بارت 8
انمار تخبل :خابر كل عمامه واقاربة وجوارينة يروحون باجر يطلبون نظرة وميطلع الا تكون اله وراح ياخذ الشيخ ويا حتى راسا يعقد عليه وياخذها لبيته وبعدين يسون العرس
ثاني يوم طلعوا نظرة من المستشفى ورجعت للبيت هي و امها واخوها سليم
طبعا طول هل فترة حنين وحنان وابوهم گاعدين بالغرفة
الجد :كال لابنة الي هو عم نظرة روح چيب ابنك باجر العقد مال همام على نظره واول ميوصلون تضربوها ضربة قوية وراها خلي الشيخ يسألها حتى لتفكر تلعب بذيلها وترفض
نظرة من رجعت للبيت ما باتت بغرفتها لان اخوها قفل غرفتها وگال هاي الغرفة للبنات الشريفات مو للعارات والساقطات الي يسون علاقات ردت اروح انام بالمخزن الي فارغ كل شي ما بي لامخدة لا غطا والدنيا شتاء باردة بس اخوية سليم مقبل گال خوية صدر البيت الج والعتبة النا خوية انت تاخذين غرفتي واني والله لو انام بالشارع في سبيل انت تنسعدين ما قصر
ثاني يوم الظهر وصلت مرت عمها ام همام وراها جدها حچالها السالفة واول شي سوتة دورت على مقص وصعدت لنظرة الي چانت بحدها بالغرقة وگصت شعرها ولادي ونظرة مكدرت تقاوم بس منچطله ودموعها تجري وام نظرة صعدت للغرفةوشافت شعر بتها بالارض وبتها تبچي لج منو سوة بيج هيج احجي نظرة اخرست كلشي محچت مگدرت تنطق
العصر اجى الشيخ واياد ضرب نظرة ضرب مو طبيعي الا شوية تموت بايدة وكعدها بالصالة وبدا الشيخ يريد يعقد بس اتوقف لان اندكت الباب فتح اياد الباب دفعه انمار انمار وفات للبيت ويا جاهة كلش چبيرة بيها خيرة الرياجيل المنطة انمار گال محد يعقد على نظرة غيري فاهمين ...........
يا ترى منو راح يعقد على نظرة انمار لو ابن عمها الشلل ؟؟؟راح تعيش حياة الرفاهية والدلال ويا انمار ؟؟؟؟لو حياة الضيم والتعاسة ويا همام ؟؟؟
الجد: ليش هيه بكيفيكم يعقد عليها هذا الساقط الي بالكلية وانتوا كل ظنكم نخليها ترتاح بحياتها لا ابد مراح نقبل بنية چابتلنا العار ترتاح بحياتها
انمار :اني راح اتزوجها غصبا عن الكل غصبا عن الي يقبل والي ميقبل
وبدت الاصوات تعلى وصارت عركة بالبيت
سجاد:سمعت صوت عركة بالبيت اشرت لبنتي حنان تدفعني بالعربانه توديني لغرفة الاستقبال شفت شيوخ ثنين وهمام ابن اخوية الشلل و ولد ماعرفه ويا ناس كلش هواية بعدين من كلامهم فهمت ابوية يريد يزوج لنظره لابن اخوية همام وهذا الولد هم يريد يتزوجها
اني هنا متحملت اريد انطق الكلمه ماگدر أشرت لابني سليم ان يطرد ابوية واخوتي وولدهم من البيت لان مصخوها وفعليا ابني سليم طردهم من البيت بس للاسف مقبلوا يطلعون وگالوا نظره اذا متزوج همام فهي مراح تزوج هذا الساقط وهنا كلش تازمت الامور ومچان عند ابو نظره الا يوافق على شرط ابو لان يعرف نفسه معاق كلشي ميكدر يسوي و ابنه سليم مراح يگدر يواجههم كلهم لان مثل ما معرف الكثرة تغلب الشجعان
انمار : من فتت لبيتهم وشفت حالة نظرة متت قهر وچنت ناوي ماطلع بدونها من بيت اهلها وقررت هاهية راح احچي ويا جماعتي حتى اخطفها واتزوجها لان مرتين جدها رفضني ومن شفت شعرها ماكو تخبلت ذاك شعرها الحلو الي چنت دائما اگوللها من نتزوج ليل ونهار العب بشعرچ هسه شعرها ماكو
بعدها سجاد اشر لابنه كال نظره مراح تتزوج احد تبقى ببيت ابوها ملكة واشر لابنه مرة ثانية انو يطرد الكل من البيت
الجد:ولك اني ابوك تطردني من البيت اني واخوتك فوگ ما ردنا نستر على بنتك العار
هنا ابو نظره تخبل:كام بس يريد ينطق مگدر
بالتالي سليم طرد جدة وعمامه واولادهم من الببت
بعد ما طلعوا عمامها اطمنت على نظرة بس بنفس الوقت اياد اخوها حقير راح يأذيها خصوصا بعد الي صار
انمار :مداتحمل وادعي يارب اخذ كل عذابها وخلي يصيبني اني وابجي واني صراحة خفت عليها لتموت لان الي صار وياها مو قليل
طلعت اني وكل الناس الي چاية ويايا
سليم:حضن اخته وگلها ما عاش الي ينزل دمعه وحدة من عينج حبيبتي انتي
ونظره تبجي بحضنه ومتمسكة بي
