قُلوبٌ مُحَطمة

الجزء الرابع

#قُلوبٌ مُحَطمة

الجزء الرابع.......

شيلان:شدتحجي ضاري لاااا عفية هي بس
هالسنة واخلص حرامات ع شنو أجل

ضاري:شسوي يعني شغلي انقل لهنا بعد ما
اكدر ارجع لبغداد

شيلان:ايي خل اروح لاهلي بس هالفترة عفية
لاتضيع تعب سنين كضيتهة كلهة نجاح
وبتقدير ما اريد هسة اضيع كلشي

ضاري:ايي وانة اظل هنا وحضرتج يم اهلج
شلون رهمتيهة وبعدين هسة كلهة حفلات
تخرج

شيلان:ضاري ترى مجنة متفقين هيج وبعدين
من حقي اروح واحضر الحفل الرسمي مال
تخرج يعني تعب 17سنة تتوج بهاي اللحظة

ضاري:خلص شيلان بلا نقاش ماكو روحة
انة ارهمهة الج وية الامتحانات تروحين
لاهلج

شيلان:عفته ورحت للغرفة ابجي يعني جان
كل حلمي اروح واستلم وثيقة التخرج والبس
روب التخرج واتصور هي حلم كل طالب
تعب ع نفسه وتخرج حقدت بوقتهة ع اهلي
همة السبب بكل هذا،،،
هذا الحجي صار جان مار ع زواجنة10ايام
جانت علاقتنة كلش حلوة بسرعة اطورت
علاقتنة وصرنة مقربين لبعض عمتي سوتلي
سبعة تجنن جابت ملاية وعشا مرتب لبست
بيهة 7فساتين هاي عاداتهم خطية البنات
مخلني اروح للبيت بغرفتهم بدلت وهنة
وياية صرنة صديقات علاقتي كلش حلوة
وية عيالي خصوصا عمتي ابد مشفت منهة
الشي الي يكولون عليه كيد العمة بالعكس
طيبة قلب وفطيرة هذا الشي بشهادة من
نسوان حمويني سولاف مرت مازن واساور
مرت ايهم،،،اما عمي هذا قصة ثانية مثال
للاب الطيب علاقته حلوة وية الكل حنين
ميكعد ع السفرة الا والكل داير ميدوره
احنة غدانة وعشانة كله يمهم واني هم
امد ايدي وياهم رغم مقبلوا بالبداية ع ابو
عروس وهالسوالف بس اني اضوج،،،
كلشي جان ماشي حلو لحدما اجاني ضاري
وكلي اجلي هالسنة وهي مباقي عليهة بس
شهرين تقريبا دراسة اصلا ماكو كلهة تخست
وحفلات وراها امتحانات الفاينل واني
اصلا حاطة ابالي بس حفلة التخرج احضرهة
الحفلة الرسمية مال الجامعة الا باقي الحفلات
هيج هوسة بس ضاري صدمني مخلاني اروح
كلش انقهرت وهو ميدري حتى زي التخرج
محضرته والروب مشتريته والقبعة كلشي
مجهزه،،،،

ضاري:شيلان يلة امي دزت علينة ع الغدة

شيلان:روح ما اشتهي

ضاري:استغفرالله شيلان كبري عقلج وبلا
سوالف الجهال

شيلان:رحمة الله والديك اني جاهلة روح انت
اتغدة

ضاري:ليش اطلعين حسي بهالظهرية

شيلان:لااطلع حسك ولا شي روح ما اتغدة

ضاري:ضجت من تصرفهة طبكت الباب
حيل ونزلت طبيت لبيت اهلي تلكتني امي

صفية:شكو شبيك جاي تنافخ شيلان وين