مجنونات بغداد ♡ (مكتمله)

زهراء/ مصطفى

تم تعديل ✔
#زهراء
بهذا اليوم تمرضت لينا ومكدرت داوم اما عذراء تبرعت وبقت يمها تعتني بيها واني هسه كاعد ابدل اروح للجامعه 😭وحدي احس شلون وحده راح يزوجها وتبجي على اهلها 🐱لبست 👇

وسويت شعري ولبست نظاره وكعب طلعت عبالك مديره اعمال 😎
زهراء:اويلي شنو هذل جمال ولكم فديتني 😙
عذراء بصراخ:ووووولجججج زهراء تأخرتي 😡
زهراء:جااايه
طلعت ركض طبعا سكن مالتنه مو بعيد عن جامعه بالسياره 10 دقايق ومشي ربع ساعه .باوعت للساعه جانت ب7:16 قررت امشي اليوم
طلعت اتمشي طبعا جان الجو حلو خريف وصلت للجامعه واثناء وصولي نزل الاستاذ مصطفى من سيارته وجان طالع اليوم يخبل 😮جان متأنق بشكل خاص اليوم احم ... هاي شبيه اني رزلت نفسي وتوجهت للمحاضره وما اكلكم سحل من 8:00 ل11ونص محاضرات طلعت للنادي واني شكلي زومبي دور الكعب كسرني 😩طلبت شاورما وكولا وكعدت اكل كملت وتوجهت للحمامات اعدل نفسي مشيت واني بسابع صفنه وجنت مدنكه
ماحس غير نضربت بصدر واحد وكعت نضراتي دنكت اشيلها
زهراء بصوت منخفض:ثول حتى ثول ناس ما تشوف
سمعت صوت ....يا كاع نشكي وبلعيني
مصطفى:هم انتي ؟شسالفتج اذا متشوفين حطي نضاره ولاتضلين تترادمين ويه الناس
زهراء:😒😒
خرب حضي ما لكيت غير هذا انضرب بي هسه اني سامعه من اثنين يتصدامون الولد صاك وتطشر الكتب ويلموها وهذا يلمس ايدها بالخطأ ويخجلون واحد يحب الثاني ويزوجون هذا الكدامي صاك بس مزعج ومكروه
وطبا ست زهراء ضلت مستمره بالصفنه وتخيلاتها حتى سمعت كلامه باوعتله صفح جانت ناويه تضربه بالملزمه البيدها بس ذكرت هو هنا استاذ
زهراء:سوري استاذ
لحد يباوع اعتذرت بالانكليزي لان بالعربي احس هيبتي طير 🌚💢
عفته ومشيت لان اذا بقيت دقيقه صير سالفه يا قاتل يا مقتول
دخلت للحمامات وجان اشوف صايره عركه👊 بين بنات صايره بيها بوكسات وجر شعر واغلاط ودفرات صراحه مهتميت غسلت وعدلتMake up مالتي بس الوضع تأزم وصار بيها دم خفت وقررت اصيح العميد لان شكلهم راح وحده تموت ثانيه جانن قريبات على الباب اجيت اريد اطلع بس ذني بالعباس صايرات جون سينا فتت من يمهن وياريت ما فتت ابد اجاني بوكس على تايه طير خشمي خرب بوكتها حسيت روحي طلعت وكعت على الكاع وخشمي بده ينزف والحمدالله ذني وكفن وضلن صافنات عليه اني الي لازمه خشمي وراسي لان حسيت بدوار كومتني بنيه وهنا اجت دكتوره وأخذتنا للعميد الكليه دخلنا بعد الاستأذان ومن كثر ما حضي يحبني وجان اشوفلكم استاذ مصطفى كاعد ويه المدير باوعلنه بصدمه والله ما لومهم عبالك جنه بمعركه سأل بعصبيه
المدير:شنو هاي حالاتكم انتم ثلاثه 😠
