Amidst Havoc

Chapter 1

A M I H A N

"Showbiz News! Aloha Morgan to launch her new perfume today!"

BITBIT ang dalawang supot ng mga pagkain pinamili ko mula sa grocery store ay dumiretso ako sa kusina para ilapag ito sa lamesa. Nilingon ko ang kaibigan kong si Aloha na nakangiting nanunuod ng TV, proud na proud sigurado sa sarili niya.

"P'wedeng pasampal ako? Totoo bang room mate ko si Aloha Morgan?" Binelatan niya lang ako sabay flip ng hair kaya natawa na lang ako saka inayos ang mga pinamili ko.

"Hey Amihan, mamaya na ang launching ng perfume ko. Punta ka ha?" Mabilis kong itinaas ang kanang kamay ko saka umiling.

"I'll be supporting you from afar. Allergic ako sa perfume, plus I'm very busy at school. Can't come." Nakita ko ang pagsibangot niya kasabay ng padabog na pagyakap sa unan niyang panda.

"Very matampuhin ah," nilapitan ko siya para suyuin pero inirapan niya lang ako.

Isip bata talaga ito kahit kailan. I still can't believe she's a celebrity. But of course before she became one, isa lang din siyang kagaya kong normal na teenager.

"You won't be allergic to it. Hindi mo ba alam, I actually participated in the experimentation."

When was it? I think grade six kami unang nagkakilala ni Aloha. Binu-bully siya noon at bilang isa akong bida-bida noon, pinagtanggol ko siya.

Since then, we became best friends na hindi halos mapag hiwalay. We are each other's family here in the Philippines since her parents are abroad and mine are gone already.

"Really?" Nakangiti siyang tumango sa akin nang makaharap siya habang naka-cross legs pa suot ang pajama niya. Ako naman ay nakaupo lang sa sofa na katabi ng kaniya.

"I did what I could to adjust the scent for you. Sabi ko naman sa iyo, you will always be part of my passion." Tumango ako sakaniya habang natatawa.

"Fine, I will come later. Kapag hindi ko nagustuhan iyan, papatalsikin kita sa apartment ko." Pang-aasar ko sa kaniya.

"How dare you kick out Aloha Morgan?!" Then she flipped her hair.

Naantala ang pag-uusap namin nang tumunog ang doorbell na agad ko namang pinagbuksan.

"Shoppy delivery po. Kayo po ba si Amihan Diez?" Tumango ako sa delivery boy saka sumagot ng positibo at pinirmahan ang ibinigay niyang papel.

Matapos magpasalamat ay sinarduhan ko na ang pinto at bumalik sa sofa bitbit ang may kahabaang box.

"Badminton racket?" Tumango ako kay Aloha bilang sagot saka binuksan ang box revealing a black badminton racket screaming original with its weight.

"Sana all magaling mag-badminton." Nagkibit-balikat siya. Tumayo ako hawak ang raketa na binabato't sambot ko.

"Original nga ito," komento ko saka iwinasiwas ito nang bigla ko siyang natamaan.

"Shet sorry!" Agad kong nilapitan ang nakayukong Aloha. Sa mukha ko ba naman siya natamaan!

"I hate you!" Nag-iiyak siya doon na parang bata. Pero masakit iyon, sure ako.