ح تجيك
بلمدرسه وياك
صدك فرحت
جنت تشتغل بمدرسه فراشه تنضيف الصفوف
بغير مدرسه وجنت احبهم بدي اضل يمها
اجت للمدرسه مالتي وياي
صرت بلرابع ابتدائي
تخلص ابقى انتضرها
نروح سوه ماتدخل توصلني للباب وتروح لبيت ااخوها بغير منطقه
كل يوم صيف شته حر وبرد
وكنت انقهر كلش كلش عليها
اخاف عليها تتعب
اروح اكلها خل اساعدج
ماتقبل ماتخليني
احس حركه بصدري من اشوفها هيج
احس قلبي يضل يدك سريع
يضل ينغزني
ليش هيج يالله شسوي
كلت فد يوم ارجع للبيت واحجي وي ابوي اكله ليش بيبيتي ماتجي تكعد ويانه حجيته سكت
المهم دز عمي عليها
كلها تعالي كعدي ويانه
ماقبلت هي
اجت للدوام تسولف لي
تكلي انا تعودت على مكاني الوحده ماكدر افركه 😭
انا ماكدر ارد بدي ابجي بحضنها
كاعد بصف المعلم كاعد يدرس
ودخل المدير
كال من يروح دورت تدريبة ٢١يوم
يضل هناك وكل جمعه يجون اهله
ويشراح شون تصير الروحه وموقفه الاهل
فكرت كلت لازم اصير بطل
حجيت وي بيبتي كالت لاتروح يمه اخاف عليك
كلت الها فدوة
امشي وياي على مود تقبل امي
رحنا سوه.
وحجت وي امي
وفقت.فرحت
طرت من الفرح
حضرت جنطه
ملابس. وكلاص بس
والباقي عليهم
بلليل اخذونه خلونا بلمركز
والصبح خذونا
دخلونا بمعسكر جبير واجنود
ودبابات
يعني شغلات احب هيج اختصاص
وصلنا كالو هاي قاعه الكم
على الأحرف
قاعه أ
قاعه ب
وهيج يسمونهم
ارتاحينه يوم ثاني كالوا بل٥الكل تكعد
صارت بل٥ثاني يوم
احس هوسه
اكعد ماكعد
انطوينه اتركسوتاتت رياضيه
كال تبلسوهن الصبح
وبدله عسكريه ورها
طلعنا بره
اصطفاف
واحد وره الخ.....
اجه مدرب اسمه محمد اتذكره
دربنا
رياضه
ساعه كامله معدل كل يوم
ونوب نلبس عسكري
واخذونا مدخل شون شارع وداير ماداريرة غرف مو جبير كلش فتحوا اول غرفه
اريحه طكت بخشمي شون كاز مال سيارات دخلوا واحد وره الثاني ويطلع سلاح بيده
طلعن مشاجب بلهجة العسكرية هيج متكوب
سلموني سلاح اول مرة اكضه
دربونا عليه
كل يوم نفس الوقت
تعلمنا مهارات
اجت الجمعه اجو اهلي
كالو النا اذا شفنه واحد يبجي كدام اهله بس يروحون نكطعه تكطع
الحمد لله مابجيت
وراحوا اهلي ضليت تعودت
نوب كملنا
رجعونا لاهلنا
دخلت للبيت حسبالك بعدني توني مولود
الاكل بي طعم
كل شي حلو
الغربه هيج تسوي
بدت المدرسه....سنه جديده بلصف الخامس نحجت من الرابع
حسيت اكو تغير صار بحياتي
ضليت افهم صح
ضليت اضوج من بعض من الناس
بس مااحجي صامت
كل الناس تحبني
بلبيت وبشارع
لان مؤدب هادئ بكل شي
فاهم صح
تربية صحيحه
طحت اكمال من صف الخامس
ونوب نحجت الحمد لله
رحت للسادس معاناة
دراسه صعبه
اخوي الازغر مني داوم بلمدرسه وياي ولد خوالي
جانت حلوه
دوام صباحي من ال٧لحد ١١:٣٠الضهر
والدوام المسائي من ١٢لحد٤:٠٠
نوب نرجع العصر شوي ويصير مغرب يبدي افلام كرتون
كلاندايز 😂
ويجي يمي ابن خالي اقفل الباب اكله ماتباوع ويانه ولي🤨
من جنت بلرابع ابتدائي
ابوي كال اشتريت قطعه ارض وارح ابنيها
انا فكرت راح يصير بيت بحده واحلام مطشرة براسي
خذنا ابوي نشوف القطعه
مسافه عنا منطقه جنا نعبر عليها للمدرسه كلها نخل وجان بيها بوري مال مال جبير شون مال نفط يصب قوي وتشوف الارض خضره منطقه حلوه
العصر شباب اكبر منه يلعبون طوبه بيها
شفنا القطعه...مبنيه متر عن الارض وصابغينها صبغ اسود بس بتلو يسمونه
ومامدفونه داير مادايره رمل لوريات ذابين بس ياهو يدخله هذا كال على مايصير عندي اجيب عمال يفرشون بيها
رجعنا ضليت افكر شسوي
ضليت من احل من المدرسه اروح للقطعه اكعد بيها اباوع على كاعد هنا غرفه هنا مطبخ وافكر
حسبالك مهندس
نوب واحد ويكلي كوم اشتغل بس بيمن دورت الي خشبه وضليت اسرح بلرمل بيها
يوم ثاني غبت من المدرسه وخذيت (كرك)روحت أشتغل بيها ادفن بلاساس كل يوم هيج
ورجع كلي اتراب
اغسل بس هم يبين
تكلي امي شنو هل تراب اكلها العب طوبه
محد يدري اشتغل بلقطعه
ادفن بيها
بقت شوي واكملها ويجي ابوي يشوفها هيج كامله يفرح
ذاك اليوم كاعد اشتغل بيها العصر
اله احس ابوي وصل قريب عليها
باوع عليه كال عفيه
بس مدرستك شون ماتروح كتله اي
كال شون ماتروح
كتله كلشي مامستفاد من المدرسه
اريد أشتغل كال لا اسكت
حجه وي امي ضلت تحجي عليه
وبيبتي كالت لاتبطل شنو تريد اجيبلك
جنت جبير وهي تنطيني مرات مااريد هي تكلي هاك كوه تشتري شي بس ادري يمه اهتم بدراستك محد يفيدك والله شنو ابوك وعمك ماكل حلكهم التراب ليش عمن محد اخذ حجيتي شوف عمك داوم معهد وماكمل وابوك للثالث وماكمل تعبت عليهم انت صير ذكي وتحجي وتشر على راسها ولاتخلي احد يضحك عليك وصير سبع وشاطر عفيه ابني وباستني قتنعت بكلامها ضليت بلمدرسه حولت وياي نفس المدرسه سوت لي واهس
بصف الأول متوسط
اجت طيارة امريكية قصفت شركه مال نفط كبال مدرستنا
جنت عدنا معلمه مال قرآن كاعد تحجي وتشرح بلاية الفقير الله ينفق عليه ويغني
وقصفت الطيارة طكنا اعصار تفلش الجام
طاحت المدرسه بيها
