مجنونات بغداد ♡ (مكتمله)

اختطاف !!

* تنبيه هذا البارت خيالي مو حقيقه تره *

زهراء _○_○

نائمين بسلام وأمان وراحة البال حتى دخل علينا حمار خرب هذه النومه جميله 🙂اكيد عرفتو الحمار
عذراء :وللللللكم فررحانه 😋ارريد اركص واهوس واكطع سير
زهراء :اوك هوسي ركصي محد لازمج بس اطلعي بره لا امسح بيج الغرفه ذهابا وايابا
عذراء : اخيررا كالها كال احبك كالها
زهراء :لاحول ولا قوة ألا بالله
لينا :شبيكم صوتكم واصل لسابع جار 😑
زهراء :طلعي هاي من يمي لا ابتلي بيها
لينا  :اشتغل عندج 😒
زهراء : اي ست عذراء شكو فرحانه
عذراء :اووف جيبو حبشكلات خل اسولفلكم
لينا :احجي اريد انام 😑
عذراء :كولي باليز
زهراء :لا هاي تريدني اكوم اسحلها
لينا  :بويه ماتحجين 🤦‍♀️
عذراء:😑اوك ...كلت لعلي موافقه واني هم احبك وراد رقم ماما دزيته اله
لينا : مبروك حنخلص منج
زهراء :صار ساعه زرفتي راسنه هي هاي تاليها
عذراء: مو صوجكم جرحتوني وما عندي ديتول☻
لينا  : عندي ابوه وخيط ☻
زهراء :يا تافهين اني حطلع
لينا  : وييين
عذراء :جيب اكل وتجي
زهراء :حياتي تفهميني
لينا  :اوك اني راح انام
زهراء :تمام
كمت بدلت وطلعت رحت للسوبر ماركت الي  براس شارع  دخلت اخذت جبس  ٣ وببسي ٤ وككو ونمبر ون وكومه اشياء حاسبت وطعلت اتمشى والعب بالفون والعلاكه بيدي ما حسيت غير واحد ايده على حلكي حاولت اوخرها او على الاقل اشوف منو مكدرت جان اقوه مني سحبني لسياره بيضه ومضلله   صعدني كوه وكعت العلاكه داخل سياره  دفعني هل الشخص بسياره وسد الباب شال تلفوني الوكع وصعد سمعته يكول لشخص بتلفون تمت المهمه
زهراء :يا مهمه انته منو
شخص :خليج هاديه احسن
زهراء :شنوووووو تخطفني وضل هادئه لا يكلبي ما حزرت جيييب فوني
جان عاط بيه صوت فززني
شخص :سكككتي
زهراء : تصيح بوجهي انننني لك انته منوووو نزززلني
شخص :استغفرالله
زهراء :لو تعرف ربك وتستغفره جا ما خطفت بنات العالم
دار عليه وبيده وصله بيضه هاي بالمسلسلات مال تخدير  حاولت ابتعد بس كدر يخليها على خشمي قاومته بس بعدين مكدرت استسلمت  كدر يخدرني
شخص :اخيرا شكد تلغي
وره ساعه كعدت لكيت نفسي على كرسي مربطه
زهراء : اخ اني وين 😩
باوعت على نفسي ايديه مربوطه ورجليه هم سمعت صوت رفعت راسي وفتحت عيوني على وسعها
زهراء :مصطفى شسوي هنا 😱؟؟؟
مصطفى: ماعرف ذوله الحقراء جابوني ويعدين انتي هم خطفوج
زهراء :ها صحيح اني نخطفت عزززه اني مخطوفه يمممه 😨😨
مصطفى : بس لو اعرف منو
زهراء : ليش نخطفنه سوه ؟!
مصطفى : والله اني هم اسأل
زهراء : صحيح اني ما احجي وياك شكو تحجي وياي هااا
درت وجهي عنه سمعته يحاجيني اني مطنشه
زهراء : يا خااطف انته الخطفتنه وينك يا مصخم رررررد ويينك
