تفاعلو الله يخليكم مو الكه المشاهدات اكثر من الفوت وتعليقات 💔 واسفه لان اتأخر بس شويه ضروف صارت وياي ادعولي 💕
.....................................................................
#لينا 🙂
كعدت صبح من نوم بدلت لبست جينز وبلوزه ماروني وشعري سويته ضفيره رحت على زهراء اكعدها
لينا :زهراء زهراء زهراء زهراء
كعدت كفشتها شكبرها
زهراء :ها ها ها ها شكو
لينا. :وجع سمعي لج خاله ام جود خابرت عدهم خطار اليوم وعزيمه وطلبت مساعدتنا يالله كومي
زهراء :ماا والله نعسانه
عافتني ورجعت نامت رحت لعذراء نفس شي الفنديات البارحه سهرنات ويه علي ومصطفى 😒
طايحات حظ عفتهن وطلعت ..دكيت الباب طلعت نرجس فتحت إلي سلمت عليهم
ام جود :لعد حبيبتي وين زهراء وعذراء
لينا :هسه شويه ويجن وراي
ام نرجس :اوك
لينا :نرجوسه حياتي تردين مساعده
نرجس :اي حبابه شيلي شعري ضوجني
لينا :اوك 😆 تعاي
شلته الها وكعدت اساعدها بزلاطه دكيت على ذني حتى يجن امداهن دكيت اكثر من مره وما ردن اني اعلمهن جلبات
لينا :خاله محتاجه شي
ام جود :اي والله يا خاله بلكت تكعدين جود راح يجون الناس ..
طبعا العزيمه مسوين غده لان ذكرى وفاة جدهم
لينا :اي
طبعا كلت اي وغلست رحت ضليت ادك على زهراء حتى يجن
زهراء :محد يخليك تنام ابد خييير
لينا :وجع ونبي اجي اسحلج ماتكعدين ساعه ١٠ ونص
زهراء :اي بعد وكت
لينا :بعد وكت وتردين تزوجين ويصير عندج بيت ثاني يوم يطلكوج ويدزوج النه
زهراء : انجبي يالله شتردين
لينا :تعاي المره كل شويه تسأل عليكم كعديها لست عذراء وتعالن
زهراء :زين يمته يصبون مراح اتريك
لينا :همج على بطنج 😂😂😂 تعاي تعاي ما يتأخرون
صدك وره ١٠ دقايق اجوي كعدنه بالهول نسولف طبت ام جود
ام جود :حبيبتي لنوش كعدتي جود
صفنت عليها وكتلها
لينا :ها خاله حاولت ومكدرت مايرضى يكعد
زهراء :مبين نومه ثكيل
نرجس :اي كلش
لينا :اي عادي هسه زهراء كعده
باوعتلي زهراء 🌚💔 ابتسمت الها وحجيت على كيف
لينا :صار ساعه اكلج تعاي ميته عليج اريد اورطج 😂😂😂😂😂
زهراء :الله ياخذج اصبريلي ....خاله لينا حتكعده خوش عدها طرق تكعد الواحد يالله حبي كومي
ام جود :اعتمد عليج اني حروح امدد شويه بغرفتي
لينا :ادللي خاله
باوعت لزهراء 🌚 اطيتها نظره محد يفهمها غيرها عفتها تضحك ورحت متوجهه لغرفة الغوريلا النائم 😑 باوعت نايم ولاعبالك متغطي والله هسه مال كلاص ماي بارد 🙂 هيج شكد راح يبرد كلبي منك
(طبعا اني جنت ما اطيق جود لان مستفز لأقصى درجه وبروده يجلط ..صحيح هو انسان هادئ وتحسه ناضج بس معرف شلون اوصفلكم الوضع يعني انسان دمه ثقيل 😂😂)
اخذت نفس هسه بالله شلون اكعده هذا ادري مرته اني اخته 💔تورطني هل الورطه الله يسامحج خاله ام جود شكول عليج شفت مخده بالكاع اجتني فكره اضربه بيها بس ذكرت هاي مو عذراء لو زهراء واضربه 🤦♀️😂
لينا :جود جود
ماكو عبالك مستشهد 😑رجعت مره ثانيه حاولت لكن لاحياة لمن تنادي اووف ناس متجي اله بالعين الحمره قربت من اذنه وصحت بس صوت عالي حيل وسط
لينا :الحك احتركتنا يبووووو
طبعا حاليا اوصفلكم حالته هو نط من مكانه وصل للباب ورجع من صدمه 😂😂😂😂😂😂😂 باوع عليه اني جنت واكفه وأبتسامه بريئه على وجهي واباوع عليه عبالك ممسويه شي حجه بعصبيه
جود :شبيج تخبلتي انتي
لينا : من زمان مخبله اني 🙂
جود :شجابج لغرفتي 😠
لينا : على رجليه اجيت
جود :الحمدالله على نعمة العقل
لينا : بما انك كعدت اروح خلصت مهمتي
لفيت وجنت رايده اطلع بس...شهقت واني الكه نفسي مثبته على الحايط باوعت على جود بصدمه مبين عليه بعده معصب حجيت
لينا :شكاعد تسوي
جود بأبتسامه : اعاقبج
لينا :لاوالله وعلى شنو 🤔
باوع عليه بنظره ما فهمتها ابد وكال
جود :على هواي اشياء
عقدت حواجبي بأستغراب حاولت اخلص ايديه من ايدي بس هو ما شاءالله اقوي مني 😑
لينا :وخر احسن مسوي شي تندم عليه
ابتسم ابتسامته المستفزه وقرب وجهه عليه
جود :شسوين
تفاجئت من جرأته هل المره كلش باوعتله فاتحه عيوني عليه لاهذا اكيد مو بوعيه نوم لسه مأثر على عقله حجيت بعصبيه لان مبين ناوي على شي مو خير من نضراته
لينا : جود اياك سوي شي التفكر بي
قرب وجهه عليه اكثر وحجه بصوت خافت
جود: وشنو هو الفكر بي
مردت عليه جنت مركزه على ايديه احاول اخلص منه لان بدن يأذني وهو لازمني بكل قوته
لينا : اترك ايديه بديت تأذيني
جود :......
