*العرس*
ومرت الايام بسرعه وجا موعد العرس وانا اجهز اغراضي واغراض مريم وطلبت لها فستان من برع وحالتي حاله... اكلم محمد
محمد: ماخلصتي ياخي متى يجي دوري
ساره: حبيبي والله اني اسفه بش مشغوله
محمد: قومي يلا بشوفج
ساره: وين وين
محمد :في الكوفي ماغيره
طبعا من رجعت الدوحه وانا ومحمد نروح كوفي ونشوف بعض جهزت وخلصت ورحت له وصلت الكوفي الا هو قاعد على الطاوله سحبت الكرسي وقعدت ...
محمد: تو مانور المكان
ساره: منور بوجودك
محمد: وحشتيني ليه تسوين فيني جي
ساره: شسوي والله مشغوله يعني ماقدر اتاخر العرس الجمعه
محمد: اها يعني لازم قبل السفر
ساره: اي هم يبون
محمد: الله يصبرني
ساره: انشاءالله لا رجعنا لندن بتشبع مني
محمد: ماشبع منج
ساره:هههههه اوكي
محمد: يه يلا قومي البيت عن التاخير
ساره: انشاءالله
رجعت البيت وكلمت مريم تجيني البيت لان الفستان وصل وقعدت انطرها لين ماتجي مسجات مع محمد وضحك دشت مرريم..
مريم: الحمدالله والشكر شفيج تضحكين مع نفسج
ساره: جب جب مب مع نفسي
مريم: يلا وين الفستان
ساره: اكاه يلا جربي
مريم: احس اني صرت دبه
ساره: من زمان ههههه
مريم: لا عاد لا تقولين جي
ساره: لا مشاءالله عليج طالع حلو عليج
مريم: قولي الصج
ساره: والله حيبتي
مريم: وفستانج وين
ساره: مفاجاه
مريم: اوكي
خلصت مع مريم ونزلنا تحت انتعشى وخلصت وراحت البيت هي وقعدت انا وانسدح وسوالف مع محمد شوي الا مسج
حمد: وينج مالج حس
ساره: موجوده بس مشغوله مع مريم
حمد: اها اوكي يلا مابقى شي
ساره: اي الحمدلله الله يوفقهم
حمد: اي والله
سكت حمد ورجعت اتصل حق محمد واسولف مع وصار كل يوم نروح الكوفي ونشوف بعض ومر اسبوع على هالحاله وجا يوم العرس ورحت حق مريم الفندق وجحزت لي غرفه هناك وحق خواتي ورحت انا غرفه مريم وكانت تنطر مالت المكياج والشعر