دخل وراحد علينه ملثم
شخص : شكو صيحين خبصتي الامه
زهراء : لااوالله فوكاها المهم اسمع هذا الوياي قتلو عذبو حركو براحتكم بس اني انثى رقيقه شلون تخطفوني وهيج تربطوني
شخص بسخريه :منو الانثى رقيقه 😏
زهراء : نععععععععم 😡
راد يطلع
زهراء : اوكف اوكف
شخص : خير شرايده
زهراء : شوف اني متعاركه وياه
شخص: اي واني شكو
زهراء : انجب خل اكمل
شخص : احترمي نفسج
زهراء :اوك ايها الخاطف الجميل  اني كلبي رقيق هسه بسرعه اسامحه ف لو سمحت لو دورني عنه مكان ثاني او سده حلكه
شخص :شكلي راح اسد حلكج انتي مو هو تره انتي مخطوفه مو فندق هنا
زهراء : اي عيني وشكو خاطفينه بالله
باوع المصطفى وحجه
شخص :هذا حجي زلم مو نسوان
عافنه وطلع.... باوعت على مصطفى
زهراء : يا زلم لك شمصخم شمسوي
مصطفى : انتي وتالي وياج 😡
زهراء : هسه وقتها يا يمه راح يقتلوني واني بعدني بزهرة شبابي يلهوووي
مصطفى :اسكتي خل افكر شلون نطلع منا
سكتت ضليت اباوع منا منا هسه اني شطلعني لو منجبه وباقيه بالبيت مو احسلي 😿🤦‍♀️🤦‍♀️ باوعت على مصطفى شفته فال ايدي
زهراء :هاي شلون فليتهم
مصطفى : من جنتي تلغين ويه هذا سافل
زهراء : وااو يلا بسرعه فلني
كام سريع فل ايديه  واني فليت رجليه  ...
مصطفى :منكدر نطلع من الباب واكفين بره
زهراء :اكو جامه نكدر نطلع منها
وصدك طلعنا منها لان جبيره بس حضنا زفت خلوهم يسمعونا
زهراء :عااااااااا اشررررد
حاليا يا جماعه اني ومصطفى مثل المجانين نركض بشارع وذوله ورانه نسحلنه سحل واحنه نركض وهمه ورانه ربك شفنه سياره واكفه ركض عليها مصطفى ركبناها على سريع وكدرنا نشرد منهم وصلني مصطفى للشقه وهو توجه لمركز شرطه نزلت ميته تعب وخوف تلكوني البنات رزايل وبجي وسولفتلهم شصار
وطبعا وره يومين كدرو يلزمون الخاطفين طلعو طلاب عد مصطفى خطفوه لان بسسبه نفصل صديقهم رجع موبايلي واحلى شي رجعت العلاكه 😂😂😂😂 الله شكد فرحت بيها ❤ وشخص صيح عليه مسحت بي الكاع ضربته بوكسي عدل خارطت وجهه ✊👊يستاهل  ...شفت تلفوني يدك رديت
مصطفى :بعدج زعلانه
زهراء : اي
مصطفى : يهون عليج يومين ما نحجي
زهراء :.....
مصطفى : تره اشتاقيت لصوتج وعنادج وخبالج وضحكتج
زهراء :همممم🤭
مصطفى :  زوزايتي احبج يمتى اخذج يمي وصيرين ام بيتي و اصبح بوجهج يوميه
زهراء : ان شاءالله قريب
مصطفى : اوف شيصبرني
زهراء : هههههه يالله يا رميو روح نام
مصطفى : تصبحين على خير يا مرتي ❤
زهراء :تصبح على وجهي
مصطفى : الله شلون عسل 😍من صبح
زهراء : ههههههه باي
مصطفى : باي
سديته تلفون ونمت وابتسامه على وجهي 🙊😍

---------------------------------------------------------

رأيكم في البارت ؟؟