قُلوبٌ مُحَطمة

الجزء الثالث

#قُلوبٌ مُحَطمة

الجزء الثالث..........

رافد:الووو ضاري وينك ترى تأخرنة

ضاري:جايك هياني قريب ع المنطقة،،،
وصلت للبيت دزيت رسالة لشيلان
💬شلونج شيلانة انة طالع للشمال ايفاد
اخاف ادكين وما ارد عليج لايظل بالج واول
ما اشوف مكالمتج اتصل بيج،،
دكيت هورن لرافد وطلع بس شنو وجه ميكصة
السيف خييييرك ابو الشباب شبيك

رافد:سلامتك بس شوية راسي يوجعني

ضاري:سلامات صدك شسويت والله هاليومين
التهيت عنك شوكت ناوي تتأهل حتى نسوية
زفتنة سوة،،،احجي واضحك وياه شفته
مو طبيعي،،،خييييرك رافد صاير شي

رافد:ماكو لا زواج ولا صخام

ضاري:ضربت بريك شنووو بشرفك شدتحجي
انت

رافد:عادي ماكو قسمة شصار قابل نهاية
العالم

ضاري:بربك احجي عدل وخل افهم شنو ماكو
قسمة شنو ابوهة هم رفض عادي نروح مرة
وعشرة مو من عوايدك تخون الوعد رافد
ولاتكولي بزعت واهلي مدري شنو.....

رافد:اليوم عقدت ،،،،،

ضاري:منوووو هي العقدت كتهن عاد لاتنكطهن
علي

رافد:شبيك ضاري فرح اليوم عقدهة عقد
عليهة ابن خالهة حتى تطلع وياه تدرس
برة

ضاري:منو كلك

رافد:انة خابرتهة وهي حجلتي

ضاري:بشرفك فهمني وحدة وحدة

رافد:داشغل واطلع وانة احجيلك،،،
شوف قبل فترة مو هم رحنة وكدامك صار الحجي
ابوهة طلع حجة دراسة ومدري شنو
رجعنة ورة فترة امي هم اخذت الحبايب
وراحت هالمرة امهة كالت البنية ابن خالتهة
رايدهة وابوهة نطى وهي اصلا راح تسافر
لان تدرس بالخارج امي مسكتت كالتلهة
ليش لعد تعشم بأبني وتخلي يجيب عمامه
ويومية متفشل وابوهة يرفض امهة
متخبلة ع بنتي شعدهة وية ابنج وتعشمه
صايحة لحبيبتي المصون وكالتله كل
مافي الموضوع ان هو اجاني للكلية وحجى
وياية وكتله اهلي موجودين وحجيك
وياهم يعني باعت اخوك وتبرت من كلشي
انة سكتت كلت يابة بنية وحقهة قابل
تكول لامهة اي احبه وعندي علاقة بية
سكتت رادة امي ورة اسبوع شايفتهة
صدفة بالشارع موكفتهة وكايلتلهة بنتي
اذا ابني مو ابالج كوليله خل يشوف دربه
تكوله خالة ابنج ميفهم ياريت انتي تفهمي
عن الساني كوليله ماكو قسمة واصلا مبقى
شي وراح اسافر بس الحقيرة مجابت
طاري خطوبة وعقد الا صدفة من داحجي
وياها طبت بنية يمهة وحجت وياها
ع العقد ومن واجهتهة منكرت حظي الكو....
منكرت تكولي هذا انسب حلي واحسن
حل الي والك اصلا ابوية يحرمني من حلمي
اذا كتله اقبل برافد

ضاري:يحجي بحركة كلب عيونه غدن دم
رجعني سنين ليورة بنفس القهر والحركة
خلص خوية خلص ولايهمك الباعك بيعه
هي خسرانة والله هاك شوفة عينك متت
لاااا نسيت ايي الحمدلله وهاي ربك عوضني
ومباقيلي شي وان شاءالله ازوج وعوضني
ببنية درة كلمن ونياته عبن نياتهن كشرة
انكسحن