الحلقه8
#اليتيمه_برنيه
خشت برنيه للحوش وهي فرحانه انها تصرفت وجابت قضيه للحوش تكفي اكثر,من اسبوع وزيادة وقعدت تدعي لي كريم ..
تم االيوم عابرنيه وهي مبسوطة .. وخشت بترقد بعد مارضعت بنتها ورقدتها ..
رن تلفونها ..
برنيه كريم😲 حي نسيته
فتحت الخط..
كريم.. مساء الخير
برنيه.. مساء النور
كريم.. اسف لو فيقتك
برنيه.. لا مازلت نايضه
كريم.. اها استنيتك تتصلي بس الحق معاش صبرت اتصلت انا
برنيه..☺ اسفه بس انشغلت الحق بجداي وبنتي والحوسه واهو اصلا كيف كملت وخشيت فراشي
كريم.. يعطيك الصحة ولو تبي ترقدي نسكر عادي اهو اطمنت عليك
برنيه.. لا عادي فايقه مازلت
كريم.. تمام
برنيه.. شكرا
كريم.. ليش االشكر
برنيه.. عاللي درته معايا بجد شكرا
كريم.. العفو ومعاش تشكريني هذا واجب
برنيه.. لا انا شويه اني نشكرك خوتي تخلو عني انت لا
كريم.. خوتك كيف تخلو عنك 🤔
برنيه.. انا قبل ماحكيتلك بس للاسف خوتي تخلو عني وماعطونيش حقي كل واحد هما نفسه وبس خلوني ضايعه ومش عارفه نتصرف
كريم..ماتزعليش ربك موجود
برنيه.. اه والنعم بالله
كريم.. خليك قويه باش تقدري تكملي طريقك ومسؤليتك كبيرة بنتك وجداك
برنيه.. ربي يقويني
كريم.. انشاءالله بس انتي ماتضعفيش
برنيه.. انشاءالله
كريم.. وانا نوعدك نكون معاك
برنيه.. تسلم
كريم.. وتوا احكيلي كل شي عنك وكيف نقدر نساعدك تاخدي حقوقك من خوتك ومن اهل زوجك باش تقدري تعيشي
برنيه.. اها .......
وحكتلا برنيه كل شي ...
كريم.. تمام الامور هكي واضحة
برنيه.. شن حادير
كريم.. بسيطة اول شي حانشوفلك محامي شاطر
برنيه.. اي وبعدين
كريم.. ولا قبلين حاديري له توكيل يتولا امورك ويجيبلك حقك من خوتك ومن اهل جوزك
برنيه.. ويقدر زعما
كريم.. اكيد بس ممكن ياخد شوي وقت
برنيه.. حقه كم
كريم.. مانعرفش بس حاياخد وقت شويه ماعليك الا بالصبر
برنيه.. والمحامي اكيد يبي فلوس
كريم.. اكيد
برنيه.. وكيف
كريم.. ماتفكريش في اابدايه حانساعدك ومن تاخدي حقوقك ساهل تكمليلا اتعابه
برنيه.. بس انت....
كريم.. اس فكينا من بساتك هادم 😁
برنيه..☺ بجد كترت عليك
كريم.. ياستي اعتبريهم دين اوكي
برنيه.. اوكي هكي موافقه
كريم.. هههه تمام متفقين امالا دين
برنيه.. تمام
وهنا اتاوبت برنيه وحس بيها كريم...
كريم.. شنو نعستي
برنيه.. ههه شويه
كريم.. هيا اماله نخليك ارتاحي
برنيه.. سامحني
كريم ... لا عادي حتي انا بنرقد ورايا خدمة
برنيه.. ربي يعاونك
كريم.. تبي شي
برنيه.. سلامتك
كريم..تسلمي
برنيه.. تصبح عاخير
كريم.. وانتي من اهله .. ولو احتجتي اي شي في اي وقت اتصلي..
برنيه.. اوك
كريم.. سلام
برنيه.. سلام.
وسكرو الخط..... دهشوني مابوش يبطلو دووووه😂😂 اني بروحي نعست بكرة نكمل كتابه القصه🤗🤗🤗
.....
عند كريم..
بعد سكر من برنيه.. قعد يفكر..
ليش هالبنت شاغلتني ونفكر فيها هكي عمري ماحطيت وحدة في راسي بعد ايمان .... اااه
...ايمان🤔🙄 من ايمان ياكريم....
