بنت ولا ولد؟!

الفصل الأول

المقدمه
فريد و الغضب يملؤ عينيه:يعني ايه يعني ايه اللي انت بتقوله ده  مستحيل
الوالد:اهدي يا حبيبي اهدي عشان افهمك
فريد:ازاي تخبي عليا كل السنين ديه ازاي انا ماخدتش بالي كل ده
☆☆☆☆☆☆☆☆☆☆☆☆☆☆☆☆☆☆☆☆☆☆
فريده:ايه اللي انتي بتقوليه ده انا مش مصدقاكي
الجده:والله يابنتي هي ديه الحقيقة اللي كنا مخبينها عليكي
فريده:ازاي كنتوا بتكذبوا عليا كل السنين ديه ازاي تعملوا كده
☆☆☆☆☆☆☆☆☆☆☆☆☆☆☆☆☆☆☆☆☆☆

الفصل الاول
اخترع العلماء في سنة ٢٠٢٠ اختراع غير مجري الحياه و جعلها بشكل مختلف تماما و هو اختيار جنس الطفل بعد الحمل به بطريقه طبيعيه قبل تَكون جنسه داخل رحم الام و كان سليم و ليلي متزوجين حديثا في ذلك الوقت و علموا بخبر حملها
سليم:انا مش مصدق اخيرا حبقي اب اخيرا حيكون ليا طفل و يكون عندي عيله بعد ما كنت يتيم مليش حد
ليلي:الحمدلله يا حبيبي انا كمان مش مصدقه اني حبقي ام الحمدلله
سليم كان شاب في العشرينات طويل ذو ملامح شرقيه احب ليلي الفتاة البيضاء المحجبة ذات العيون البنية في الكليه و تزوجا بعد عناء طويل في اقناع والدة ليلي فهي لم تكن مقتنعه بسليم لكن ليلي اصرت عليه مما جعلها توافق في النهايه.
سليم:انا عايز اختار جنس الطفل انا نفسي يطلع ولد يكون سندي و ضهري
ليلي:ايه الكلام ده يا سليم انا مش عايزه اتدخل في اراده ربنا اكيد هو كاتب الخير لينا
سليم:يا ليلي العلم ده ربنا هو اللي بيرزقنا بيه يبقي طلاما خلانا نخترع الفكره ديه يبقي اكيد عشان نستخدمها و نعمل بيها
ليلي:انا مش مقتنعه و مش موافقه يا سليم
☆وبعد اقناع و نقاش طويل☆
ليلي:انا موافقه بس انا نفسي في بنت
سليم:لا انا نفسي في ولد
ليلي:(بعناد و مزاح في نفس الوقت)بص يا سليم ده جسمي و ده رحمي و ده ابني اللي حيطلع مني يبقي اللي انا عايزاه يمشي سامع
سليم:ماشي يا ستي خلاص اللي انتي عايزاه انا مقدرش ازعلك
************************************************
اتجها سليم وليلي في اليوم الثاني اللي الطبيب ليحددوا ميعاد عمليه تحديد نوع الجنين
سليم:ازيك يا دكتور انا سليم و ديه مراتي ليلي
دكتور وليد:اهلا وسهلا بيكم بتشتكي من ايه يا مدام ليلي
ليلي:انا حامل في شهرين و كنا عايزين نحدد نوع الجنين
دكتور وليد:و عايزينه ولد ولا بنت
ليلي:بنت يا دكتور
دكتور:تمام ان شاء الله عايزك تعملي شوية تحاليل و ان شاء الله يوم الخميس تكون العمليه
سليم:تمام يا دكتور شكرا جدا
بعد الخروج من عند الطبيب اتجها الي المنزل لكن ليلي كانت  منزعجه قليلا بسبب شعورها ان ما تفعله خطأ
سليم:مالك يا ليلي مش فرحانه ليه
ليلي:حاسه اني بعمل حاجه غلط و حرام
سليم:يا حبيبتي انا فهمتك و بعدين تخيلي ان اصلا هي كانت حتبقي بنت بس احنا اكدنا الموضوع عشان نطمن  مش اكتر
ليلي:ايوه عندك حق
سليم:اه بالمناسبه ديه كان في حاجه عايزه اقولهالك
ليلي:ايه؟
سليم:بحبك
احمرت وجنتي ليلي فهي رغم  سماعها هذه الكلمات منه كثيرا ولكنها مازالت غير معتاده و تخجل في كل مره
ليلي:انا مش مصدقه بعد كل السنين ديه و المشاكل ديه اننا في الاخر اتجوزنا و اني حامل كمان
سليم:ربنا عوضنا يا ليلي الحمدلله
ليلي:الحمدلله،انا كمان نسيت اقولك حاجه
سليم:ايه
