تكمله ........
عفت البيت وطلعت دخلت للدائره الكل بقه صاافن هذا مو عريس شعده جاي ...
واحد بيهم سيدي وضرب تحيه : تحتاج شي ..
__راح ادخل غرفتي واريد دز احد يروح يجيب ملابسي من اخوي
سيدي ارجع للبيت بعدك عريس
يوسف : شوف بعد كلمت عريس ماريد اسمعها من احد بيكم وكول للكل انا لا عريس ولا شي وانتهت فاهم لو لا
حاظر سيدي
وخابرت ع اخوي كتله يحظرلي كم لبسه لان اريد ابقى كم يوم هنا ماريد ارجع يمهم ، اصلا مخنوك من الكل ....
ومر الوقت محد اتصل عليه اصلا انا غلقت تلفوني بس تلفون الشغل مفتوح ...
وصار ليل كلت اتمدد شوي ماسمع غير صراخ نسوان ودخلوا عليه الشرطه وياهم بنات مختلف الاعمار هنا كلت بداخلي يبوووو مراح تخلص هاي الليله ، واحد من الحرس كال : سيدي ذني البنات شفاهن يتمشن بهذا الوقت المتأخر ولا حشمه ولا ستر وفوكاها كم وحده بيهن شاربه
.....
صار ضجيج هاي الي دافع عن نفسها وهاي الي تعتذر بس تريد تشرد وهاي وهاي وهاي
ركعت صوووووت وكلت ولجن كااااااااافي طيح اللله حظجن وحظ والديجن الي ملفوجن يااابنات طوووووووط......
وبديت افشر حتى نسيت روحي طلعت حركتي كلها بيهن صار هدوووء كلهن سكتن وبيهن بنات صغار بعمر الورد بس الاهل ماكو فأكيد وين عنهن ...
تقريبا ٥ بنات هن وبينهن بنيه لازمه جنطه وحاظنتها وكفتهن بالسره ووحده وحده بديت أسالهن رئيسة المجموعه وكفتها وكتلها تحجين لوو تعرفين عقابنا كامت تبجي وتريد تجر ايدي تبوسها رأسن ضربتها راشدي كتلها شوفي لج .....طوووووط.......
رحمة بقلبي ماكو وفواكها سكرانه مدري محششه تحجين لا ابدي بالضرب القوي
احجي سيدي احجي : انا طالبه بالجامعه وذني صديقاتي ونتفق دائما بليل نطلع سوه يم الكراج هناك اكو يبيعون النا حشيش
يوسف : ومقابل شنووووووو تاخذون الحشيش
البنيه : سيدي مقابل الفلوس
يوسف : يعني عندج اهل
البنيه : اي سيدي ومن ناس معروفين
وحده منهن الي جانت لازمه الجنطه صرخت كالت انا مو وياهم وكفت يمها وضربتها راشدي كتلها انجبي من احجي ويا وحده الكل تنخرس ، بقت بالكاع ابد مصعدت راسها ...
يوسف : كملي منو اهلج
البنيه : اهلي من سكنت الكرداه
يوسف : اريد افتهم شلون يأمنون يخلوج طلعين هيج وقت
البنيه : متفقين انا وصديقاتي نلتقي بمكان وكل وحده تكول انه رايحه يم الثانيه تدرس
يوسف : ولجن مو بنات انتن كل الصلافه بيجن ، كل وحده تكتب عنوان اهلها
وكفت وحده نزلت تبوس رجلي وكالت استر عليه الله يستر عليك ، ابوي اذا دره يمكن يذبحني
دفرتها برجلي وكتلها لعد ليش يااااا حقيره من طلعتي من بيت ابوج مافكرتي هيج هاااا وين جان عقلج شنو انتي متستحين ، متعرفين اخرت الحشيش موووت متعرفين اخرت المخدرات انتحار مخفتن ع اهلج ..
..
