد متولدين واسويلج اكبر عرس وتلبسين البدلة البيضة لان اعرف شگد چانت امنيتج تلبيسن البدلة البيضة اشر على الميز حبيبتي هذا العشاء اكلي ونامي وتغطي زين اني راح اروح انام بالغرفة الثانية
انمار:اني صح گتلها ما اتقربلج لحد متلبسين البدلة البيضة بس الحقيقة اكو شي منعني اتقربلها ماعرف شنو بس ميخالف ويا مرور الوقت اتعود عليها
اياد وجدة وعمامه وصلوا للبيت وظلوا يدرون عل نظرة وابوها وامها واخواتها بكل مكان حتى راحوا لبيت اهل انمار وفتشوا غرفة غرفة ملگوا شي أهل انمار كلش انصدموا من اهل نظرة وهذا تصرفهم بعدين عرفوا انو انمار اتزوج نظرة اهل نظرة كلش زعلوا من انمار لان اتزوج بدون علمهم
مرت سته شهر على هذا اليوم
انمار ظل ممتقرب من نظرة
نظرة صارت حامل بالشهر السابع ومرحت الدكتور ولا عرفت جنس الجنين بس انمار چان دائما يروح للسوق يشتري ملابس للبيبي جهز الطفل جهاز كامل مخلة شي مشترى وكل على حسابه
سجاد ظل مستمر بعلاجة وحالته الصحية كلش تحسنت
طبعا هالة وسجاد :اخذوا اجازة من شغلهم لمدة سنه مرت منها سته اشهر
حنين وحنان :عافوا المدرسة هاي السنه
كذلك سليم اخذ اجازة من شغلة لمدة سنه
وانمار و نظرة :عافوا هاي السنه مداوموا
كل هذا خوفا من جد نظرة وعمامها ليلگوهم ويگتلوهم
نظرة:اني مرت هاي الست اشهر وعلاقتي بانمار كلش سطحيه مرات احاول اتقرب من انمار بس دائما يصدني اسأله ليش ميجاوبني
حسيت ب ألم كلش چبير وصيحت على ماما واچة انمار من الشارع لان چان بالاسواق ديتسوق اچة ركض شالني وخلاني بالمقعد الخلفي مال السيارة واجت ماما ويايا الطريق كله وإني متت من وجع وبس اريد اوصل للمستشفى لان الالم گتلني وكل الي بالي هسه شلون انخطفت وشلون اغتصبوني شلون دمروا حياتي الميخافون من الله
وصلنا للمستشفى الدكتور راسا فحصتني وكالت عندي ولادة حاولوا يولدوني طبيعي بس مچان عندي اي توسع لهذا ولدوني عملية قيصرية
توني ديفكني البنج احس ان انمار ماما وسليم وخواتي فوك راسي
كعدت واني كارهة نفسي وكل الي صار ويايا ديمر كدام عيني كانما فلم
هالة :ماما اجاچ تووم ولد كعدي شيليهم ماما
انمار : يلا حبيبتي اچوي اطفالنا يا عمري گومي شوفيهم
نظرة :ماريدهم ولا اريد اشوفهم ديربالكم تچيبولياهم ومتت من البچي
انمار:شنو هل حچي حبيبتي انسي الماضي انسي والأطفال مالهم اي ذنب كومي حبيبتي ذولة ولدج يلا حبيبتي تسميهم انتي لو اني اسميهم
نظرة :گتلك ماريدهم ماريدددددهم وگمت اعيط
انمار :طلعت من يم نظرة ورحت للغرفة الي حاطين بيها الاطفال اشرتلي الممرضة على اطفالي وشفتهم من بعيد لان اخاف اشيلهم
