اكنت عندي معلومه بلاخبار ماكان تلفزيون راديو
التلفزيون موجود بس غالي بعده
صار الليل بين الاغراض فارشين افراش واحد بصف الثاني نايمين
صار تقريبا ساعه ٣الفجر
كاعد انا على راديو ابوي يشغله ويعوفه وينام بلليل القناة تخلص مادري يسدونها تضل توشششششششششششششششششش تدوخ 😂فا كان برنامج بلليل يتصلن بنات يطلبن اغاني اصواتهن حلوات فا كنت اسمع شنو هاي الصوت ياربي نعسانات ويخابرن ويخلص البرنامج من وكت
يضل قناة اغاني اجنبية لو قران
طفيته شوي واجو دبابات بريطانيين
هاي مرات يتعدون تالي الليل بس مو كل يوم
اجو صوت المدرعات عالي مرعب يهز الكاع
صار رمي قريب علينه
ضل يجي علينه
ردت أكوم اباوع خله ايده على ضهري كلي لاتكككككوم تموت
ضلت صواريخ تجي ورمي عالي هوسه شوي ونسحبوا
كتله اجو علينه كلي لاتتحرك اكطع نفسك
انا مامهتم شسالفه
والله شعلو علينه ضوه ضل يفتر على الغراض جعب رجلينه طكه ضوه كلت هسه يشوفونه وراحوا
تبعدوا صوت ضجه الصرف مال الدبابة المزعجه وصوتهن العالي.
واسمع صريخ ولك خووووويه
كمت شفتهم ممدين بلكاع اثنين بنص التقاطع شهداء الله يرحمهم برحمته الواسعة
وضلت كل يوم تصير احداث يضربون رتل صارت خطوره
بيبتي وابوي يكلولي بطل
كتلهم ماعليه شي
لاتخافون
.................................. ......................
كان جدي بزمان صدام وسقط النظام ومابطل صلاه الجمعه يروح للجامع ومرات ياخذنا وياه
بسياره خالي كابرس حمره
تخبل عطرها وتبريد ويكون ملكيه العطر البيها مخصص بلجلد مالها بلدشبول من صناعتها مايروح
يعني فتحنا عينه على عينه شفنا اجواء عزاء مجلس حسينية وصلاه جمعه يروحون مرتب ملابسه ملابس شيخ عبايه وغتره وعكال وحزام
وضل حتى لو ماياخذنا اروح بحدي
وارجع ولد خوالي فد مره كال ياهو يروح خذانا ومن رجعنا كالو مو حلوه هوسه انا حبيت الاجواء بدي كل يوم
هم ضلوا مايرروحون
من كبروا ضل واحد بيهم يروح
والباقي يطرب على غريب
فد يوم رحت للعشار صارلي شكد مارايح
وكان يوم جمعه مكطوع الشارع وناس ازحادم سرب
رايحين لصلاه الجمعه
وكاطعين الشارع مسلحين
حمايه مصلى الجمعه
فسألت هاي شنو كالو صلاه الجمعه هنا بلشارع ساحه جبيرة بس تشوف الناس ملايين ماشاء الله
صار عندي فضول انزل
لان سيارات صارن ازحادم يدخلن بشوارع ساعه كامله مايوصلون للعشار بعد
كلت خل انزل للصلاه راح يصير اذان
نزلت ماعرف احد دخلت للوضوء ازدحام موت ناس تترس ببطاله ويتوضون على صفحه بطل الماي عليه ٢٠واحد كدامك المغاسل ماتشوفهن
كاعد اتوضه اجه ولد سلم عليه
كان وياي بلمدرسه
اسمه علاوي هلا بيك شونك شخبارك
واحد سلم على ثاني وراحنا كعدنا
صارت خطبه الجمعه
وصلوات تعجيلية
احس دوي كن بحظرة الامام الحسين عليه السلام
حظرة الإمام علي عليه السلام
بده الخطيب دعاء وناس تكول يالله
يتكلم بلفصحه
على الأوضاع وكلام ديني واحاديث واقول وكل فترة الخطيب يذكر بيها محمد وآل محمد الناس
تصلي على محمد وآل محمد وعجل فرجهم والعن عدوهم .
من يذكر امريكا
واحد يكول انعلوها بلصلاه على محمد وآل محمد
حسيت فخر ماله فخر
من خلصت صلاه الجمعه
كمنا انا وعلاوي طلعنا
البيبان كلهن ازدحام
والناس تصلي على محمد وآل محمد وعجل فرجهم والعن عدوهم
هذا باب ذاك الباب كلهم شي حلو
كان جدي يروح لجامع قبل الصلاه حديث والناس كاعده وياذن يصلون جماعه تخلص الصلاه ناس تطلع وناس تضل نوب يقره ملا على الإمام الحسين عليه السلام
يعني ماكو خطبه
طلعنا انا وعلاوي
شاف شباب سلم عليهم
عرفني عليهم
طلعوا قريب علينه
نوب تعرفت عليهم صرنا شون الخوان كل جمعه نتشاوف
نوب كل يوم واحد مسير على ثاني فد شي حلو
احس جنت بحدي تغيرت حياتي كثرت اصدقائي
وضلينه نستمر على صلاه الجمعه
صحبتنه صارت اكثر من معنى اخوان
واستمرينا بطريق الصحيح
واحد ينصح الثاني
ماكو واحد.بينا يسولف سوالف مو زين
مرات يصير بينا زعل
نوب نرجع نتصالح
وكل هاي ماكنت نقالات تكنك
مجرد
الصرصور نسمي بلعراق 😂هو ١١٠
ونوب شسوي شوي نزلت نقالات صيني العنكبوت وغيرة
صار تحدث بلعراق من النقالات
والملابس
كل هاي الضروف كلمن بعامله
ونلتقي بلليل
وكان عبدلله وسيد حسن
كانوا اكثر اصدقائي التقي بيهم
الحد ما يوم من الأيام
اجاني عبدلله
دك الباب .طلعت اله بيبتي هلا بيك يمه
تفضل....كلها تسلمين حجيه
كلت اله يمه عيب اتفضل
دخلته لدوانيه
كانت بيبتي بالف زلمه متكلمه تحجي حجي شيوخ واصل وكرم معزبه تربات شيوخ دله وفنجان
اجت الي كالت يمه حيدر....
صديقك بلدوانيه
عبدلله
طلعت اله هلا والله بيك حبيبي
السلام عليكم
وعليكم السلام
تحببانا.
كام كلته استريح
الله بلخير
الله بلخير
واحد سأل على احوال الثاني كمن احنا كل يوم نتشاوف
كعدنا كال
كوم خل نروح لسيد حسن
كالته ماصير خل نتعشه ونروح اله
كال نتعشه بره
كتله شسالفه ماصير اكعد
كعدنا اتعشينه سوا النه المقسوم بلبيت شربنا جاي
قبل لانتعشه
اتصل ع
