الحلقه5
#اليتيمة_برنيه
وخشت زي الاميرة بقفطانها الطويل وديله اللي كم ميترو وراها والعيون كلها عليها وهي قلبها بيطلع وكلها خوف...
قعمزوها عالصالون وهي تحس في روحها بيغما عليها طول الوقت وتدعي يتم الوقت بسرعه ...
وجت اللحضه وخش انور....
من اول ماخش انور وعيونه عابرنيه من بعيد شايف جمالها وحلاوتها عقله بيوقف من جمالها لدرجة سرع خطوته باش يوصلها بسرعه اكثر حتي المعازيم لاحضو ان يمشي بسرعه وتهامسو ههه ان مستعجل ...
اما برنيه قلبها بيطلع من صدرها
...وقف قدامها انور وهي مش قادرة تقيم راسها وكل جسمها يرعش قرب منها من غير مايسمع اخته اللي كانت واقفه بجنبه شن تقول .. قرب ومسك ايد برنيه وقربها ليه وطبس همسلها..
انور.. نورتي حياتي يااميرة
برنيه تنفسها بصعوبه من الخوف والخجل 😶
انور.. اني شكلي بنخطفك وبنطير مش مستني شي نحس ماعنديش وقت نراجي بكل...
برنيه زاد خجلها وماقدرت ترد ..
قربت اخت انور منه..
اخت انور.. انور رزرز ياعريس ههههه شويه وتاخدها بروحك
انور.. هي من تو بروحي
اخت انور.. ههههه باهي خل نصوروكم وتلبسو دبلكم والتورته وبعدها خودها ههه معاك انشاءالله طول العمر
انور.. يااختي بسرعه بالله هالدوشه عاخاطر امي قبلت بيها كان عليا انتي عارفه ماكنت نبي هدا كله تضيع وقت كله راهو..
اخت انور... حاضر هيا
وبسرعه تمو الطقوس التصوير والتورته والدبل وجي وقت الزفه..
خداها من يدها وقريب يكرها كران عاقد ماكانت خايفه ..
برنيه ياربي خيرني مش مرتاحة ..
هكي كان تفكير برنيه حست انها مش ماشيه للسعادة حست ان ايام حزينه مستنيتها ...
وصلو العرسان للهوتيل ..
انور.. خشي ياسرك خوف
برنيه كل مايقرب الوقت كانت تزيد خوف..
انور.. ليش خايفه بس انتي حلالي توا مرتي خلاص مافيش حاجة تقلقك ولا تخوفك مني
انور قرب منها وقعمزها عالسرير وقاملها راسها فوق..
انور... اشبحيلي افتحي عيونك كل شي حايكون حلو في حياتك معايا نوعدك.. طول عمري حاتكوني سعيدة
وخداها في حضنه ووو........ تشفير😂 عرسان عيب يالله غمضو عيونكم 😌
...
فاقت برنيه الصبح لقت نفسها في حضن دافي ووجه حلو ..ابتسمت تفكرت كل شي ولامت نفسها وكذبت احساسها السيئ قالت كانت مجرد رهبه مش اكثر .. بس الاحساس كان ملازمها مزال مافهمتش شنو...
انور.. صباح العسل عسولتي السمحة فاقت
تحشمت برنيه من غزله وابتسمت وجت بتنوض مسكها..
انور.. ووووين
برنيه.. بنوض
انور.. لا مافيش مزال..
برنيه. بس....
انور.. 😊 مافيش وقت نضيعوه تعااااالي ... تشفير.....
اي عادي خيركم عرسان بكل انتم 🤗😏😉....
ومر اليوم جميل عالعرسان طبعا انور لاغي اي حاجة اسمها صبحيه وهالجو قال لي امه موافق عالعرس بس انسي فكرة صبحيه وعروس تلبس وتجيكم انسي ..قاللها نبي نكون مع عروستي براحتي حتي الشقه ماباش يقعد فيها حجز في هوتيل ..
..مرن يومين ولا اجمل وبرنيه بدت تنسجم مع انور...
انور.. حبوبتي ها انشاءالله ارتحتي معايا
برنيه.. الحمدالله تبي الحق كنت خايفه بس هاليومين انت خليت خوفي يمشي
انور .. الحمدالله
وجبدها وحضنها ..
انور..احنا اسبوع ونسافرو لكندا انشاءالله
برنيه.. كملت بسرعه الاجراءات
انور.. اي صديق في الخارجيه دبرلي الامور
برنيه.. اه تمام
انور.. ماتفكريش راجلك اموره تمام وياحبي الفلوس يدرو طريق في البحر ماتخمميش
برنيه.. ربي يوفقك
......انور.. تعالي باه .
....تشفيرررررررى 🤔🙄🙄😶😀😉
بعد اربع ايام حلوة مع بعض في الهوتيل ..
كانت برنيه دير في دوش وانور,طلع بيجيب حجات عالسريع ويجي.. وبرنيه ادوش سمعت انور جي وينادي عليها..
انور.. حبي مزال ماكملتي
برنيه.. لا خلاص طالعه
لفت روحها بالديشمر والفوطة وطلعت..
لقت انور مقعمز عالصالون قدام التلفزيون
وكان وجها مقلوب..
برنيه.. شن في خيرك
انور.. تعالي اخبار زي الزفت
برنيه.. انشاءالله خير
انور.. بنغازي مقلوبه
برنيه.. كيف
وقعدو يتفرجو عالاخبار ويقلب في القنوات وكان زعلان وبرنيه خايفه..
