لينا ×_×
لينا :والله مابيه شي ليش هل مبالغه هو جرح بسيط
زهراء :انجبي نعاله ليش ما تباوعين من تعبرين
عذراء :ثوله لو ضاربتج سياره همزين كدرنا نسحبج بالوقت المناسب
لينا :اهوو هسه فتهمت بس اله داعي نروح للمستشفى
زهراء :انتي ثوله ما شوفين ايدج تنزف
لينا :وينها هاي ضمدوها وخلص
زهراء :خابرت مصطفى حيجي ياخذنه
لينا :عليمن ناخذ تكسي
عذراء :سكتي لا اكسرج
لينا :😒😒
باوعتلهم صار ساعه يرزلون بيه باوعت لأيدي نصها مضمد من سحبوني وكعت على رصيف وتأذيت فجأه حسيتهم يحضنوني ضحكت
زهراء :كلبه لا تعيديها
لينا :احبكم 😂❤
عذراء :اكرهج😒
زهراء :يالله امشو رمش يمكن اجه
لينا :اوك
طلعنا لكينا مصطفى واكف يم سيارته اجه بسرعه علينه
مصطفى :ها يمعوده سلامات
لينا :الله يسلمك ماكو شي هيج حادث بسيط
مصطفى :الحمدالله يالله ركبوا
زهراء ركبت بصدر واني وعذراء وره وطبعا حلفتهم ميكلون لماما لان هسه تنجلط المره المهم وصلنه مصطفى على البيت وراح صدعنا بالطريق على درج لاكينه جود وامه ونرجس طالعين وطبعا هم استلموني اووف مخلصنه لمن طلعت روحي دخلنا كبل طفرت بدلت ونمت لان ميته تعب ....
#عذراء
كعدت على صوت الموبايل يدك
عذراء :ردي على موبايلج تره انسطرنا
زهراء :انجبي نعل هذا فونج
شلت راسي وسحبت الموبايل من جوه المخده هذا صدك تلفوني باوعت جان علي
عذراء :الو
اجتني مخده طايره
لينا :ولي بره احجي نريد نام تره
طلعت وعفتهم شكد نعل
عذراء :الو علي
علي :شلونج
عذراء :الحمدالله وانته شلونك
علي :بخير
عذراء :امممم
علي :شسوين
عذراء:جنت نايمه وهسه كمت للمطبخ اسوي ريوك
علي :وبعدين
عذراء :شنو بعدين
علي :يعني هم عدج شي اليوم
عذراء:دقيقه اشوف سكرتير مالتي خاف اكو اجتماعات 🤣
علي:عابت كاعد احجي صدك
عذراء :ماعندي شي فارغه ليش؟
علي: اريد اشوفج
عذراء :ها 😐
علي:عندي شغل وياج اريد اكلمج بموضوع كلش مهم
عذراء:مدري انتضر لمن داوم الاحد
علي:لا ميتحمل للاحد ما طلعون اليوم للمول
عذراء: اتوقع زهراء ومصطفى اليوم يطلعون خل اشوف يجوز نطلع وياهم
علي:ماشي اذا طلعون انطيني خبر
عذراء :تمام
سديت الموبايل وحطيته على الشحن رحت كعدت لينا وزهراء وكملت ريوك باوعت للساعه جانت ساعه ١١ هاي هلكد نايمين
لينا :اخ ولكم احس جسمي كله متكسر
زهراء :شلون صارت ايدج
لينا :زينه رغم شويه احس بألم
عذراء :استمعلي المرهم وانطو الج وضمديها
لينا :تمام
زهراء :عذراء اريد قميصج الماروني
عذراء :شتردي
زهراء:اريد البسه
لينا :عيني متفقه هي وحبيب الكلب يطلعون
زهراء :رجلي وبكيفي
عذراء :نروح وياج
زهراء :ناس مخطوبه انتو شكو بالنص
لينا :نرووح 🌚 احنه قليلين ذوق
زهراء :اشوف افكر بالموضوع
#زهراء
بهاي الاثناء دك مصطفى جاوبته
زهراء :الو
مصطفى :اويلي افيش شلون صوت
زهراء :هههههههه😁
مصطفى :فديت ضحكه 😍
صاحت لينا
لينا:دكافي رومنسيات من الصبح حسو بينه
مصطفى :اهوو حطت روحها ما تنخطبين لعد منو لازمج
لينا : 🤣🤣كاعده على كلبك
مصطفى:جنت ناوي اعزمكم بس هسه بطلت
عذراء:لا تخاف اصلا احنه عزمنه رواحنه 🙂
زهراء:ناس قليله ذوق 😒
مصطفى :عمي تدللون واليوم عشاكم عليه
لينا : 🌚🌚
عذراء :💃💃💃
زهراء:سون حفله 🤣🤣🤣
لينا :اربع ونص امرلكم
زهراء :ماشي
مصطفى :احبج
لينا :دكافي ما شبعت
مصطفى :استغفرالله مع سلامه
زهراء :هههههه باي
ضلينا وحده تلعب بالفون وحده كامت تقره واني كعدت اراسل مصطفى .....المهم صارت ب ٣ ونص كمنا حتى نبدل لبست 👇👇 وشويه ميك اب
أنت تقرأ
مجنونات بغداد ♡ (مكتمله)
Humorثلاث صديقات سيحكون قصتهم مع الحب مغامراتهم في هذه الحياه احلامهم وفائهم لبعض كأصدقاء : دخلو لضلون تباوعون 👀 : : ...... ماخذه المركز الاول گ روايه كوميدية قراءه ممتعه