ليلي و هي تنظر لت في خجل:انا كمان بحبك
**********************************************
مرت عدة ايام و كانت ليلي تستعد لمجئ الطفل و كانا سعيدان باقتراب ميعاد عمليه تحديد جنس طفلهم و عندما جاء اليوم كانا مستعدين للذهاب
سليم متعجلا..يلا يا ليلي حنتأخر
ليلي..حنتأخر ايه يا سليم العمليه لسه قدامها خمس ساعات عموما انا جاهزه يا حبيبي يلا بينا
سليم..معلش يا ليلي بس انا مبسوط اوي و مستعجل عشان نحدد نوعه اخيرا
ليلي..انا كمان يا سليم فرحانه اوي كان نفسي كمان يخترعوا حاجه تخلي البيبي ينزل بسرعه عشان اشوفها بقي
سليم..خلاص كلها كام شهر الحمدلله
ركبا السيارة و اتجها الي المستشفي و بعد عدة ساعات من انتظارهم داخل المستشفي قامت بنداءهم الممرضه لتستعد ليلي للعمليه
دكتور وليد..مستعده يا مدام ليلي
ليلي بتوتر..اه مستعده ان شاء الله خير
دكتور..العمليه بتاخد بظبط ٢٠ دقيقة و حديكي بنج نصفي دلوقتي عشان نبدا
ليلي..ماشي يا دكتور
نظرت ليلي لسليم في قلق ثم ذهبت مع الممرصه و انتظر سليم خارج غرفة العمليات منتظرا انتهاء العمليه بنجاح لم يكن قلقا فكل من قام بهذه العملية منذ ظهورها كُتب لها النجاح بدون اي مخاطر...بعد قليل ظهر الدكتور و اخبر سليم بانتهاء العمليه و ان الجنين اصبح بنت
الدكتور:مبروك عليكوا
سليم(بسعاده واضحه علي كلماته)..شكرا يا دكتور الحمدلله
الدكتور:ليلي حتفضل في المستشفي انهرده و بكره تقدر تمشي بعد ما اكشف و اتاكد ان العمليه نجحت
سليم..حاضر يا دكتور ربنا يخليك
***********************
بعد مرور الليلة بسلام ذهب اليهم وليد في اليوم الثاني و بدأ الكشف عليها و لكن حدث شئ غريب
سليم:غريبه
بدا علي ليلي و سليم القلق
ليلي..في ايه يا دكتور
وليد..لا ولا حاجه للاسف العملية ديه منجحتش فحنضطر نعمل عملية تانيه
سليم..بس انا قريت ان العمليه ديه بتنجح بنسبة ٩٩%ازاي ده حصل
وليد محاولا اخفاء التوتر الذي بدا عليه: للاسف انت طلعت من الواحد في المية بس الموضوع سهل و بسيط متقلقوش خليكوا كمان انهرده و العمليه حتكون بكره
سليم..ماشي يا دكتور شكرا
********************************************************
خرج وليد مفزوعا لا بعلم ماذا فعل لقد ارتكب حماقه قد توقفه عن العمل كطبيب مره اخري اذا علم بها سليم لذلك اتصل بوالده الطبيب مالك هذه المشفي
وليد:بابا انا وقعت في مصيبه
والده بقلق:ايه اللي حصل في ايه
وليد..انا بدل ما احط هرمونات الانوثه حطيت ذكوره حعمل ايه دلوقتي
والده..انت ازاي تعمل كده ديه ممكن الحالة ترفع عليك قضيه توقفك عن العمل
وليد..عشان كده انت لازم تتصرف
والده..طب انت قولتلهم ايه
وليد..انا قلتلهم ان العمليه منجحتش و اني حعمل عمليه تانيه بكره
والده..شاطر اوي يبقي بكره تعمل العمليه و كأن شئ لم يكن كده كده الطفل في فترة تكوين لسه
وليد..يعني الطفل مش حيحصله حاجه
والده..الله اعلم يابني بس اهم حاجه متجيبش سيره لحد
خرج وليد من عند والده و لا يعلم ما سيحدث في الغد و ما الذي سيحدث الي الجنين
*********************************
في اليوم التالي قام وليد بالعمليه و اخبرهم انه سيري ان كانت العمليه قد نجحت في نهاية اليوم
