الحلقه 6
#اليتيمة_برنيه
نزلت وطلبت ان يستنا مايميشيش...
خشت تشري في حجاتها الضروريه ..خدت امورها وخلصت وهي طالعه تجري مستعجله تفكر في بنتها تخبط في شخص خاش للمحل يطيحو منها شكايرها..
طبست طول تلم مستعجله وتتكمر في سرها عليك بخت المستعجل يبطا ...
جاها صوت ويد تمدلها في الشكاير..
الرجل... اسف اسف
قامت راسها لقت شاب طويل وسيم يشبحلها وماد الاكياس بتاعها
برنيه .. لا عادي معليش
وخدت اكياسها وطلعت تجري وعيون الشاب يتبعو فيها باعجاب
وجاه فضول يلحقها .....
وصلت التاكسي ..
الرجل.. اسف يااخت
تلفتت بخوف وقالت نعم
الرجل.. سامحيني لحقتك بس في شي شدني ليك
برنيه.. اسفه خوي مستعجله..
ركبت السيارة وطلبت من السواق يمشي بسرعه
... مشت برنيه وقعد الشاب واقف يتحسر ولئنه محترم وولد ناس ماقدرش يتجرئ يتبعها ...
طبعا خل نعرفكم عاالراجل ... حتي راجلي😏😂😂 لئن له دور مهم في الروايه .... اسمه كريم ..
كريم عمره 30سنه رافض فكرة الزواج لئن قال مافيش بنت تستاهل كلهم خاينات في نظره الا امه... ولد عيله كبيرة متوسطة الحال بس امورهم تمام مش محتاجين لحد .. عندهم تقاليد ملتزمين بيها جدا ... مثلا البنت الكبيرة لازم تتزوج قبل الصغار ... وهكذا....
كريم.. الولد الوسطاني في العيله بس هوا اكبر الولاد يعني بنتين اكبر منه متزوجات وهوا وبعده تلاته بنتين وولد ...
وصلت برنيه لحوشهم خلصت التاكسي ونزلت فيسع ..وهي متوترة اول مرة تطلع بروحها في حياتها...
خشت تسمع في بنتها تبكي حطت الاكياس وخشت تجري لقت جداها تزازي بيها ياناري...
العزوز.. وينك من الصبح نادي عليك فرختك تعيط مابت تسكت
برنيه.. اي اي نجيب في حجات ياحنتي
العزوز.. هاكي رضعيها فيسع عطشانه البنت
برنيه.. هاتيها هيا
خدت بنتها وقعدت بجنب جدتها وقعدت ترضع في البنت..
العزوز.. اني جيعانه
وقعدت تبكي العزوز
برنيه..جداي ليش البكا توا باهي
العزوز.. جيعانه قتلك
برنيه.. حاضر نرضع نصيب ونجيبلك تاكلي بطلي بكي
وهنا حست برنيه ان جداها كبرت خلاص تغيرت حتي في معاملتها وبدت زي البيبي الصغير .. وجعتها وقالت في خاطرها ان هي تعاني في طفلتين مش طفله وحدة ودعت ربي يعينها...
عند كريم في الحوش..
خش كريم بعد يوم شاق يشم في ريحة الدحي ..
خش للمطبخ من الجنان لقي خوه يقلي في دحي..
كريم.. شن تبلبز يارامي
رامي خو كريم الصغير..
رامي.. كرومه انست تعال دحي ياخونا ...
كريم... اه ضروري الدحي كل ليله
رامي... اكيد ياكرومه ضروري ههه
كريم.. مافيش عشي زي العادة
رامي... مافيش ياخونا الفرخات راقدات وامك مريضه
ام كريم مريضه مسكينه مافيهاش طميعه...
كريم.. اااخ وخلاص
رامي.. قتلك جيب مراة ولا زوجني ماتبيش
كريم... اي اي باه
وسيبه وخش لداره يرقد...
ارتمي عافراشه جت قدام عيونه صورة برنيه ....
كريم .قداش سمحة هالبنت اااااخ.....
