صدفة عمر

البارت الرابع 🤗

وصارلي ٣ ايام قافل تلفوني ومحد هم سأل عليه ايي يمكن اهلي صدك تبروا مني لو نسوني ......

دكت الباب .....

يوسف : تفضل منو

دخل ابوي ركضت من مكاني وبست ايده وحطيتها ع راسي ، حظني وكال لك بوي ارجع للبيت ترى البيت بدونك مظلم
يوسف : بوي الي صار وياي مو قليل والكل تلومني انا هاي البنيه ماكدرت اخليها ع ذمتي بوي جدي اتسرع ادري هو زواج لو لعب

ابوي : شبيها البنيه

يوسف : مو كل الحجي ينحجي يابوي خلينا ساكتين الله يحب الستارين بس لا بيه شي ولا معوق ولاتشك برجولتي 😑😏

ابوي : صدك تحجي ولك يوسف انت ابني اكيد ماشك بيك لحظه وحده

كمت حظنته مره ثانيه والله اشتاقيت لحضنه الله ينعل ساعة الشيطان ، اخذت اجازه زمنيه ورحت ويا ابوي للبيت ؛ فتحت الباب امي ولكيتها شبعانه بجي بعد روحي وحظنتها وشلتها ولكيت خواتي منتظراتني يمه فدوه لعائلتي الحلوه ولتمنيا بالغدا ووولاد اخوتي وخواتي ملتمين وهذا خالوا شيلني وهاي عموا اشتريلي والله كلشي الي بنفسهم سويته لان صدك مشتاقتلهم ....

خلص اليوم وجاني اتصال كمت شلته ....

الو سيدي انا ادريس سيدي كعدت البنيه وبس تبجي وتريد تحجي وياك متقبل تحجي اي كلمه شنو نضربها لو ندخلها سجن المنفرد ....

يوسف : لك لااا ياغبي هي البنيه منهاره وتسوي هيج راح تروح من ادينا ، لاتسوي شي انا جاي هسه ....

اترخصت من الكل وبقوا يتوسلون ابقه وماابقه ملتمين كتلهم اكمل شغلتي ورجع الكم بسرعه ...

صعدت بالسياره وافكر شلون اتعامل وياها البنيه وشنو الجنطه هاي الي وياها معقوله هربانه من اهلها بس شو تحبهم ومتقبل واحد يحجي عليهم ....

وصلت لمركز ودخلت لغرفتي سلمت ع ادريس وكتله وينها البنيه كال هسه سيدي انجيبها .....

وبقيت انتظر تقريبا ربع ساعه اندكت الباب

__تفضل
ادريس وبيده البنيه
___سيدي هاي البنيه
__ اخذ راحتك ادريس خليها وطلع
__ حاظر سيدي

وكفت يم الباب وحسيت بيها كلش خايفه ، وكفت من مكاني ومشيت قريب يمها وكتلها تفضلي ليش واكفه اكعدي بالكرسي . مدنكه راسها وكملت المشي وهي تمشي دارت وجها وكالت

__ وين الجنطه

يوسف : اشلون تردين انطيج جنطه بدون ماعرف الحقيقه مالتج

__ يعني الجنطه بأمان

يوسف : لاتخافين حتى انتي بامان اذا كنتي صادقه بكلامج
كملت مشي وصلت للقنفه وكعدت ودنكت راسها وبدت تبجي ....

رجعت للكرسي مالتي وكعدت وره المكتب ماتي وكتلها شوفي عيني ترى الدموع والمسكنه ابد متمشي وياي الصادق مو بدموعه يبين ..

مسحت دموعه بديها مثل الطفل وكالت

__ هاي مشكلتي وعمري ماراح اكدر احلها

يوسف : شنو هي مشكلة والي متكدرين تحليها حظرتج

__ انو ابجي حتى لو شخص صرخ عليه

يوسف : ههههه يلا هسه انا صرخة وبجيتي حظرتج

__ لا مصرخة بس اسلوبك والفاظك وتعاملك كلش قاسي

يوسف :لعد انتي مشايفه شي بعدج ، انا الي يكذب وياي خلي يندعي امه ماجابته احسن

__ وليش اكو غبي يكذب عليك

يوسف : ههههه صدك ضحكتيني فكوني ذكيه واحجي الصدك ، اول شي انا اريد اعرف انتي شنو اسمج لان لحد هاي اللحظه اصحيلج يابنيه

__ أسمي رشا بيك حيل تسمع قصتي وبعدين تكدر انت تحكم

يوسف : اكيد لازم اسمع قصتج واي كذبه

رشا : ممكن بعد لاتكول اي كذبه وكذبه ترى اهلي علموني ماكذب لو اموت

يوسف : احذرج من البداية يكون افضل

رشا : تحذرت وعرفة طبعك

يوسف يلا كملي حتى ابدء اكتب لو اكلج مابيه حيل راح اسجل صوتج

رشا : اسمي رشا مواليد ٩٢ بس قبل لاكمل ...

الدموع الي راح تنزل مني لا اريد عطفك ولا اريدن تحس اخدعك بيهن ، مرات الكلمات ماكدر احجيهن تطلع ع هيىة دمع ...

يوسف :ماشي راح اعبرهن الج

رشا : أنا من عائلة ماكولك محافظه او سبورتيه وسط علمتنا امي ع الصلاة والصيام من كنا صغار وبنفس الوقت الي نريده نسوي بابا هواي شجعنا خلانا نتثقف دائما يشتري النا كتب ونقره هواي انا الاخت الاكبر بين اخوتي واخوي احن ٤ اشخاص ولد واحد وبنات ٣ (كل كلمه تحجيها رشا دموعها متوكف ابد ) ، ماما كانت معلمة بمدرسة بغداد وابوي كان استاذ بالجامعه الطب انا خلصت جامعتي كلية الطب كنت طالبه ويا ابوي واخوي مصطفى مهندس واختي سلا ثانوية علمي واختي الصغيره نها بالاول ابتدائي ....
عائلتي ماكو منها جنا كلش متماسكين والناس تحسدنا ع الي احن بي واحد يحب الثاني واحد يساعد الثاني اصلنا من النجف مناطق ريفيه بس ابوي من كمل دراسته عاش بغداد وشاف امي وتزوج فبقينا بغداد وعشنا بيها اهل ابوي كلهم بالنجف كل فتره والثانيه نزور اهل ابوي تريد الصدك اضوج من اروح احس اكو فرق كلش جبير بينا حتى بالتربية ماكو بنيه تكعد يم ابوها وامها ويتناقشون هواي اختلافات ....
يوم الاحد مصادف ٢٥ / ٦ الجميع جان بعطله واتصلوا ع ابوي كالوا اله انه جدي توفى وبقت امي تواسي بأبوي ......ع

يوسف بداخله ( اول مره استمع قصة شخص من بداية حياته وكأن اسمتع لشهرزاد الي تقرء القصص للامير )

.....
يتبع 😍😘
شكرا حبايب قلبي من الاعماق لانكم هنا 😍😎