بارت 13
نظره :انوار من حچت هيج متت من الفرح يعني باجر حصير مرت انمار بسس گتلها
زين والطفل الي ببطني شلون هو يدري اني حامل زين اخاف من يدري بحملي يعوفني بعد
انوار :لج يا ثولة يدري بيج حامل وگلي مستعد اخذ الطفل واربي كأنما ابني واعز لج انمار طلع يسوة الف زلمة رجال ينشد بي الضهر لج الحمد لله رب العالمين يحبچ خله انمار بطريقج
نظرة :فرحت فرحة كلش چبيرة والدموع صارت بمكانها ابتسامه
انوار : يلا حبيبتي اني اروح وان شاءالله تكون هاي اخر زيارة الي ببيت اهلج ازورج المرة الثانية وانتي ببيت انمار وانتي عروسه اله
نظرة :مع السلامه حبيبتي
مساءا من مكان آخر
انوار📲 :اني هم احبك حبيبي
هيثم 📲:تصبحين على صوتي يا حلوة احبچ
نامت انوار وهيثم وهمة فاتحين خط التلفون
حسيت فعليا رجعتلي الحياة هسه يلا بديت اتنفس نمت هاي الليلة واني فرحانة يمكن هاي اول ليلة انام فرحانه من صار الحادث ولحد الان
ثاني يوم الصبح گعدت انوار على صوت همس يم اذنها
هيثم 📲: يلا حبيبتي گومي صار الصبح
انوار📲 :اي حبيبي گمت حسد الخط واشوفك بالجامعه
هيثم 📲:احبج
انوار📲: باي حبي
الصبح في الجامعة
انمار:ها انوار بشريني شگال اخو نظرة
انوار :مع الاسف موافق
انمار :شنو موافق انوار اني مو گتلج لتطلعين من بيتهم الا وانت قانعة اخوها يعني هسه شلون نظرة تظل رحمة اخوها ومرته الي ميسون بس تعرفين الظاهر اني غلطان اني ليش دزيتچ خوب اني اروح احچي ويا وجها لوجهه من رجال لرجال
انوار:هاي شبيك اكلتني وشربتني يابة احب اگولك هذا مقلب واخوها وافق وحچيت لنظرة وطارت من الفرح الله يهنيكم ان شاء الله
انمار ::انوار صدگ تحچين
انوار:اي والله اخوها وافق
انمار::اني اروح لعد
انوار:وين
انمار:لبيت نظرة يعني وين مثلا
انوار : أخوها بالشغل هسه لو نسيت اخوها يشتغل مدرس بس يلا ما الومك الفرحة نستك كلشي
انمار : اي والله اني كلش اشكرچ انوار اطلبي اي شي مني وإني جاهز شتريدين يحضرلج
انوار :اني ماريد شي بس هذا صديقك هيثم من يلعب بذيلة ويباوع على بنية أو يحچي ويا بنية گبل تگولي حتى اتصرف ويا
انمار بضحك :منو هيثم اصلا هيثم فقير كلشي ميسوي
انوار : ولله محد فقير بهلدنيا الا اني
في الساعة الخامسة عصرا
انمار :بدلت وكشخت واخذت ويايا امير وهيثم وانوار هم راحت قبلنا لبيت نظرة ورحت چبت الشيخ
اياد چان خارج البيت طبعا
گعدنا بغرفة الاستقبال گلنا ونزلت نظرة هيه وانوار لابسة فستان يجنن انوار چابتة الها وامها وابوها هم چانوا گاعدين ويانا
وبدأ الشيخ يعقدلنا وفعليا خلضنا العقد وچان الشهود اصدقائي امير وهيثم واباوع على نظرة احسها طايرة من الفرح وانوار بس تذب جكليت علينا مدري منين چايبة هلگد جكليت ميخلص 😂😂
وهنا راح امير يوضل الشيخ
وهيثم گعد يم انوار بس يغمزلها شوكت تصيرين الي شوكت تكمل فرحتنا ومن هذا الكلام
بعدها طلعوا هيثم وانوار من البيت
اياد اچي للبيت بس محد حس عليه
وبدأ سليم يحچي ويا انمار
سليم:انطيتك اختي الي هيه اغلى من عيني والله شاهد عليه اريدك تدير بالك عليها وعلى الي بطنها وظل يسولون تقريبا خمس دقايق
وفجأة دخلت حنين اخت نظرة للصاله وگالت
حنين:الحگ سليم هذا اياد خابر جدو وگله نظره تزوجت وگله هي حامل وچدو ظل يعيط ويگول هسه چاين نذبحها لان كسرت كلامنا بزواجها وفوگاها طلعت حامل وتريد تنزل وجوهنا بالطين اني سمعتهم لان چان اياد فاتح سبيكر وع باله كلنا هنا ومحد ديسمعه
سليم :يلا بسرعة احنا لازم نخلي البيت فورا
الكل طلع من البيت وانقسموا بسيارتين القسم الاول
بسيارة سليم (سليم-ابوه -امه- حنين- حنان)
اما نظرة صعدت ويا انمار بسيارة وحده بس همه
وگفوا بنص الطريق ياخذون استراحة لان تعبوا تقرييا ساعتين وهمه راكبين بالسيارة
سليم يحچي ويا انمار
سليم : والله ياخوية ماعرف وين اوديهم
انمار :خوية احنا عدنا شقة قريية منا محد يعرف بيها مؤثثة كامل اذا نروح هناك محد راح يلگانا خل نروح هناك احسن
سليم :اي خوية هو هم هيج
ظل سليم وانمار يسوقون لحد موصلوا الشقة بس چانت مو شقة عادية شقة كلش فخمة وبيها هواية غرف وانمار گال الله عليكم تعتبرون البيت بيتكم واي شي تريدوا يحضر الكم
هالة وسجاد اخذوا غرفة
وحنين وحنان اخذوا غرف
وسليم اخذ غرفة
ونظرة وانمار اخذوا غرفة
فاتت بالاول نظرة للغرفة وراح انمار يجب عشاء واول مفات للغرفة
