#حب_بالاكراه
#الحلقة_الخامسة*
فى عربة النقل العام كان رجل فى المقعد خلف سهيلة يعبث بطرحتها . حاولت أن تخبر يوسف ليوقفه ولكنها تخشي من يوسف أكثر من هذا الرجل . كانت تخشي أن تخبره فينهرها . هكذا بلا سبب كعادته . يستمتع بنهرها فى أى وقت ولكن المكان غير مناسب للتجربة مع يوسف . وبينما كانت غارقة فى التفكير شعر يوسف بهذا الرجل
التفت اليه متعجبا : فى حاجه حضرتك
الرجل : احم احم ... لا مفيش
عاود الرجل مسك طرف الطرحة مرة اخرى فأمسك يوسف بيده هذه المرة
على صوت الرجل قائلا : إيه يا عم فى إيه أمال لو حلوة شوية كنت عملت إيه
يوسف بتلقائية : وانت مالك يا رخم حلوة ولا وحشة. ثم اشار اليها بالنزول من العربة
نظر اليها مشاكسا : ادى اليوم اللى تخرجى معايا فيه ... وكمان المواصلات زفت انهاردة .. تعالى نقعد هنا عما حاجه تيجى
سهيلة : فى اتوبيس جاى اهو
يوسف : اقعدى يا بت
سهيلة : ما الاتوبيس اهو هنفضل قاعدين يعنى
يوسف : مفيش ركوب اتوبيس هنستنى ميكروباس يجى
سهيلة : هنتفرعن كمان
يوسف : اه . مينفعش تترزعى فى اتوبيس كله بيكون فوق بعضه وزحمة مينفعش اسيب مراتى تتنيل تركبه ... وكمان انا بتخنق من الزحمة
سهيلة : طب ما كنت جبت العربيه بتاعتك بدل البهدلة ديه
يوسف : كسلت اطلعها ...
سهيلة : طب مناخد تاكسي ونرجع البيت
يوسف : التاكسي عايزك توقفيه وتحاسبيه وتسيبيه يمشي على طول انما متحطيش رجلك فيه
سهيلة : مش فاهمه
يوسف : مش عايز يمشي خطوة والبيت بعيد مبيرضاش يروح هناك .... قومى تعالى نلف شوية .مش مهم الحفلة انهاردة يا فقر .. تاكلى ايس كريم
سهيلة : لا
يوسف : تاكلى سندوتشات
سهيلة : لا
يوسف : هتاكلى غصب عنك اللى يعجبنى انا.. حتى لو مش بتحبيه ويلا مدى قدامى هنروح الملاهى
****
سهيلة : يلا
يوسف : يلا ايه
سهيل : متجوزين بقالنا 60 يوم كده
يوسف : اها . ماشي البسي يلا وندب خناقه عشان نطلق
سهيلة : انا لابسة اهو
يوسف : ماشي انا هلبس واجى اهو
خرج بعدها بفترة بسيطة ثم قال بهدوء : ما تخليكى وخلاص بدل ما نصرف تانى
سهيلة : نصرف إيه
يوسف موضحا : مش انا هتجوز تانى من الأول وانتى كذلك . ومصاريف من أول وجديد ... خلاص احنا مؤمنين بالقدر خيره وشره وانتى بقيتى مراتى افضلى وأمرى لله
سهيلة : لا مالوش داعى .. حاجتك هرجعها لك كل واحد هياخد حاجته
يوسف : انا غلطان انى بحاول ارضي جميع الاطراف ... طب هنقول لاهلنا إيه
سهيلة : مش مرتاحين مع بعض وخلاص
يوسف : ماشي
هبطا على الدرج فبدا يوسف بالحديث
يوسف : سهيلة
سهيلة : نعم
يوسف : خليكى
التفتت اليه متعجبة : مش انت اللى كل يوم تجيب ورقة مكتوب فيها الأيام اللى متبقيه وكل ما يوم ينقص تجيب بونبونايه زيادة لدرجة إن لما كان متبقى 30 يوم جبت كيس بونبون ليا
ثم تابعت : مش كل يوم كنت بتستنى الايام تعدى ومستعر منى ان زمايلك يشوفونى . ومبتقعدش فى البيت ساعة على بعضها من غير تريقة والش . لم تتمكن من ايقاف دموعها اثناء معاتبته ...