أدريس تاخذ كل وحده عنوانها وكلشي عنها وتاخذ اقولهن وباجر تروحن للمكان نفسه حتى تلقون القبض ع الي يوزع ....
حااظر سيدي ...
ادريس : أمشن يلا تحركن طيح الله حظجن خليتن راس اهلكم بالكااع
وكفت البنيه الي ضربتها راشدي وصرخت ماسمحلك تحجي هيج انا عمري وحياتي منزلت راس اهلي راسهم مرفوع بيه ، بقيت صافن حسيت ملامح وجها تحجي الصدق بس شون اصدق وهن ع اهلهم كذبوا
كال ادريس بصوت عالي وليش لعد جايه لهذا المكان ادبسز بنت .....
وكامت تضرب ع راسها وتصرخ وتكول ولك لاتغلط ع اهلي لاتسب لاتشتم ماسمحلك اهلي اشرف منكم كلكم ركضت يمها لزمت ايدها وكتلها كافي
كالت ارجوك ارجووك قبل لاتحكم عليه اسمع قصتي ارجووك انا مو وياهن
درت وجهي ع رئيسة المجموعه وكتلها وياجن هاي
كالت ايي ويانا
كامت تصرخ وتبجي وتكول ليش جذبين وين اعرفج وين شايفتج ليش تردين تاذيني ولكم يابشر عوفوني
يوسف : ادريس اخذ البنات كلهن وبالغرفه الثاني سوي الي كتلك عليه وعووف هاي البنيه يمي اطلع
ادريس : حاظر سيدي
وكعت بالكاع وبس تجبي وحسيتها انهارت اجيت اريد ارفعها دفرت ايدي وكالت انا اكوم ابعد عني ..
كتلها شوفي لج هواي شايف نماذج وهواي اتمسكنن متكدرين تسوين شي اله اذا كنت صدك صادقه بكلامج تحجين قصتج وعدل لا اسوي بيج سوايه محد مسويها ادخلج سجن الجلاب وبعد تعرفين شكو هناك ...
البنيه : يعني امووت
يوسف : بس قبل موتج تتعذبين ... ركضت تريد تسحب المسدس مني بس لزمت ايديها وجانت تصرخ اقتلني اقتلني اريد امووت اريد الحك باهلي
ياربي انا الي قلبي مينكسر ع احد مدري شصار بيه .... راسن شديت اديها ورجلها واتصلت بدكتور وجوي ركض شافوها منهاره البنيه واصله حد الهستيريا انطوها مهدئات ونامت اخذوها لغرفة الممرضه الموجوده بالدائره ونامت يوم كامل وجانت اكو ممرضه يمها ....
صار فضول اشوف الجنطه شبيها فتحتها لكيتها مليانه فلوس وذهب ....
كلش هواي جتي بالي افكار هاي شنو .... كلت يمكن حراميه ، لو تشتغل ويا المهربين وافكار تروح وفكار تجي ....
المهم اجوي اهل البنات وسوينا تعهد انه لو شفناهن مره ثانيه سجن مؤبد بس لان طلعن صدك اهل عوائل ونكسر خاطري ع ابوهن ....
بقت هاي البنيه محد اجه عليها وطلعت صدك مو منهن ولا يعرفنها البنات ...
وصارلي ٣ ايام قافل تلفوني ومحد هم سأل عليه ايي يمكن اهلي صدك تبروا مني لو نسوني دكت الباب ......
وييلكم سو لايكات هاي شبيكم 😞
تابعوا الباقي 😋
شكرا لقراءةة جميعا 😍
أنت تقرأ
صدفة عمر
Misteri / Thrillerصدفة عمر ...... كل شخص بينا راح يلكه صدفة عمر ويا شخص ثاني ، بوقت غير محدد بتاريخ ممتوقع بيوم عادي وتكون هاي الصدفه أما ابديه او تكون لا شيء وكل شخص بطريقه يروح ......... 👇👇 ربى صدفه خير من الف ميعاد قصة باللهجه العراقيه يارب تعجبكم 😋