ما حجه شي فقط قرب وجهه اكثر واكثر
لينا بخوف :جود اياك-
درت وجهي عنه بسرعه وغمضت عيوني بخوف اجت قبلته على خدي الحمدالله درت وجهي بسرعه حسيت بي فلت ايدي دفعته بقوه صحت بي واني احس قلبي راد يوكف حطيت ايدي على خدي و عيوني دمعت وحسيت بذنب فضييع السويته جان غلط من البدايه مجان لازم اصعد اكعد وكعت دمعه من عيني وحجيت بغضب اتوقع الكل سمعني لان جان صوتي عالي
لينا :انته انته شلون سوي هيج هاا بصفتك منو حقير اكرهك 💔 حرام عليك
طلعت من غرفته بسرعه نزلت واني اسمعهم يسئلون شكو مجاوبت احد لبست حذائي وطلعت بسرعه واني احس روحي راح تطلع وقلبي يوجعني فتحت الباب ودخلت رحت على الغرفه شويه وسمعت صوت الباب ينسد اكيد زهراء وعذراء ومثل ماتوقعت طبو كبل للغرفه وهمه يسئلون شكو شصار باوعت عليهم وحجيت
لينا :لاتسئلون حبابين اطلعوا فقط اريد انام
زهراء : تمام اهدي يالله من تكعدين نحجي
لينا :اوك
هي هاي اني طبيعتي من اضوج او انقهر لا ابجي ولا شي بس انام ومن اكعد يكون مزاجي تمام طلعو واني بدلت ملابسي سديت الغرفه وحاولت انام بس كل شويه يجي المنظر بالي ضليت اتكلب بالفراش بلكت اكدر انام صدك شويه ونمت
........................... ........................................
#مكان ثاني
#بيت_جود
دخلت ام جود لغرفة ابنها بعد ما طلعن البنات لكته كاعد السرير وصافن كعدت بصفه حس بوجودها باوع عليه وحجه
جود : صباح الخير يمه
ام جود :صباح النور حبيبي
سكتت وجود هم جان ساكت ورجع الصفنته
ام جود : ما ناوي تحجي تكلي شصار ليش البنيه ليش طلعت معصبه هيج ودموعها بعيونها
جود: ...........
ام جود :ابني احجي وياك شسويت للبنيه
جود :يمه معرف بس العرفه غلطتت ومراح اعرف شلون اصحح غلطتي
ام جود :اوف يبني هسه غير تكلي شصار
حجه جود الصار كله لأمه من كمل باوع عليه بخجل
ام جود :ابني انته سويته غلط كلش جبير عود انته العاقل شلون سوي هيج بالله
حط جود راسه على كتف امه وهو يزفر بتعب
جود :بس هي ما خلت عقل بيه وابنج العاقل صار عاشق مجنون
ام جود : ههههه يا حبيبي انته صح حبيتها بس مو هيج تأذيها خاصة انته تعرفهن لذني البنات ما يرضن بالغلط والحرام
جود : وشلون راح اصحح غلطتي
ام جود : والله معرف شلون يبني بس انتبه ولاتخسرها بتصرفاتك هاي
لزمت اذنه وحجت
ام جود : ومره ثانيه سيطر على نفسك ولا صير طايش اعقل
كام وباس راس امه وهو يضحك
جود :ان شاءالله يالغاليه ما تنعاد
ام جود :يالله انزل وصلو بيت عمك
جود :ماشي
نزلت ام جود وبقه ..جود يفكر بطريقه يصالح لينا ويصحح سواه ................انتهى
أنت تقرأ
مجنونات بغداد ♡ (مكتمله)
Humorثلاث صديقات سيحكون قصتهم مع الحب مغامراتهم في هذه الحياه احلامهم وفائهم لبعض كأصدقاء : دخلو لضلون تباوعون 👀 : : ...... ماخذه المركز الاول گ روايه كوميدية قراءه ممتعه