يوسف : خلصتى ولا لسة ... انا فعلا اول ما اتجوزتك مكنتش طايقك ولا بقبلك . بس الوضع اختلف . ممكن حسيت بجمال مكنتش شايفه قبل كده وحسيت بيه اما اتعاملت معاكى كويس
سهيلة : خلاص يا يوسف . اصلا انا مش هقدر اظلمك معايا ، طلاقنا مصلحة ليك عشان تقدر تتجوز فتاة احلامك والمواصفات اللى انت حبيبها تكون موجودة
يوسف : طب اركبى العربيه
بدا يوسف بسواقة السيارة ووقف عند أحد المطاعم
سهيلة : إيه ده !؟ مش المفروض جمعنا شهود وعرفنا اهلنا وروحنا للماذون
يوسف : انزلى من العربية وتعالى وانتى ساكته
هيأ لها الكرسي لتجلس ولكنها لم تنتبه وجلست على الكرسي المجاور
نظر اليها رافعا حاجبيه ثم مط شفتيه : مرجع الكرسي وواقف طرطور . مترزعتيش عليه ليه
سهيلة : ما اخدتش بالى
يوسف : طب قومى من مكانك واقعدى عليه
سهيلة : ما خلاص مش مهم
يوسف : لا مهم اتنيلى قومى
جلست ثم جلس بجانبها وأمسك يدها وقال بهدوء لا تسمعه الا نادرا يتكلم بتلك الطريقة :خليكى مراتى
قاطعها قبل أن تنطق ... هو صحيح انتى متعبة ومملة مبتتكلميش ومغلبانى وروحك فى مناخيرك وتنكة وكنتى ارزل بنت فى الدفعة . بس خلاص مش مهم نكمل مع بعض بقى وخلاص
سهيلة : طب وليه تاخدنى وانت عاصر على نفسك اللمون ده كله مش مهم وخلاص
يوسف : معلشى بقى استحملينى
سهيلة : احنا مش هننفع مع بعض . احنا الأحسن نطلق عشان تدور انت عاللى انت عايزها يكون أفضل
يوسف : يا سيتى هكمل معاكى وامرى لله انتى خسرانة ايه
سهيلة : عشان مالوش داعى تضغط على نفسك .. انا فى الاول وافقت عشان مكسرش بخاطر اهلى بس دلوقت خلاص كله بقى تمام نقدر نطلق عادى
يوسف : بس انا مش هطلق
سهيلة : ليه ؟
يوسف : مش عايز اطلق
سهيلة : بس احنا اتفقنا اننا نطلق
يوسف : انا كل اللى عايزة واحده اكون متقبلها وقادرة تقوم بشغل البيت وتحافظ عليا وعلى بيتى
سهيلة : منا مش عاجباك اصلا وانت متجوزنى غصب عنك
يوسف : بس اما اتعاملت معاكى بقيت متقبل شكلك
سهيلة : ......
يوسف : انطقى مبتنطقيش ليه
سهيلة : مش مقتنعة بكلامك عشان انت كنت هتتفقع يوم ما اتجوزنا . دلوقت تقدر تطلقنى وتتجوز فتاة احلامك
يوسف : حبيتك
وبعدين اجيب فتاة احلامى ديه من اين ومهما اجيب مش هجيب زيك
سهيلة : انا عايزة اروح البيت
يوسف : اقطعى الاوقات المهمة واعملى نفسك من بنها.
كررت جملتها دون اكتراث لما يقول
زفر بضيق : قومى فزى
**
