Pópulu chentza de pache,
Pópulu innoriau e arrochizau,
Pópulu sdorrobbau!
T'ant bogau su pani,
T'ant bogau sa Limba,
T'ant bogau s'Istória,
T'ant bogau is fillus tuus...
Romanus,
Ispagnolus,
Italianus...
Totus ugualis, is istràngius:
totu baronis,
totu ladronis!
«e candu ndhi faint unu desertu,
dhu tzérriant Pache!»,
naraiat unu de cussus.
Pagus, Macus e Iscrobaus?
Fortzis, ma deu arregordu de tempus passaus...
Deu arregordu unu Pópulu de Mari...
Deu arregordu unu Pópulu de is Perdas Mannas...
Deu arregordu de Amsìcora...
Deu arregordu de Ugoni, Marianu e Lianora...
Deu arregordu de Lenardu...
Deu arregordu de Giommaria...
Ma su tempu est una arroda:
Ariseu a issoro,
Oi a issoro,
Cras a nos.
Mai prus amus a essi una colónia.
Oh Sardigna, pàtria nostra:
Innoi e in dónnia logu,
Immoi e sempri,
Fortza Paris!
YOU ARE READING
Mie Poesie
PoetryPuro e semplice "canzoniere" in cui raccolgo, do forma e talvolta pubblico, rispettando la naturale sedimentazione, i versi che ogni tanto fuoriescono dalla mia seppur varicosa vena, prevalentemente sonetti e haiku, ma tendo alla contaminazione e al...
