الحلقه 7
#اليتيمه_برنيه
كريم.. ✋ انا كريم عزابي عمري 30 مهندس وصاحب محلات نخدم عاراسي..
مدت يدها ...
برنيه... برنيه .18 سنه ارمله عندي بنت تلات شهور اهلي متوفين عايشه مع جداي بس
كريم .. اما بساتك هلبا الحق 😂😂
برنيه... ههههه بس
كريم.. ربي يحفظك يابنت
برنيه.. اني اتئخرت لازم نروح
كريم.. تفضلي
وطلعت قعدت دور يمين يسار مالقتش التاكسي ..
برنيه..😲 التاكسي مهناش
كريم... عادي نجبلك غيره هوا الخاسر
برنيه.. مش قصة خاسر
كريم.. اماله شنو
برنيه.. اني مانعرفش طريق الحوش
كريم..😲 كيف
برنيه.. والله مانعرف نوصف
كريم.. محولين جديد
برنيه.. لا
كريم.. حيرتيني
برنيه.. مانطلعش اني معدودات طلعاتي..
وقعدت برنيه تبكي
كريم.. من غير دموع تو نوصلك اني
برنيه.. لا مستحيل الجيران
كريم.. معاش فهمتك يابنت
برنيه..حتي تلفوني ماجبتاش
كريم.. باه شن تبي ندرلك قوليلي
برنيه.. نبي نروح لبنتي
وقعدت تبكي بزيادة وبعبرة
سخفت كريم وقعد يحاول يسكتها..
كريم.. استني لحضه
خش للسوبرماركت وصا العمال وجاب مفتاح سيارته ..
كريم.. تعالي اركبي
برنيه.. بس
كريم.. من غير بساتك هادم اركبي يابنت الناس
ركبت برنيه وهي تبكي
كريم.. هيا وحدةوحدة حاولي تذكري كل التفاصيل للشوارع اوصفيلي شن تشوفي لما تطلعي من الحوش
قعدت تذكر لما طلعت كيف كانت تتفرج من الشباك عالشوارع كيف مليانه ناس ومحلات وكيف كانت تقراء كل لافته تمر من جنبها هي هكي من صغرها كل شي يمر عليها تستهجه وتقراه ...
قعدت توصف لكريم اسامي المحلات لحد ماقرب من شارعهم و...
برنيه.. وقف وقف
كريم... ها وين
برنيه.. اهوا اهوا الخوش اخر الشارع هذا اني نطلع عارجليا لهنا
كريم.. تمام
خش للشارع
برنيه... اهو الحوش اهو 🤗🤗
كانت زي البيبي فرحانه لقت ابحوش
شبحلها كريم وحس بطفله بجنبه شافلها كيف بريئه ودموعها في عيونها فرحانه انها وصلت لحوشها ... في لحضه شك فيها كيغ وحدة ماتعرفش حوشها اللي عاشت فيه سنين ... بس برئت عيونها ودموعها اكدولا انها صادقه..
كريم... حمدالله عالسلامة مدام برنيه
برنيه.. شكرا
كريم.. العفو
برنيه.. شكرا بجد
كريم.. ههه العفو بجد
برنيه.. هههه
كريم هههه
ومدلها كرت
كريم... هذا رقمي ولما تحتاجي شي كلميني نجيبلك لعندك معاش تطلعي بروحك اوكي
ابتسمت برنيه وخدت اكياسها وسلمت عليه وخشت..
خشت لقت جداها راقدة وبنتها راقدة بجنبها كانت الرضه فاضيه يعني شربتها النعناع....
خشت للمطبخ وبسرعه ستفت بضاعتها وحطت غذا عالنار...وهي تفكر في كريم ...
...
عند كريم...
وهوا راجع للمحل في السيارة قعد يفكر في برنيه...
برنيه اسمها مش حلو حرام جمال زي هذا اسمه برنيه .. من سماها🤔 اكيد بوها عاجداها هههه زي اختي سالمه مسميها بوي عاجداي سالمه .... والله حرام يظلمو فيهم بهالاسامي....
بس هالبنت شغلت تفكيري الحق صغيرة ويتيمة وسمحة وزيدها ارمله وام صغيره عالهم هذا كله...
