قُلوبٌ مُحَطمة

الجزء السابع

#قُلوبٌ مُحَطمة

الجزء السابع.....

ضاري:كافي زينب مستحيل يصير الي تفكرين
بيه شنو الي يخليني افكر ازوجج واني
عندي مرتي تسوة نسوان الكون كله

زينب:ما اكدر اتحمل بعد ضاري داموت اريدك
يعني انت احكم من تصرفاتي وياك احكم
شوف زينب لاي درجة واصلة بحبك وهيج
مسحت بكرامتي الكاع اتوسل بيك افهمني
الله يخليك

ضاري:انتي ابد مو صاحية شلون عقلتيهة
هاي بلة،،،،دنحجي ودك تايفوني شيلان كافي
زينب لاخر مرة اكلج بعد لا ادكين ولا ادزين
علية فاهمة عفتهة وطلعت رديت ع شيلان
الوووو هاااا يا حلووو

شيلان:هلوووو حبيبي شوكت تجي متت
جوع

ضاري:يخسى الجوع جايج يا روح حبيبج
نهيت المكالمة وياها وانة مخنوك شلون
وية زينب مناوية تجيبهة البر زين ويامن احجي
وشلون اتصرف وياها وصلت للبيت الكل
ملتمين ع السفرة توهم كاعدين سلمت وسميت
اكل عيني ع شيلان كاعدة بصفي تاكل
وتسولف وية البنات مر كم شهر ع زواجنة
وسبحان الي زرع حبهة بكلبي حب سنين
والحمدلله ربي هداني و وعاني ع غلطي
وشفت وفهمت ضعفي كدام زينب مجرد
وهم هي خلقته ابالي وهسة شفت ان ماكو
اي وجه للمقارنة بينهن،،،
خلص انة اعرف شلون اخلي حد لتصرفات
زينب

شيلان:خلصنة الغدة ولملمنة السفرة اني
واكفة ع الجاي واساور تعزل الماعين
وهديل واسيل عليهن الغسلن دنسولف
وسمعنة صوت بيت عمو اسماعيل زيدت
عدد الاستكاين ولفيت حجابي وطبيت سلمت
وضاري اخذ صينية الجاي وصار يقدم كمل
سويتله مكان كعد بصفي وحوط كتفي بأيده
سوالف وتبادل اخبار

اسماعيل:حسين هم مريت هالايام لبيت
مختار

حسين:لاااا والله اخر مرة من جانوا يمي
ليش خير صاير شي???

اسماعيل:اييي المسكين واكع بالفراش طليق
زينب جاي وماخذ ابنه ومتعارك وياهم لان
الولد ظل يبجي يريد ابوه وزينب سوت هوسة
تخاف لياخذه ويسافر عاد اجاني للبيت وكلي
ان هو باقي فترة ابغداد يم اخته ويريد
ابنه يمه يشبع شوف منه ومن هالحجي
وكلي بنت اخوك مترضى عاد ادخلت وفهمتهة
مو كوترة وياخذه اكو قانون عاد بالكوة
رضت وهاي الولد صارله اسبوع يم ابوه
وهاي داكة مناحة تريده وذاك ميريد يرجع
لامه يريد ابوه تعارك وية اثير وارتفع ضغطه
وهاي صارله جم يوم مكضيهة مستشفيات
يتخربط من ورة الضغط

حسين:وادري انت هسة تحجي غير تخابر
ادز احد علية

اسماعيل:والله عبالي تدري لان اول البارحة
شفت ضاري طالع من يمهم

ضاري:خرب بالحظ شحجاك حظي المصخم
احس كلهة تنتظر مني تفسير،،،والله يابة
ما ادري بيه مريض مريت بس من الباب
مطبيت الهم،،،حسيت ابوية يريد يسد الموضوع
ويوفر علي الحجج وكال العصر نمرلهم