*السفره السريعه*
مرت الايام وانا على هالحاله مادري عن محمد ولكن كل يوم اروح وارجع مع حمد ومحمد يراقبني بس يسوي قدامي ان مش مهتم في الكوفي انا وحمد قاعدين
حمد: الحين عندنا اسبوع اجازه شرايج نحجز حق مريم وغانم
ساره:والله فكره ونروح احنا بعد نبي انغير جو
حمد:اي والله خلاص راح اجحز و بكره نسافر
رحنا انا وحمد وحجزنا ورجعنا الشقه وعقبها رحنا شقه مريم وغانم وقعدنا
مريم: تشربون شي
حمد: مشكوره قعدي
غانم: شفيكم اكيد فيه شي
حمد: اي هاي التذاكر خلاص انا وساره بنرجع الدوحه
غانم: قبل لا يقرا عصب والله مايصير
حمد: هاك تاكد
خذا غانم: ياكذاب ليه تسوي جي
مريم: صج بنسافر فرنسا
ساره: اي شهر عسل اقصد اسبوع عسل
مريم وغانم: مشكورين والله
حمد: شدعوه لا عادي وترا حجزنا الفندق وكل شي
ساره: هاي هديه زواجكم منا انا وحمد
مريم: خلاص بصيح عاد
وضحكنا عليها وقررنا ان نطلع نتعشى كلنا برع ورجعت انا الشقه وكشخت وخلصت مريم وغانم راحوا قبلي وطلعت انا اني بروح حصلت حمد ينطرني برع
حمد: يلا انطرج من مساع
ساره: عبالي رحت معاهم
حمد: لا وين اخليج
ركبت مع حمد انا ورحنا المطعم وحصلنا طبعا طيور الحب قاعدين *ليه هالمطعم *
وقدت انا وحمد معاهم وسوالف و ضحك على مريم انها ماتعرف تطبخ وعقبا حمد راح الحمام وغانم ومريم راحوا وانا قاعده انطره ورجع حمد ورجعنا الشقه
قمت الصبح واتصلت على مريم
مريم: هلا ساره
ساره: خلصتي الشنطه ترا اليوم العصر بنروح
مريم: اي من مساع انتي اللي يلا تحركي
ساره: اي اوكي بخلص الحين لا تخافين
وقعدت انطر حمد وجا ورحنا انا محطه القطار وركبنا كلنا وقعدنا شوي الا محمد مر سالت حمد..
ساره: هاي ايش عرفه ان احنا بنسافر
حمد: امس وانا رايح الحمام قعد يسولف معاي وقلت له ان بنروح
ساره: اها
وكالعاده انا قاعدهه اقرا ومريم وغانم يسولفون وحمد بس قاعد يطالعني ومحد مسوي ازعاج الا مريم وغانم وصلنا فرنسا وقاعدنا نتذكر السفر اللي قبل ونضحك على بعض وصلنا الفندق وهم راحوا ومع بعض وانا رحت غرفتي وحمد الغرفه اللي جنبي وقلت له يجي ياكل عندي لان مالي خلق اطلع وجاني وكلنا وخلصنا وطلع هو وصلني مسج