شبيها حالتي باوعت روحي مرتبه بس خشمي مورم 🐷حالتي مثل الخنزير وجهه صغير وخشمه شكبره المهم باوعت ذني ثنين بمعني احجن
ساكتات ما حجن حجيت اني
زهراء:استاذ اني ماعرف شي فقط من دخلت لكيتهم يتعاركون واخذت بوكس على طاير 😑
باوعت لهذا مصطفى لازم روحهه حتى ما يضحك اجيت ادفره
باوعت ذني وبدن يحجن سبب عركتهن وطلع متعاركات علمود ولد 😩
خرب هنا انقهرت وعصبت حيل ونسيت وجود المدير وجان اسحبلكم وحده من شعرها وحجيت بعصبيه
زهراء:ولج يا حماره اني اخذت بوكس طير وجهي ونساني ابو أبوي علمود فد صخام ها ولج
سحبني مصطفى وهو خربان ضحك واني اريد اهد عليهن
كام المدير بعصبيه وحجه
المدير :انتن فصل ولازم يجي ولي أمر ...باوع عليه ....وانتي اتفضلي روحي للمسوتصف عالجي جرحج وراح انطيج انذار على تهجمج على طالبه
استاذ مصطفى:اهدأ استاذ لاتعصب اني راح اخذهم .
وطلع وطلعنا وراه باوع على ذني الاثنين وحجه بحده :روحن يالله وياريت مينعاد هذا تصرف اتوقع ما تردن تاخذن طرد والفاينل ما بقه اله شي .....راحن وباوع الي وهو مبتسم الله شيصير لو اصبح بهاي الابتسامه يوميه مو اصبح بشخير عذراء واصل لسابع جار😑 رجعت للواقع وعفت احلامي المارونيه .....
مصطفى:وين صرتي امشي وياي للمستوصف
زهراء:لا استاذ ما يحتاج
مصطفى:لا خل نتأكد خاف اكو كسر لو فطر
شهقت زهراء :يمه بعذراء ولينا ولابيه 😵
ابتسم مصطفى:يالله امشي
رحنه للمستوصف وفحص الي وعادي مابي شي
طلعت متوجهه للبيت لان تعبت صراحه 😴ونعست باوعت للشارع جانت ساعه 12 ونص يمااا خرب دنيا ضهر باوعت للشارع يصفر ما بي شخص
و لو اموت ما اركب تكسي قررت امشي واني ميته خوف
اليوم ينطبق عليه مثل (المنحوس منحوس لو حمل الفانوس )
مشيت بطريق وبسرعه وهل المره صار طريق شطوله حسيت سياره تمشي وراي هنا راحت روحي دور سياره كامت دق هورن وكع كلبي شفت طابوكه دنكت شلتها والتفتت على سياره مقرره اضربها بيها وجان اشوفلكم مصطفى لاصدك اليوم شسالفه حلمان بيه هذا كل شويه طالعلي 😑
خاف اروح للبيت وهم الكاه باوعت عليه طلع من سياره وحجه
مصطفى:يمعوده اوكفي هذا اني تعالي اوصلج دنيا ضهر
زهراء:لا عادي ميحتاج اصلا وصلت ....جذب بعد مشي عشر دقايق😭بس واحد يبيع ثكل .....
مصطفى:يمعوده وين وصلتي بعد هواي امشي دنيا ضهر وخطر بنيه تمشي وحدها
ركبت وياها واني خايفه لا يخطفني شسوي مخي يحب الاكشن وصدك وصلني شكرته وفلتت للشقه فتحت الباب ودخلت وجان اشوفلجن هذني نايمات تنام عليجن طابوكه بدلت ونمت وياهن على الواهس شلون جان يوم كوله اكشن😬 ورحت بسابع نومه 😴😴
..................,.,.,.,.,.,.,.,.,.,.,.,.,.,.,.,,.,....،.،.,.,.,