سمي حيدر
مواليد ١٩٨٩
اروي لكم قصتي واقعية حقيقية بلحياة بما رايته من الم مروره الحياة
ومعاناتها لي بل كل شخص لديها ضروف خاصه
يتمنى ان تتحقق.
تابعوا
القصه
معا.
انا من البصرة
تربيت في بيت اجدادي
اول مافتحت عيني على الحياة نظرت انسان كبير مهاب بين اولاده صاحب مضهر جميل ملتزم بأوقات الصلاه اليوميه .ونظرت امراه كبيره حنونه على الكل طيبه بمعنى الكلمة.الله يرحمهم برحمته الواسعة
البداية......؟
جدي ابو امي
وابو ابوي اخوان
ابوي عنده اخ واحد
اول مافتحت عيني شفت الجميع في البيت الي ربينه بي سفره واحده اله من عازل فوك او بلبيت الي بصفنه هو حر لان ٤بيوت سوه كل بيت ٥٠٠متر
خوال عندي ٧ و٣خلات
أصحاب حلال ومال وارضي بزمان صدام من خير ابوهم وكان بيهم الزين وكان بيهم الي يشرب والي يعارك يسوي طلايب وكان جدي هو شيخ يحل بعض المشاكل لأن ناس تقدره وتعرفه وتهابه اله مكانته بلمجتمع بلذالك صاحب حسينية بلبيت عدنا شون ديون مثل ماتكول بي منبر يقرة عليه الملأ وكان يسوي اقراية بلبيت كل يوم( الاثنين والخميس )
من كل اسبوع فايجون الجوارين الناس الاكبار يسمعون قرايه ونعي على الامام الحسين عليه السلام انا ازغير ماجنت اعرف شنو الفاده من هذا الشي وكان احد خوالي يسوي
كهوة على فحم ويقدم للناس
..................... .................... .............. .......................
كعدتني امي؟
صباح الخير صباح النور
بدلت لي كالت لي راح ياخذك عمك للمدرسه تداوم تسجل بلمدرسه فرحت
خذاني سجلني مدرسه اسمها الايثر
قريبه علينه عبر شارع هسه غيروا اسمها خلوا على اسم شهيد
دوامت بلمدرسه.
صف الأول.
دخلت للصف
ضوه الشمس بصف الرحلات الصفر
وريحه كتب .
يعني من الفرح اما عادي شي طبيعي الكل يحس بي ماكنت اعرف
المهم.
طعم الدوام
دخلت.معلمه صاحبه ابتسامه جميله.
ضلت
تعلمنه
وتسولف
وتشرح واحد واحد توكف يمه.
وكلت كلمن يجيب اله دفتر يمكن وضلت كل يوم تدرس الحروف النه.
المعلمه عجبتني ابتسامتها
حبيتها اسمها ست ساجده
.الها طول العمر واذا متوفيه الله يرحمها .
وكنت تدرس وتفهمنا...مااعتقد كانت معلمه نفسها المهم
جابت النتائج
بعد انتهاء سنه كامله
ناجح
حلو ناجح اروي لاهلي
على مود يفرحون بيه او وياي
رحت للصف للثاني
ضجت لان تعرفت على ولد وياي شون اعوفهم
كنت افكر هيج هههه
رحنا للثاني كان معلم اسمه (استاد مالك)ألله يرحمه برحمته الواسعة يعني حبيته كلش كان يدرسنه قران اسلاميه يمكن
وكانت معلمه الصف الأول تجي علينه
تدخل عليه تكله ذول طلابي دير بالك عليهم
احنا نضل نضحك تصير هوسه بلصف وهو يرد عليها يكلها هم طلابي ويضلون يسولفون شوي يروحون ويكمل درسه النا
جنت احب المدرسه هواي .
هم نجحت من الثاني
رحت للصف للثالث
استاد مالك هم يجي
علينه للصف
يكول ديروا بالكم عليهم تره طلابي
هم حبيته
زرعوا اثر في حياتنا من داخل مدرسه
تربية
خلونا من اشوفهم بشارع نشرد بغير شارع
.................. ................... ....................
وتطلعت من المدرسه
بعد أحداث سقوط النظام بلعراق
وانكطعت اخبار المدرسه من بالي كلش
نسيت بسبب اهموم الدنيا
يوم من الايام رايح اشتري من اسواق يمنا
واشوف رجال جبير بلكوه يمشي
باوعت عليه استاد مالك
بوووويه شكد احبه
شفته كتله استاد فز
باوسته
ايده على عوجيه ترجف
بسته من ايده وراسه
ودمعت عيني بوكتها
كتله استاد
شونك ... الحمد لله
كال انت منو
كتله فلان جنت تدرسنه
عرفني
كلي شونك ولك
نوب كعدنه ضل يسولف وياي
على دراسه وحياتي ....وسالت على حياته صار حادث رايحين للزيارة
وصارت ضربه برأسه
.......................... ............................. ..........................
نرجع
وصلت.
للصف للثالث ابتدائي
دخل علينا
معلم استاد جاسم
قرآن يدرس
وأحاديث حلوه
ويسالنه نقره قران
اهلنا يقرون قران
عدنا كتب بلبيت مكتبه
صارت احداث مال ١٩٩٧.
استشهد السيد الشهيد الثاني قدس سره
قتلوا البعثيين وصارت انتفاضة بلعراق ماكانه نفتهم شي مانعرف مرجعية .او تقليد
لان مادخلين بلتكليف
بيوم الأحداث
دخلوا علينه الامن بليل لابسين عسكري مراقط
وسلاح هواي يخوف ماخفت منهم
كنت عدنا بيبتي ام ابوي نايم يمها .بلغرافه انا واخواني
دخلوا كلبوا البيت فوك حدر
كلبوا الفراش الكنتور كلشي حتى احنا الجاهل عزلونه بحدنه
يفتشون وخله اسلاحه
بصفه بلكاع اباوع على السلاح
كعدت ردت اشيله والتفت عليه وصرخ
بوكتها متت نكطه دم ماضلت بيه 😂
فا بيبيتي صاحت عليه يمممممممه هي
لاتصيح عليه طلعوا اخذوا الزلم كلهم تقريبا شهر
وطلعوهم لان ماعدهم شي
فا قبل لا يدخلون علينه كان عدنا بندقية
مال خالي
وكتب اخذوهن دفنوهن ماعرف وين ودويهن
ونوب وره الأحداث صار دوام طلعنه نداوم
لكينهم يفلشون البيوت بلشفلات.
شفتهم
ولك هذا بيت السيد
خوش الناس ليش يفلشوهم
مادري
ما عرف
شفت حجي رابس جفيه على راسه وه
