*لندن*
نزلنا من الطياره وخلصنا امورنا في المطار وينج ياالدوحه من الحين اشتقت لج كلمت امي وفس نفس الوقت مريم بعد اتكلم امها وعقبها طلعنا رايحين الشقه واشوف الطريق واقول الله واخيرا بحقق حلمي وبدرس وبرع راس امي وابوي واهم شي اختي وصديقتي معاي وصلنا الشقه طبعا خيال خيال خيال ماقصرو ابوي وعمي جاسم المكان مرتب وعلى ذوقي وغرفتي بنفسجيه مع ابيض ومريوم وردي وعجبنا وايد الا ابوي يقول : ها عجبكم
قلت: اي يبه ماقصرتوا انت وعمي جاسم
مريوم: اي والله عمي مشكور
طلعنا اغراضنا ورتبنا ورحنا الجميعه خدنا اكل واغراض وكل شي واحنا راجعين ابوي واقف مع عمي ومعاهم واحد دخلت مريوم مع الاغراض وقعدت اسمع الكلام
الرجال: انشاءالله البنات في عيونا ولاتنسى ولدي محمد
ابوي: اي والله ونعم في محمد كم عمره
الرجال: ٢٤ سنه
ابوي: مشاءالله
دخلت داخل بسرعه مريوم ترا ابوي وابوج بيخلونا عند محمد يامحمد اللي خاطري اشوف.
*محمد يامحمد*
اليوم الثاني طلعنا من الشقه انا ومريوم من الصبح عشان نلحق على الجامعه مريوم سبقتني شوي وانا بقفل الشقه الا واحد مر وقف احذاي طاح المفتح ونزل وجابه
قلت : مشكور
قال: ساره
قلت بخوف : ايه
قال: محمد معاج
قلت: هلا
قال: اسمعيني عدل انا مالي خص فيج لا تقولين محمد ومحمد مابيج تقربين صوبي فاهمه واذا سمعت انج قايله شي حق ابوج ياويلج زين
قلت وانا خايفه: اللي يقول انا ابي شي منك وخر عني اقول
قال: شقه ٢٠١ مابيج تجينها فاهمه
قلت: زين فكني
طبعا انا شقتي ٢٠٢ هههه ايش هالحظ نزلت بسرعه عند مريوم وانا خايفه اقول لها مريوم ترا محمد مش اوكي كلش هددني وقال كلام وايد
قالت: ماعليج منه المهم يلا تاخرنا
طبعا محمد من العام جاي يعني درس متاخر وهو في نفس الجامعه وصلنا الجامعه وعند التسجيل زحمه وننطر الدور عند قاعه ٤ وانا بسجل قسم العلوم ومريوم اداره واقتصاد
بس اول سنه كلنا نفس الشي تاسيسي خذنا فنس الحاضرات وكل شي عشان نطلع مع بعض ونرجع مع بعض طبعا هو ٤ ايام تسجيل وجي الحمدالله خلصنا وننطر الاسبوع الجاي عشان نبتدي
رجعنا الشقه الظهر وطبخت باستا لنا وقاعدت افكر في محمد اللي خرعني عقب قلت وي مالت عليه خله يولي .. العصر رحنا نتمشى طبعا انا ومريوم كشخه كشخخه خلاص انا بنطلون عنابي مع قميص ابيض وجاكيت اسود ومريوم بنطلون ابيض مع قميص ذهبي مع جاكيت اسود وسكارف الا اقول حق مريوم : برد شسالفه
