شامخة رغم الجروح النزيفه.صامده رغم البعاد والصدود والقطيعه؟

١

واقفه جنب سريره ناظرت حواليها كل شي أبيض في أبيض ريحة المعقمات وصوت نبضات قلبه الاسلاك يلي ماليه جسمه عيونه المرهقه دقنه الغير مرتبه جسمه النحيل طول عمره كان شخص قوي وله هيبه شخص جدي ورزين بس يلي يشوفه بهالحاله مايصدق مسحت بأيدها على راسه وجلست بجنب السرير وهي تناظره فتح عيونه ولفت لها ناظرها بحب كبير وهو يشوف نظرات الخوف والضعف يلي تناظره فيها كره نفسه الف مره بسببه باين عليها ضعفها يعرفها قويه مايبغى يشوفها ضعيفه
رفع أيده بصعوبه يحاول يمسح على راسها عشان يهديها أخذت يده قبل ماتوصل لراسها قربتها من شفايفها وباستها بكل حب وحنان أخذت تبوسها وقالت له بصوت هادي: يايبه.
سمعتها تناديني بنبرة صوت اول مره اسمعها منها كانت نبره مهزوزه وخايبه ناظرتني تنتظرني أرد عليها قلت لها بصوت ماليه كل الحنان يلي أحاول فيه أخليها قويه:عيون أبوك.
ردت ونبرتها ماتغيرت: لاتتركني أنا قويه بس لأنك قوي أذا رحت تراني أروح فيها.
أبتسمت لها وعشان أطمنها قلت: أفا تشكين فيني انا قوي لاتخافي وبعدين ارتفع ضغطي شوي ومافيني الا العافيه
اخذت نهده طويله وابتسمت وقالت: ادري كلمت الدكتور وقال فيك بكرة تخرج من المستشفى وكملت بنبرة تهديد وقال الدكتور كمان ممنوع من الضغوطات فاهم ممنوووووع
ابو الوليد بضحكه تاعبه: هههههه طيب حاااضر الا اقول وين فارس
عبست وهي تقول:فارس ناشب للمرضات من الصباح و...
وفي نفس اللحظه دخل فارس: كأنيي سمعت أسمي قطب حواجبه وهو يقول تشتموني صح
لفت يناظره ابو الولييد وقال:ماتستححي ناشبب للمرضات
ضحك فارس بخجل وهو يحرك شعره بأيده من الخلف وقال:هههه ويش اسووي مزاات وبعدين لاتصدق كل شي تسمعه وناظر الصمود وهو يقلص حجم عيونه ويقول وانتي ماتعرفين تقفلين بوزك
ضحكت بدلع وناظرت ابو وليد:هه تبغاني أكذب بسم الله علي
ضحك ابو وليد على هبالهم وقال وهو مقطب حواجبه:ألا ماقلتو لي وليد د....
قطعت كلامه الصمود وهي تبوس أيده:لاتخاف ماقلت له شي ماحبيت اخوفه وهو بعيد
مسح ابو وليد علىراسها وقال:خلاص الحمدلله شوفي هذاني باألف خيير ماغير شهر واحد وأسوي العمليه وأرجع نفس الحصان
أبتسمت والعبره ماسكنها:ياجعلنتي منحرم منك يارب وباست أيده بقوة
أجاء صوت فارس من وراها وهو يقول:ياهوه أنا وين مكاني بالأعراب
ناظرته الصمود وبهبل:أنت عله حرف عله ولا أقول لك مجرور
شهق فارس وهو يناظرها:تف تف بسم الله علي كل هالجمال عله يالحسودد وبعدين ويش قعدك هناء روحي على دوامك ولا ناويه تغثينا طول اليوم
ردت الصمود وهي لامه شفايفها بعدم رضا:من قال إني بروح مارح رو..
قطعها ابو وليد وهو يقول بجديه:أنا قلت يالله روحي على دوامك
الصمود:بسـ......
ابو وليد:لابس ولا شي انا بخير والحمدلله وفارس موجود لاتزعليني منك روحي على جامعتك لاتضيعي الوقت
تنهدت هديل بعدم رضى بس بعد كل شي هو صادق تخاف يفصلوها بسبب الاهمال وهذي اول اسبوع لها بالترم الثاني:طيب رايحه واول ماخلص رح اجي اتغدا معك
قال ابو وليد بابتسامه:ان شاء الله يالله
باسته على راسهه وقامت من عالسرير حملت شنطتها وجوالها وودعت ابوها وفارس بعد ماقفلت الباب وراها بقي الصمت مخيم عالغرفه ماغير صوت جهاز نبضات القلب وتنفس ألاثنين قطع الصمت صوت فارس يلي جلس بمكان الصمود وقال:قول يبه أدري عندك كلام ودك تقوله.
تنهد ابو الوليد ومسح بأيده على وجهه وقال:لازم ننهي الموضوع يافارس اخاف اموت وما....
قطع كلامه فارس وبلهفه:بسم الله علييك يبه عسا عمرك طويل ويش هالكلام
رد ابو الوليد بجديه وصرامه:لاتضحك على نفسك الارواح بيد الله وانت تعرف أن العمليه نسبة نجاحها سبعين بالميه والباقي في علم الغيب عشان كذا لازم ابرري ذمتي يافارس لاززم اخاف ماعاد يسعفني الوقت
رد فارس:بس يبه هي مارح ترضى
ابو الوليد بحده:لازم لازم تقتنع بالآخير مردها لأهلها
تنهد فارس باستسلام وقال:آمر يبه
رد ابو الوليد وقال بحزن:ابغاك تجيب لي رقم حمد الشامخ.