عمال يفرشون بيها
رجعنا ضليت افكر
شسوي
ضليت من احل من المدرسه
اروح للقطعه اكعد بيها
اباوع على كاعد هنا غرفه هنا مطبخ وافكر
حسبالك مهندس 😂😂
نوب واحد ويكلي كوم اشتغل
بس بيمن دورت الي خشبه
وضليت اسرح بلرمل بيها
يوم ثاني غبت من المدرسه
وخذيت (كرك)روحت أشتغل بيها ادفن بلاساس
كل يوم هيج
ورجع كلي اتراب
اغسل بس هم يبين
تكلي امي شنو هل تراب اكلها العب طوبه
محد يدري اشتغل بلقطعه
ادفن بيها
بقت شوي واكملها
ويجي ابوي يشوفها هيج كامله يفرح
ذاك اليوم كاعد
اشتغل بيها العصر
اله احس ابوي وصل قريب عليها
باوع عليه كال عفيه
بس مدرستك شون ماتروح كتله اي
كال شون ماتروح
كتله كلشي
مامستفاد من المدرسه
اريد أشتغل
كال لا اسكت درستك بابا احسن
حجه وي امي ضلت تحجي عليه
وبيبتي كالت لاتبطل شنو تريد اجيبلك
جنت جبير وهي تنطيني مرات مااريد هي تكلي هاك كوه
تشتري شي بس ادري يمه اهتم بدراستك محد يفيدك
والله شوف ابوك وعمك ماكل
حلكهم التراب ليش عمن محد اخذ حجيتي
شوف عمك داوم معهد وماكمل وابوك للثالث
وماكمل تعبت عليهم انت صير ذكي
وتحجي وتشر على راسها
ولاتخلي احد يضحك عليك
وصير سبع وشاطر عفيه ابني وباستني قتنعت بكلامها ضليت بلمدرسه حولت وياي نفس المدرسه سوت لي واهس
_______________
مدرسه المستقبل
بصف الأول متوسط
اجت طيارة امريكية
قصفت شركه مال نفط كبال مدرستنا
جنت عدنا معلمه مال قرآن
كاعد تحجي وتشرح
آية
الفقير الله ينفق عليه ويغني
وقصفت الطيارة طكنا اعصار تفلش الجام
طاحت المدرسه من الصوت
شردنه
وشفتها طايحه كومتها
انا ادور على بيبتي
ولكيتها وطلعنا رحنا للبيت
___________________________________
نوب صرت
بصف الثاني
صارت احداث الأمريكان
يردون يدخلون للعراق
صار السقوط
سقط هدام وناس كتلها الجوع
ضلو يخبزون بتنور عباره عن برميل مال نفط حديد يكصونه ويحركون بي حطب ويخبزون
ماكو اكل لا سوك
لا شغل الناس صارت بلضيم
الكل حسو بهيج ايام الي عمره شوي ملحك
على الأوضاع سقوط الهدام
وكل هذا اغلب الناس مامصدكه
يدخل احتلال
لان كان رفاق وفدائيين
يعني سابع المستحيلات عدهم
________________________
نايم او دراسه
ماطلع مرات انزل شوي
واصعد
كعدتني الصبح بيبيتي
صباح الخير يمه
صباح النور بيبي
اكعد اكعد اتريك على مود نروح انا وياك للكاع نجيب جت للخرفان
لان جانت تربي بيهن تحب الحلال
لان عاشت وي اهلها كاع ارض زراعيه فلاحه وعيشة حلوه وامان واحسن من هسه تكول حسبالك اكبور مو بيوت محد يزور الخ...
كلت الها والله مابيه حيل
كلت عفيه يمه
كلت الها اهوووووو
مااروح
كالت بعدين
اروح
قبل لأ يصير الضهر كالت ماتروح وياي
كلت الها يلله
لان احبها. واطيع اومرها
بس مرات مادري شيجيني اتعاجز
رحت وياها
دخلنا للكاع
اشترينا جت وطلعنا
لكينه الناس على شارع تتراكض مانعرف شنو الصاير
هذا يسد بابه
هذا يصيح على جهال
شوي شارع فرغ
اجت سياره علينه
اشرت اله خفف
كتله شنو صاير
كال سقط صدام
وين بيوتكم قريبه لو بعيده
كتله قريب
رحنا لكينه عمي بلباب كال يمممممممه
صدك جذب الدنيا مكلوبه انتم وين
ضل يحجي
وهي تفهم بي ماصار شي
كل شوي تكول الله الساتر
الضهر صارت هوسه بلشارع شباب
يريدون يقاتلون ويصيحون على الناس قاتلو رفاق بيهم
شوي وراحو للفرقه مسافه ورمو الطيارة ماضربها
وصار رمي قوي للمغرب
وبلليل احترك الجو
تنوير ورمي للصبح
وكهرباء ماكو
وحاره الدنيا
يوم ثاني الصبح الامريكان بشوارع مدرعات
واكفين على شارع العام
ونوب صارت احداث النهب والسلب والحواسم
وكل هاي لا كهرباء
ولا ماي بارد
ولا ماي غسل
بلليل نايم على فراشي
ضليت ارش افراشي ماي على مود يبرد
وانام عليه
شون واحد ضربني سجين بضهري متتتتت
صاحت بيبتي اسم الله يمه
حسبالها نايم وفزيت
أنا كاعد مانايم
احس جسمي ابر يبززن بي
ضهري ماخلي على كاع
يضل يكزبر جسمي
تحجيهم لا دكتور
والوضع خطر
بقيت مستحمل الألم
مااحجي لاي بشر
بس بيبتي
اكلها بيبي جسمي
راح اموت
تكلي يومي قبل يومك
نوب اتعدت ايام
اتذيت بلزايد
كاعد يمها بلكوه مستحمل تحجي وياي بس بالي بالألم
عود تددغنني مدت ايدها على ضهري
كالت يايمه شنو شبيك محترك
شو خل اشوف
كلت الها بيبي
مابيه شي
كالت خل اشوف ضهرك
رفعت ابلوزتي باوعت الجسمي انا اخترعت شون المحترك الجلد وصاير احمر ومجعد صاير شون جلد دجاج مشويه 🥴
كلت يمه ليش هيج ساكت غير تكول
اخذك للمستوسف
رحنا شافوني
كال روح للدكتور
انطوني دهن برستيول
والله وياك.
ورجعنا للبيت .
ضليت اخذ علاج
شوي شوي صرت زين
تحسنت حالتي
بهاي الايام العصبية خفت
وبدت الناس تمشي
وحركه اعتيادية صارت بلشارع العام
رجعت الناس لشغلها
بس الناس تعب وضعها المادي والمعيشي
...............؟_________%///
احد العوائل
عائلتنا الي تتكون
من
٤اخوان
انا أكبرهم
وامي وابوي
وب
