يبتي الي تصير ام ابوي
الي كنت بلمدرسه تشتغل
وكان المعين علينه
ابوي مواليد ١٩٦٢
وامه هم تعينه بعض المصرف
واحنا كنا ازغار مانعرف شنو المسؤولية لحد ما كبرنا وصار وعي
بيام السقوط
ابوي ضل يبني بلبيت
صعده البناء للسقف
صار كلام بيت جدي
كاعدين وياهم ان البيت مايكفي
وخوالي
كل يوم يتعاركون على الغرفه الي احنا كاعدين بيهن كلمن يكول الي
أكثر من مره يحجون وي ابوي
جدي حجه ويا فد مره دز عليه وكله
لان جانت قرية زلم
جدي يكعد يم المنبر والزلم داير مادير الحسينيه
وكان بعدهم ماكو زلم ماجاين
دز على ابوي
وكله بووويه عين نفسك على مود تكمل بيتك
يكله ان شاء الله بوويه
عمي اخو ابوي هم كل يوم يحجي ويا
اشتغل بلبيت وصعد البناء
وكان ابوي عمله ضعيف
يشتغل عامل عماله
وقبل سقوط اشتغل يبيع مخضر فواكه على الشارع العام
وهم جان يشتغل حارس بلليل با بيوت ماكمله
بعدهن يبنون بيهن فاهو يضل بلبيت
على مود ماينباكن الاغراض والمواد
فايعني تعب كلش علينه
صعد البيت
كمل غرفتين
الي بااخر البيت
البيت يتكون من غرفتين
بلاخير
بصف الغرفه
الي على يسار مطبخ
بصف الغرفه على يمين حمام سبح
الهول بلنص
الدوانيه مرتبطه بي نص منها باب على هول
وباب الثاني بلطارمه
وباب الهول بصفه
.___________________......................______________
فا كمل غرفتين بس سقفهن جينكو
ولبخوهن وكعدن بيهن
البيت ماكامل
الحمام البره برده خلين عليه
الغرف مابيهن بييبان
بردات
كهرباء واير ممدود مشدود بسمار
على حايط
الحمد لله
كعدنا والحمد لله وكنا فرحانين ان احنا صار عدنا بيت
واحسن من كل شخص يحجي علينه
وكنت افكر
ان انا اكبرت
ويجون الي يتشمتون
وكانو يطردون بينه
استقبلهم بلبيت وابتسم كبالهم
وابين الهم احنا بخير
مانحتاج احد منكم يساعدنا
بزود ابونا بتعب بجهده بسهر الليلي
حققه النا
بدون مااحجي ويا اي بشر بداخلي
كنت افكر هيج
لان ماشفت منهم احد وكف المهم
الحمد لله على كل حال
عمال.....كعدين يشتغلون بلبيت
والجو بارد كلش
كان شته
وكان عدنا صخله
عمي اخو ابوي كانت عدنه نثية وذكر
وكل ما تفرخ يموتن
عشت بس هاي
ومتت امها
خذتها بيبتي تربيها تنطيها ممه
انا اباوع عليها
شون تغطيها وتخليها يم الصوبه
لحد ما كبرت شوي ضلت تمشي
انا العب وياها اشبكها
اخليها بحضني عيونها حلوات صفر وشعرها احمر على اشكر ناعم
تخبل 👌😻
تكلي يمه
عوفها لاتكضها كساع
ماتكبر لاتموتها عوفها
اعوفها....
اضل اباوع عليها.
تكوم تجي يمي
تكعد تباوع عليها تدخن جكاره وتبستم بيبتي
لحد ما كبرت شوي صارت حلوه
والعمال ابوي كل ماشوي يصير عنده افلوس يطلعهم
طلعوا النا فد يوم.....يشتغلون
وطلعوا ثاني يوم
فاكان ابوي ماعنده افلوس كافيات للعمال
مادري شون طلعت بره اساعدهم
وطلعت وراي وشوفوها
الخلفه كال.....الله هاي شنو
والله تصير قوزي شوي بعدها زغيرة تلكه لحمها لحم غزال ياااابه
انا بدخلتي للبيت شايل طاسه بيها اسمنت
من سمعته شاط دمي كتله لاع 😒
شمرت الطاسه على سكله مالته صعد فوكها عساه الكسر ودخلتها
صار العصر
اجه ابوي يحاسبهم
افلوسه ماعنده تكفي
كالوا له شون حجي
منين انطي العمال من جيبي
هذا الخلفه
هيج يكول لابوي
ابوي كله باجر
قفل عليه اله اريد الفلوس هسه
كله ابوي شنو عندك حلال انطيني بمكان الفلوس
وكله على الصخله
انا متت
كتله ماتاخذها
طلعت اله بيبتي
كالت اله اذا انطيك اياها بعد ماتطلبنا افلوس اي شي
كلها اي
كلت اله اخذها
صحت عليهم
كلت الها بيبي اريدها
كالت يمه نسد دين ابوك
شون يبقى بيتنا هيج
انا احس شي ونخطف من قلبي مو حيوان
اباوع عليها وتصيح علينا
ماستحملت طلعت بلشارع
ضليت ابجي وامشي مسافه عن البيت
رجعت للبيت
اباوع كل يوم يمي تفتر
اليوم ماكو تخبلت
صعدت فوك هم ضليت ابجي عليها
اكل مااكل
انا نايم اتذكرها تجيني الحسره وضل ابجي عليها
بيبتي نايم بصفي
شالت البطانيه عني
كالت يمه تبجي عليها حبيبي
شبكتني وكلت لاتبجي شنو
تريد
اجيبلك
وضلت تسوالف الي على اهلها قبل والحلال العدهم واحب سوالفها وضليت انساها
شوي شوي نسيتها
__________________________
كالت صار دوام على مود تداوم
لان انت بلثالث متوسط
على مود تشد حيل وتأخذ الشهاده مال الثالث
كالت الها بيبي
ماادوام كالت شننو ماتدوام
لا يمه حبيبي مدرستك دوام شتستفاد اذا تكعد ماتشوف ابوك وعمك تعبت عليهم وتالي ماتالي بلعماله واحدهم من التعب فاتح حلكه ونايم ليش لو مكملين دراستهم
كلت الها بيبي ماادوام
كالت ليش ما تداوم
كلت الها اريد اشتغل
كالت يمه شنو تريد مصرف انطيك
فتحت كنتورها
كلت الها مااريد
كلت تعال
خليت وطلعت
صاحت وراي جني ولا اسمعها
بطلت من المدرسه
ضليت ما اروح
والحجي كل يوم من امي وابوي
وبيبتي أكثر شي تحجي
ضليت ادور شغل بلعشار
ماكو اله كون شغل يعرفك اله يشغلك
ماكو واحد مارحت عليه
رجعت للبيت
سلام عليكم
وعليكم السلام
