* الاجازه في الدوحه*
جات الاجازه اللي نرجع فيها الدوحه وقعدنا انا مريم نجهز الاغراض والهدايا اللي حق خواتها وخواتي ونرتب سمعت صوت الجوال الا رساله من
محمد: يعني بتردين الدوحه
ساره: اي بعد شسوي
محمد: اها الساعه كم اليوم بتروحين المطار
ساره: الساعه ٥
محمد: اها توصلين بسلامه
خلصنا ترتيب الشنطه ومريم كلمت غانم وذكرته في موعد المطار لان كله ينسى الاشياء المهمه هههه وعقب طلعنا كلنا نتغدا لان بعد في وقت طويل ورحنا المطعم وقعدنا
حمد: واخيرا الدوحه
غانم: اي والله انا عندي مشروع خطير
حمد: شعندك بعد
غانم: بتعرفون في الدوحه
مريم: بيبي عاد
غانم: شفيكم بس بقول حق ساره
مريم وحمد: نعم
ساره و غانم: ههههههههههههه
خلصنا اكل رجعنا الشقه دخلت مريم وانا بعدها الا شفته طالع ..
محمد: تعالي شوي
ساره: شفيك
محمد: شدعوه اقول لج وانتي بعد كلهم يسمعون السالفه
ساره: زين قربت شفيك
محمد: بس كنت ابي اشوفج من قريب
ساره مستحيه: يلا عاد شفيك
محمد: بتوحشيني بس ماعرف ليه
ساره: اممممم قلت لك انا مهمه هههه
محمد: ماراح اوحشج
ساره: يلا باي بروح
محمد: ردي علي
ساره: اي رحت بسرعه
محمد: ههههههههه
رجعت الشقه وخذت الاغراض ورحنا المطار وكالعاده انا اسوي كل شي في المطار ومريم وغانم عايشين عالم ثاني *متى ترجعون حق عالمكم الصجي* ههههه انزين خلصت دخلنا وانا قعدت عند البوابه اقرا الروايه وحمد قاعد جنبي اما عصافير الحب من محل لمحل ثاني ...
حمد: ماتمللتي من هاي الروايه
ساره: لا احب اقرا
حمد: اها
قعدت اكمل وهو يسولف وارد عليه وشوي الا صوت مسج
محمد: شكلج وايد حلو وانتي ماسكه الكتاب
ساره لفيت يمين يسار: محمد وينك
محمد: شفيج اتخيلج بس
ساره: عن الكذب
