قُلوبٌ مُحَطمة

الجزء الأول

#قُلوبٌ مُحَطَمة

الجزء الأول........

ضاري:يممممة الف مرة كتلج شيلي سالفة
الزواج من بالج رحمة لاهلج يعني انة جاي
اشوفكم وارتاح شكم يوم وارد لبغداد متلكيتني
بسوالفج

صفية:وشبيهة سوالفي يمة عيوني شوف بنت
خالك شمحلاها وسترك وغطاك ومنك وبيك
يعني تعرف كلشي عنك ليش رافض الزواج
يمة الي بكدك بزره بطوله بس انت لو عاجبك
تظل هيج روح شوفهة عاشت ومشت حياتهة
ولا جن

ضاري:ايي حجية بس انة هسة افوت اكل
لكمة وارتاح لو اهج

كامت صفية وهي مقهورة من سوالف ابنهة
نفسهة تزوجه وتفرح بيه حاله حال اخوته
بس هو معند وقافل

حسين:خيرج يا مرة اشو مو ع بعضج شصاير

صفية:ابنك موتني شوفلك صرفة وياه انة
اريدله وحدة تشكمه ابيت وتربط ايده ورجله
احسن مداير هيج بروحه ومتلفس فلوسه
ع الرايحة والجاية والله اليعلم شيسوي
ميسوي ابغداد

حسين:افاااا عليج حجية هذا ترباة ايدي
مطتلع منه العوجة

صفية:جم دوب يا رجال شوكت ناوي يستقر
منى عيني اشوف بزره داير مدايري هاي
مو اخوته كلمن فتح بيت وكعد شمعنة بس
هو

حسين:الله كريم انتي بس هدي حالج وانة
ان شاءالله الي كعدة وياه ونحجي

الله يساعدك بوية

ضاري:كمت لحيلي هلااا بيك ياابة هاااا
بشرفك مو شحنتك علية

حسين:بضحكة ولك انت منو يكدرلك بوية
من يوم يومك الي براسك تسوي ورأيك
ماشي بس ابني امك هم حگهة جم دوب تظل
هيج ميعجبك ترد بيتك وحرمتك يمك
جهالك يعني عاجبتك حياة الطربكة لا
عبالك انت ابغداد ما داري عنك لا بوية
غلطان انتو ترباة ايدي واحدكم ادري بين
وين يروح وين يجي خل اكمل بوية
ابني العلاقات ما ادوم بالعكس تكسر نفسك
عن كل حرمة تشوفهة كبالك يمكن تصرف
من وحدة يخليك تحس كل النسوان مو شي
صحيح كلامي لو انة غلطان فكر حبيبي
وهااا ترى انة محجيت شي كدام امك
انة خال عيني ع بنية من يومي اكول متلوك
الا لضاري

ضاري:بتعجب ومنية هاي يابة????

حسين:تعرف ابن عمي ابو مصطفى الي ساكن
بغداد

ضاري:اييي اعرفه

حسين:عنده بنية صلوات جمال واخلاق
اخر روحة الهم كبل شهرين شفتهة كبرانة
ومحلوة ابالي كلت هاي ترهم لضاري

ضاري:ما ادري يابة الله كريم

حسين:يابة ترى الماضي خلص راح انسى
واذا وقفت حياتك ميرجع شي كلمن عاش
حياته وكمل بس انت واكف تراوح بمكانك
فكر زين ابني واحسبهة صح ترى العمر يمشي
مينتظرك