قُلوبٌ مُحَطمة
الجزء العاشر......
رافد:اليوم عقدت ع سمراء وسوينة حفلة
حلوة بس الكرايب والي مجنت متوقعه هو
جية فرح وزوجهة اجوي للبيت وضيفتهم ومن
طلعنة لبيت جدي اجو ويانة الولد اجة بسيارته
ولحكنة وصلنة وامي بس شافتهة صارت
اعصاب كل شوية تريد تنهد بية وصلنة لبيت
جدي كل الكرايب حاضرة ضاري صاحبي
وعضيدي وخويي اول مرة اشوفه هيج مكسور
ومخنوك شكد حجيت وحاولت اطلعه من
الجو الكئيب العايش بيه بس ماكو بغير وادي
عايش والي عرفته متعارك وية بيت عمي
مختار لان ضارب زينب ومطردهة وفوك
القهر هي حامل مدري شصاير بيه لو شلون
ديفكر،،،،
رحمة للاسلام ترى كاعد بعرس مو فاتحة
شوية ابتسم وخليني اتفائل شوية اشو ثنينة
انة وياك طايح حظنة وانت كبلي جربت
هالكعدة والهوسة وهسة مكابلني وجهك
وجه المطلكة تصدك كمت اخاف
ضاري:افرح خوي واضحك مالك دخل بيه
انة هاي هي انكتب علية اتعلعل بالحب والزواج
رافد:بدى الشيخ يردد ايات عن الزواج
وكف يم الباب يحجي وية سمراء صاحلي
وكفت يمة وظل يحجي وهي تردد وراه
لحدما نطت الموافقة وعلى صوت الهلاهل
كعدنة وصاروا يوزعون حلو وشرابت ومدري
شنوو وانة بالي يم هذا القافل شوية وابوية
كوكني البسهة الذهب طلعت من الاستقبال
صارت امي بوجهي بوستني وباركولي
طبيت شفت جدتي واكفة يمهة اليوم صارت
ام العروس تقدمت بست ايدهة وراسهة
سمراء طالعة حلوة بشكل ويمكن نظرتي عليهة
تغيرت شوية بعدما صارت حلالي وشفتهة
جانت لابسة فستان نفش قصير ذهبي بدون
ردن والصدر كله مفتوح شعرهة ع طوله
مبروم مكياج ودنيا متغيرة حيل ولاعبالك
ذيج الطفلة الي اشوفه نفس الشبه بس اكبر
بستهة من راسهة وكعدنة لبستهة الذهب
جانت متوترة حيل مبين من طريقة تنفسهة
تقربت يمهة،،،،
شبيج ابوية ليش هيج متوترة اشو طالعة
احلى مني
سمراء:هاااا لااااا بس يعني اول مرة اطلع
هيج كدامك يعني واشرت ع الفستان وجسمي
المكشوف
رافد:اييي بهاي عندج حق حتى انة معرفتج
ظليت ادور ا البنوتة الصغيرة
سمراء:ضحكت وشوية خف التوتر شغلوا
اغنية هادئة وركصنة عليهة تونست شي
حلو وشعور احلى
رافد:طول الحفلة فرح عينهة علية وشعور
الغيرة واضح بعيونهة امي كل شوية تهلهل
وتصلي ع النبي وتتقصد تصير كبالهة وتحجي
بسمراء شوية و وكفت تحجي بالتليفون
امي جتني
رقية:يمممة رافد ابوك يكول صاحبه راح
يطلع رجل هاي المسمومة
رافد:اييي ترخصت وبست سمراء براسهة
وطلعت الولد جان واكف وهي بصفة باركلي
وتسالمنة وصى فرح تبقى بس يجيب
السيارة،،،،،هاااااا ان شاءالله تكون الحفلة
عجبتج وكد مقام حضرتج
أنت تقرأ
قُلوبٌ مُحَطمة
Romansزواج تقليدي وحُب قديم،قَلبٌ مُحطم رُكِن في زوايا النسيان،،، مشاعر دخيلة،،حب حكم عليه بالاعدام
