صدفة عمر ......
كل شخص بينا راح يلكه صدفة عمر ويا شخص ثاني ، بوقت غير محدد بتاريخ ممتوقع بيوم عادي وتكون هاي الصدفه أما ابديه او تكون لا شيء وكل شخص بطريقه يروح .........
👇👇
ربى صدفه خير من الف ميعاد
قصة باللهجه العراقيه يارب تعجبكم 😋
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
يوسف ضابط بشرطه بدورية بغداد ماحب اكول جمييل او لا لان عندي الجمال هو جمال الروح والشكل ميجذبني مثل روح الشخص ، عمري ٣٥ وبعدني ممزوج لان كتلكم الشكل ميجذبني والمصيبه لهاي اللحظه ملكيت الانسانه الي اشعر انه تشبهني بتفاصيلي وانا هم مادور لان شغلي ماخذ اكثر وقتي ... انا الاخ الاوسط بين خواتي واخوتي عندي ٢ اخوه اكبر مني مزوجين واحد اصغر مني بالسادس الاعدادي وخواتي مزوجات كلهن واصغر وحده بيهن جانت كل ماشوفني تتغزل بيه هههه احبها رقاوي مدلله اهلي جانت .....
عائلتنا جبيره جدي ابو ابوي عايش وبحيله وبيبتي ام ابوي .. جدي ابو امي ميت الله يرحمه وامها عايشه مريضه عائلة امي مو هواي نشوفهم اكثر اختلاطنا باهل ابوي جان جدي كلمته مسموعه وتمشي ع الكل ... وجان يصيحني العنيد لان اذا شي ميدخل مزاجي لو مدري منو مااسوي هههه ماعدنا شخص بالعائله يبقى بلا زواج لعمر ل٣٠ كلهم ٢٣ واصغر ويزوجون وانا ضربت العمر القياسي ...
بسبب الشغل وارتباطي بي مرات ابقى لحد ساعه ٣ بليل بالشغل دوريات وناس طابه ناس طالعه ناس جايبيهم مظلومين وناس استغفر الله ...
يعني بالمختصر شفت اشكال الوان من نساء ورجال وبس نصدر حكم السجن يبدي الجذب يشتغل عدهم واحد يكول انا عندي جهال وسرقة والثاني يبرر موقفه ، بصعوبه تصدك بالناس لان ميندرى وين الصدك وين الجذب ....
بيوم من الايام رجعت للبيت لكيت الكل منتظرني ومسويلي مفاجاة لان ترقيت انا نسيت وهم ذكروني بيها العائله مجتمعه كلها من اصغرهم لاكبرهم جان يوم حلو نسيت تعب الشغل وتصفك وجدي يبوسني ويكول رفعت راسنا يلا شد حيلك خلي نزوجك ومن هذا الكلامم حتى انتهت الحفله والكل رجع لبيته ، صعدت لغرفتي كلش تعبان حطيت راسي ع المخده وغمضت عيوني ونمت بدون شعور .. ثاني يوم جانت أجازتي ارتاح بيها بهذا اليوم اروح للنادي العب كمال اجسام وفنون كيف الشخص يدافع عن نفسه ، سمعت صوت جدي كلت هاي هيه الله يعدي اليوم ع خير 😅
بصوت عالي
__ يمه يوسف كعدت جدك يريدك شوكت تنزل __ ايي يمه نازل خير شبي جدي __ هسه دنزل والله كريم
دخلت الحمام غسلت وجهي مشطت شعري ونزلت ، شفت جدي كاعد وابوي وعيونهم مطمن دخلت الصاله __سلام عليكم شونك حجي جريت ايده اريد ابوسها هو مقبل وكال __ شوف لك يوسف قلبي وربي غاضبين عليك اذا متنفذ هسه قراري
__ ياساتر شكو ... درت وجهي لابوي اريد اشوف شكو
كال هذا جدك وسمع منه
__ شوف يوسف ماعدنا بالعاىله كلها واحد تأخر عن الزواج مثلك وانا عندي صديقي اجه وكال حفيدتي لحفيدك وماكدر ارده
__ هاي شتحجي صدك جذب بصوت عالي ووكف ع حيله لك هاي شنو متستحي انت ترد عليه ولك كاافي كاافي تكبر وشايف نفسك ولك كلمتي هي الي تمشي __ جدي ع عيني وراسي كلمتك بس مو وقتها يا حجي مو وقتها
__ بس كلي من شنو تشكي انت مريض اوديك دكتور يفحصك لك رجال انت بيك شي
__ هاي شنو حجي تشك برجولتي كمت
__ ايي لعد الي يبقى لهذا العمر شيكولون عنه هااا
__ زين البنيه شكد عمرها بنت منو شكلها شنو اخلاقها
__ كلن هذني راح تعرفهن لاتستعجل
__ حجي هاي هيه يصير خير انتوا تفقوا شوكت وانا اروح وياكم __ شنو تفقوا شوكت اليوم مو انت مجاز ، خير البر عاجله
