الحلقه2
#اليتيمه_برنيه
احمد.. ووووواك اسمعي سلم وخيتي فكري في كلامي وسلام توا
طلع احمد وخلا برنيه تفارع مع العزوز...
كانت برنيه في فراشها تفكر في كلام خوها عالعريس كيف تقنع حنتها عليه ..
قعدت تفكر من يكون شن شكله كم عمره ولد من شن طبعه.. كل شي كانت تبي تعرفه
وكان املها كبير انه يكون خلاصها من كبت جدتها القاسيه...
قالت الصبح لازم نحكي معاها ونشوف شن تقول..
نعست برنيه ورقدت ..
فاقت الصبح عامالقي اميه مصقع ينصب عاوجها والدنيا صقع.
برنيه.. حرام عليك ياجداي علاش بس شن درتلك تخلعيني هكي بميه مصقعه عالصبح وووواك يستر الله عليا مانمرض..
العزوز.. ياسرك ياسرك مافيك بليط من بكرييييي نادي وانتي تجخي في,النوم .. نوضي جدري يمحمطك كيف بتعرسي وديري صغار وانتي ترقدي للقايله...
برنيه.. ياجداي قايلت شني الساعه ماجتش تسعه ...
العزوز.. تسعة شنو الشمس زارقه من بكري ..
برنيه.. وااااك وخلاص
العزوز.. هيا نبي فطوري بناخد دوايا فيسع
برنيه. باهي نبدل
العزوز تبدلي ليش نبي الفطور, هوا الاول.
برنيه.. امري لله هيا نضت ربي يصبرني..
ناضت برنيه من غير ماتغير خشت للمطبخ دارت فطور لجداها .. طبعا لازم تبي الدحي مطبوخ وعجة كسبر عشان الضغط والسحلب وتسخني الحليب وزيت الزيتون والبسيسه والتمر ..
دهشت هذا كله فطور يانهار مبارك لو اني راه قتلتها من زمان هالعزوز 😂😂😂
المهم جهزت برنيه فطور حنتها وحطتهولها في الصاله وين ماتقعمز ديمة قدام التلفزيون...
برنيه.. اني بنخش نغير حوايجي ياحناي لئن بنمرض هكي وكان مرضت دوري من يخدمك
العزوز.. امشي سيحقه ترفعك مابيك بلي جدري.
برنيه.. اسغفرالله العظيم وخلاص..
كمل اليوم زي اي يوم عابرنيه ..
تاني يوم الصبح رن تلفون برنيه رقم غريب..
فتحت عيونها وهي تسمع في الزن تحت المخدة مدايرة التلفون هزاز بدون رن ...
برنيه..ايوا
سمعت صوت حنون يقول...صباح الورد انشاءالله بس مافيقتكش من النوم..
قعمزت برنيه من الصدمه .. هوا تبو الحق من الصوت الحنين مش من الصدمه😅😅😅😂😂
برنيه...احم اححممم صباح ال الخااحم الخير
طبعا ماعرفت طلع هالجمله الا بالسيف😂
الرجل.. انشاءالله كل صباحاتك خير يارب
برنيه.. شكرا بس من معايا
الرجل..معاك انور صاحب احمد خوك اللي يومها جيتكم
برنيه اذكرت طول وابتسمت بس دارت روحها ناسيه.
برنيه... معلش مش مذكرة جيتك
انور.. معلش اني اللي خديت منك الرقم وقتلك كنت مسافر
برنيه.. اي اي اذكرت تفضل وخي احمد ماردش عليك ولا شنو
انور... لا رد اسفه عااتصالي ممكن احرجتك بس اني نبي منك انتي رد
برنيه..رد عاشنو
وهنا اذكرت ان احمد قاللها جاك خطيب معناها هذا اللي خطب
انور.. اني طلبتك من خوك وبصراحة ماردش واني مستعجل لئني جاي زيارة لليبيا وبنرجع تاني نسافر نبي نتزوج ونرجع تاني
برنيه.. بس انا...
وقاطعها انور..
انور.. اسف عالمقاطعه.. ماتخافيش لو وافقتي حاناخدك معايا..
سكتت برنيه وهي تفكر معقوله نسافر الله ونفتك من حناي وهالعيشه الحرفا الله يابختي السمح🤗🤗
