خالد : يا بنى متحاولش مش هتعرف تسبقنى .
سالم : لا هسبقك ..
خالد : هههههههه مش قولتلك متحاولش ....ادينى سبقتك اهوه .
سالم : مش عارف انت ازاى سريع كدا ....اكيد هييجى اليوم اللى هسبقك فيه .
خالد : يبقى مش هييجى .
سالم : طب يلا نتسابق تانى ونشوف ....
خالد : هههههه يا بنى هكسبك ...وهيبقى شكلك وحش .....
فاق من شروده فى ذكرياته القديمة على صوت الخادمة ....
الخادمة : خالد بيه الغدا جهز .
خالد بعد ان افاق : ماشى ....روحى انتى .
نزل خالد للاسفل .... وجد حور تضحك مع اخته ..وقف خالد مكانه مسحورا بجمال هذه الفتاه
خالد : هو فى ايه البنت دى عملالى ايه .... لا انا لازم ابعد عنها مينفعش كدا .
دخل خالد غرفة الطعام كان الجميع جالس على الطاولة ....
الجد : تعالى يا خالد ورايا...عاوزك فى حاجة.
ذهب خالد خلف جده فى غرفة المكتب ............
الجد : .....
خالد بغضب : يعنى ايه يا جدى انت ازاى تطلب منى طلب زى ده . لا طبعا انا مستحيل اعمل كدا .
خرج خالد من المكتب غاضبا وهو يعترض على قرار جده ....رمق حور بنظرات تحمل الوعيد والغضب ....ثم خرج وركب سيارته بأقصى سرعته ..
فى الداخل ....
حور بقلق : هو فى ايه ....
دينا بقلق مماثل : مش عارفة ...ربنا يستر .
دخلت حور ودينا لغرفة المكتب ....
حور : جدو ...حضرتك كويس ..
دينا : انت كويس يا جدو .
الجد : ايوة انا كويس متقلقوش ....انا عاوزك يا حور فى حاجة .
دينا : خلاص انا هطلع استناكو برة .
فى المكتب .....
الجد : عاوز منك طلب يا حور .
حور : اتفضل يا جدو .
الجد : عاوزك تتجوزى خالد .
صدمة حلت على حور ولم تعرف بما ترد .
فهم الجد حالة حور ....
الجد : انا عارف انك اتصدمتى من طلبى بس انا عاوز مصلحتكو يا بنتى .
حور برفض : لا طبعا انا مستحيل اوافق وبعدين انا مش عاوزة اتجوز دلوقتى .
الجد بتعب : يا بنتى انا عاوز اتطمن عليكو قبل ما اموت .
حور بلهفة : جدو مالك فى ايه .
وقع الجد على الارض ...
حور ببكاء : جدو ...يا جدو .....
