ဆွတ်ဆွတ်ဖြူသောပဝါ
သန့်စင်သော ကိုယ်ကျင့်တရား
ကာယကံရှင်က တည်ငြိမ်နေသလောက် နန်းဆောင်တွင်းမှ လူနည်းစုအပျိုတော်လေးများကမူ မိဖုရားအားကြည့်ကာ အတင်းအဖျင်းတို့အား တိုးတလှည့်ကျယ်တလှည့်နှင့်…။
ဧကရာဇ်ဟန်ကျင်းရှန်း၏ မျက်နှာသည်ကား နှစ်ဆကဲသော အေးစက်ခြင်းတို့ပြည့်လျက်…။ လင်းယွီကမူ အထင်ကရမှတ်ကျောက်တိုင်နှယ် မားမတ်မတ်ရပ်လျက် စိတ်လှုပ်ရှားဟန်အနည်းငယ်ပင် မရှိ ။ ထိုစဉ် စေလွှတ်ခြင်းခံရသည့် အမျိုးသမီးငယ်က ပြန်ရောက်လာပြီး မယ်တော်ကြီးထံ ဆွတ်ဆွတ်ဖြူသည့်ပဝါတစ်ထည် ရိုသေစွာကမ်းလင့်လာ၏။
"ဒါက… "
ဆွတ်ဆွတ်ဖြူသည့် ပဝါဖွေးလွှလွှအားအမြင်
အကုန်လုံး၏မျက်နှာ၌ အံ့သြခြင်းတစ်စုံတစ်ရာမရှိချေ။ သို့သော် လှောင်ရိပ်သန်းသည့် မျက်ဝန်းတို့က အပြည့်အနှက်…။ နန်းတော်သို့ခြေချတည်းက သိက္ခာကျရသည့် ဧကရီအား သနားဂရုဏာသက်ဟန်မရှိ။ လှောင်ပြောင်ချင်စိတ်တို့ ကြီးစိုးလျက်သာ…။ လင်းယွီကမူ အိပ်ရာပေါ်၌ရှိနှင့်သော ထိုပဝါအား မြင်ဖူးနှင့်ပြီဖြစ်၍ စိတ်လှုပ်ရှားမှုမရှိ။ မသိဘာသာ အေးစက်စက်မူဟန်နှင့်သာ ငေးကြည့်နေ၏။
"မိဖုရား ဒါက… "
"ပဝါဖြူပါ မယ်တော်။"
"အဲ့လိုမဟုတ်ဘူးလေ။ မင်းတို့တစ်ညတာ ဖြတ်ကျော်ခဲ့တယ်ဆိုရင် ဒီမှာ သွေးစွန်းနေရမှာပေါ့ မင်းတို့ ဘယ်လိုဖြစ်ရတာလဲ။ သားတော်မင်းကြီး လိမ်တာလား ဒါမှမဟုတ်… မိဖုရားက… "
"သမီးတော်ရဲ့ ကိုယ်က သန့်စင်ဆဲပါ မယ်တော်… "
"ဘာ!"
"ညက အရှင်မင်းကြီး နန်းဆောင်ကို ရောက်လာခဲ့ပေမယ့် သမီးတော်ရဲ့ ကိုယ်က အားနည်းနေလို့ မပြုစုပေးနိုင်ခဲ့ပါဘူး။ အဲ့ဒါကြောင့်ပဲ အရှင်မင်းကြီးကို ရှန်းဖေးအဆောင်ကြွမြန်းဖို့ တိုက်တွန်းခဲ့ပါတယ်။ "
ဧကရီ၏အေးစက်စက်စကားသံကြောင့်
အောင်ပွဲဆင်ဟန်ပြုနေသည့် မယ်တော်ကြီး၏အမူအရာက ရုတ်ချည်းအမှောင်အတိကျသွားရကာ မျက်နှာထားမကောင်းလှသည့် သားတော်ထံသို့ လှမ်း၍အမေးကူမိ၏။
YOU ARE READING
Phoenix in the Flame(မီးလွ်ံႀကားက ဇာမဏီ)
Historical Fiction#Zawgyi #Unicode [Own Creation ]ရွင္းခ်န္း ဧကရီရဲ႕ လူသိမခံဝံ႕တဲ႕ အႀကီးမားဆုံးလ်ွိဳ႕ဝွက္ခ်က္~ မဂၤလာဦးညမွာတင္ ေအးစက္စက္ဧကရီဆီက အျငင္းခံခဲ႕ရတဲ႕ ဧကရာဇ္~ သုံးေထာင္ေသာ မိန္းမလွေတြကုိ ဧကရာဇ္နဲ႕ ေပါင္းဖက္ေရးကုိ အလွည္႕က် ဘယ္လုိစီစဥ္ရမလဲ ေတြးေနတတ္တဲ႕ ဧကရီ~~
