• شمآلة گلبي تضــَيع ،🍥🌱
• دكآتةَ من يمر اسـْمك عليه !🦋
...............🖤.................🖤......................🖤..
# لينا
لينا : زهراء عذراء بسرعه راح تتأخرين
اجت تركض 😂حقها والله انسحلنه سحل طبعا اليوم حنة وعرس زهراء وعذراء قررنه نعرسهم نفس الوكت طبعا هاي جانت امنيتنه من احنه صغار نزوج سوه نفس اليوم بس مصار نصيب ونحققها بس على الاقل كدرنه نحقق جزء منها
زهراء : اجيت ..منو يروح ويانا للصالون
لينا :اني وساره صفاوي(صفاوي اخوهم ) يصولنه
زهراء :اخذتيلنه اكل
لينا : خرب يومج اي والله اخذت دولمه تموت ❤
عذراء :حلفي 😍😍
لينا : والله ولجن امشن مانلحك بعد
طلعنا لكينا بره منتضرنا ركبنا وياه
(راح اسمي صفاوي حتى ما تخربطون )
صفاوي : زوجنا اثنين خلصنا منهن بقت وحده
لينا :كاعده على كلبك 😒
صفاوي :يالله سون مجال حتى نجيب غيرجن
باوعنا عليه ثلاثتنه وابتسمنه مبين جفص
عذراء :ها ابو صوف خيرك يخوي
زهراء :ها مصطفى ها
لينا :هاي شنو من ورانه بداعتك جكمه لو صاكه
صفاوي : والله حجايه وطلعت بالغلط 🙄 شورطني
لينا :يالله نزلنه بعدين نتفاهم هاي يرالدله كعده ونحقق وياك انته وذاك الثاني
صفاوي : اوف منك يلساني
عذراء : يالله حبيبي من نخلص نتصل بيك 😂😂
صفاوي : لبخن زين لاتفشلنه 🌚
زهراء : لابالله اصلا احنه جمال رباني 🙂
صفاوي :غير طالعات عليه
لينا : راح اغلط انقلع بابا بعد ما نلحك
مشه وطبينه احنه للصالون وبلشت بزهراء وعذراء اني اخذتلي جهه وانطيها أوامر حتى ما يلعبن وحدهن منا لو منا باوعت على ساعه ب 3 ضبط كعدت همين اسوي مكياجي اني هم ..طبعا سويته بيدي لان شفت ماله داعي صالون كملت والبنات هم لبسنه البدلات زهراء وعذراء لبسن نفس البدله بس لون مختلف زهراء ماروني وعذراء لونه وردي بس غامق يعني لونه مو صارخ اما اني 🌚💔 👇👇جان تقريبا مثل هذا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ام صالون : طالعات تخبلن الله يحفظجن من العين
لينا : تسلمين حبي ..يالله راح ادك على صفاوي يجي ....
دك شويه رد
صفاوي : مكدر اجي راح ادزلكم احد ياخذكم ابوي وداني بشغله
سد الفون واني صافنه باوعت عليهن واني حالفه اسحله من ارجع
عذراء :ها راح يجي
لينا :لا راح يدز واحد غيره ياخذنه عنده شغل
زهراء : منو يدز بس لا علي لو مصطفى 🙄
لينا :لا لا غير اذا سواها اكسر راسه 😑
عذراء : راح اتصل على علي اشوفه
لينا :انتي بس تردين فرصه حتى تحاجي دكي يالله خل نشوف منو ياخذنه
دكت عليه حاجته كال الها مو هو يجي وحتى مصطفى لان ثنينهم طالعين سوه استغربنه لعد منو دز هذا اجتنه بنيه تشتغل بالمركز
البنيه :اكو رجال بره ينتظركم
لينا : خاف الخبل دز بابا
زهراء :خل نطلع ونشوف
غطينا رواحنا وطلعنه هنا جانت صدمه بالنسبه الي من شفت جود واكف يم سياره ومنتضرنه باوعتله بصدمه هذا شجابه شفت زهراء وعذراء صعدن عادي سلمن عليه وصعدن طبعا ما كتلهن على سواه بس كلت ضوجني لان صيح عليه ومشيت الموضوع عادي صعدت وياه بدون سلام او كلام ولان حضي يحبني صارت كعدتي وراه خاف عايزه هسه كملت ضجت كلش وكلبت وجهي حاجتني زهراء
زهراء :شبيج ؟؟
لينا :مابيه شي
زهراء :ضجتي لان هو اجانه
لينا :اي
عذراء :يمعوده مشيها مو رزلتي بعد شكو رغم اني حاسه اكو شي ثاني صار
لينا : لا تخافون ماكو شي
درت وجهي على الشباك وهنا نتبهت عليه يباوع عليه بالمرايه خزرته ودرت وجهي طريق صار شطوله غير نوصل ..سمعت تلفوني دك شفته صفاوي رديت عليه
لينا :ها حبيبي
فجئه وكفت سياره يعني داس بريك خرب نضرب راسي بالكرسي حاجته زهراء
زهراء : عزه هاي شبيك جود
دار علينه وحجه
جود :اعتذر محد تأذت مو
عذراء :لا كمل طريقك بخير احنه
لينا بهمس : استغفرالله ياربي
اخذت تلفون ورجعت احجي وياه
لينا : ها لا مصار شي
صفاوي :وصلتن
لينا : هسه هيج عشر دقايق ونوصل
صفاوي :بويه شكد تردن وقت تلبخن اخرتنه
لينا بضحكه : لاوالله امشي لك اجكم
صفاوي : شوف منو يحجي اني الاجكم منو صار ساعتين مدري ثلاثه كاعد بصالون
لينا : ابو لسان انقلع يالله دور عليه جهال 😒
سديت تلفون واني اضحك عليه 😂 اجت عيني بالمرايه اجت عيني بعينه خزرني رفعتله حاجبي درت وجهي عنه شويه وصلنه نزلت اول وحده وطبكت الباب حيل ونزلت 😒 دخلنه للبيت وخرت عن زهراء وعذراء شال وبدينه نهلهل طبعا هي بالبيت جانت دخلت شفتها ناس هواي اكو طبينه وعلكت اغنية ( حسين الجسمي )
أنت تقرأ
مجنونات بغداد ♡ (مكتمله)
Humorثلاث صديقات سيحكون قصتهم مع الحب مغامراتهم في هذه الحياه احلامهم وفائهم لبعض كأصدقاء : دخلو لضلون تباوعون 👀 : : ...... ماخذه المركز الاول گ روايه كوميدية قراءه ممتعه