ليلي..انا خايفه تكون ديه كمان فشلت او يحصل حاجه للبيبي بعد ما عملنا عمليتين
سليم..تفائلي خير و كده كده العمليه الاولانيه فشلت فملهاش تأثير و ديه حتنجح ان شاء الله
ليلي..يارب يا سليم
دخل وليد ليري نتيجة العمليه و شعر بالارتياح فقد وجد ان العمليه نجحت و اصبح الجنين فتاة و اختفي تأثير العمليه الاولي كأن شئ لم يكن كما قال اباه
وليد..تمام الحمدلله العمليه نجحت و حيبقي عندكوا بنوته زي القمر مبروك عليكوا
سليم..شكرا يا دكتور ربنا يخليك
وليد..تقدري تخرجي بكره يا مدام ليلي
ليلي..شكرا اوي يا دكتور
خرج وليد و طمأن والده ان العمليه قد نجحت بدون اي اثار جانبيه
*******************************
ظلت ليلي تتابع مع الدكتور وليد طوال فترة الحمل بدون اي مشاكل و كانا الزوجين في غاية السعاده حتي جائت لحظة الولاده
استيقظت ليلي فجرا هي تشعر بالم شديد
ليلي..سليم سليم انا بولد سليم انا بولد
فزع سليم و اتجها الي المشفي و تمت الولاده بسلام و جاءت لهم طفله جميله
سليم..حتسميها ايه يا ليلي
ليلي و هي تنظر للطفله..فريده
فقدت ليلي الوعي و حدثت لها مضاعفات و لم يعلم سليم سبب اي من ذلك اخرجوه من غرفة الولاده دون ان يفهم شيئا و خرج وليد بعده بقليل
وليد..استاذ سليم انت اكيد مؤمن بربنا و عارف ان كل شئ بايد ربنا
سليم..في ايه يا دكتور انا مش فاهم حاجه
وليد..انا اسف البقاء لله المدام حصلتلها مضاعفات و توفت
تجمدت فجأة الدنيا من حول سليم لم يشعر باي شئ سوي الذهول و الصدمه لا يفهم ما قاله الطبيب جلس في مكانه قرابه النصف ساعه دون ان يتحرك ثم جاء اليه دكتور وليد بالطفله
وليد..اتفضل بنتك
نظر اليه و هو لا يفهم و مشاعره و دموعه لم يصل اليهم كلام الطبيب بعد.كانت فريده تبكي بشده
سليم...فريده يلا نروح عشان تشوفي ماما انا عارف انك حتسكتي لما تشوفيها يلا بينا
لم يعلم ماذا يفعل الطبيب ذهب ورائه بصمت
سليم..بصي يا حبيبتي فريده جميله ازاي انتي لسه نايمه لازم تصحي عشان تهدي فريده
وليد..وحد الله يا استاذ سليم
سليم...يلا يا ليلي يلا يا حبيبتي انتي زعلانه مني عشان سيبتك في اخر العمليه انا اسف يلا اصحي يا ليلي
نادي الدكتور وليد علي الممرضين ليخرجوا سليم من الغرفه و ظل يقاوم و يبكي ولا يعرف ماذا يحدث
دكتور...استاذ سليم احنا حنخلي الطفله في الحضانة لغايه ما حضرتك تهدي و تكمل الاجراءات البقاء لله
جلس وليد في مكانه يبكي و لا يصدق ما حدث له ولا يعلم ماذا سيفعل في فريده و كيف سيعيش هو و فريده بدون ليلي و كيف سيخبر والدة ليلي بهذا الخبر وهو لا يستوعبه من الاساس
***********************************
بدأ سليم يهدأ و يستوعب ما يحدث و اخذ ابنته فريده الي المنزل بعد انهاء الاجراءات و قرر الاتصال بحماته كانت تعيش في الامارات مع ابنتها الثانية في ذلك الوقت
سليم..الو ايوه يا حماتي
حماته..يا حبيبي قولتلك اسمي صابرين قولي صابرين
سليم بصوت يملؤه الحزن..صابرين في حاجه عايزه اقولهالك
صابرين..في ايه قلقتني البيبي حصله حاجه
سليم..لا فريده الحمدلله بس
صابرين..في ايه
سليم..البقاء لله ليلي اتوفت بعد الولاده علطول
ظلت حماته صامته و بدأت في البكاء دون وعي منها و قبل ان تغلق اخبرته انها ستعود غدا الي مصر
**********************