صراع الشيوخ

البارت الثالث عشر

قبل كولشي صوتولي
⭐⭐⭐⭐⭐⭐⭐⭐⭐⭐

في داخل غرفة كرم

كرم بحنية  : شبيچ  من شنهو تعبانة

ارجوان بعبرة : انتو كذبتوا علينه واتهمتوا ابن عمي بالباطل واني رحت ضحية شوفوا شگد هدمتوا عوائل بفصولكم

كرم بخزي : والله انه ما الي ذنب ابوي هو الي اتهمكم جان گلبه محروگ علة اخوي بالرغم هو چان باخر ايامه بس چان مسافر بوقتهة ومن رجع ما لحگ يشوفه ويشبع منه

ارجوان ودموعهة تجري : وعائلتي واني شنو ذنبنه يعني هو مريض والخطأ منه لان ركب السيارة وهو بحالة حرجة

كرم نزل راسة بخجل : ما اعرف شلون اخذ السيارة وطلع وصار الي صار وابوي راد يطلع حجه علمود يفرغ غضبه وطلعتيلة انتي

ارجوان وهي تشهگ وتبجي  : بس اني ما دخلني بشي احلامي تحطمت ومنعتوني من ابسط الاشياء الي كنت امتلكهة وزوجتوني بالغصب وتردون تنطوني فصل مرة ثانية لان خاف تنكشفون عند اهلي

كرم وهو يحظنهة  وانعصر قلبه علة حالتهة : انه اسف

ويباوع بعيونهة الي مليانات بالالم والقهر والعتاب والانكسار والخذلان

كرم بقهر : لازم تحملين باسرع وكت حته ماترحين مني وتصيرين لغيري

وسمع صوت احد يناديلة والي هي "رشا"  ابتعد من حظن ارجوان وكعد عدل لان جان نايم صفح وحاظنهة  . وباسهة من خدهة وفتحت رشا الباب بهذة الوقت وسدته بسرعه  زفر كرم بغيض منهة لان يعرف تفكيرهة  

كرم بحنان وصوت هادئ  :  ارجوان

فتحت عيونهة وباوعتلة بتعب : yes

بصوت حاني وهادئ اكثر : مراح اگربلچ لحد ما تستعدين زين

اومئت ارجوان براسهة بتعب وغمضت عيونهة ورجعت نامت

ابتسم وغطاهة وباس راسهة ويتأمل بملامح وجهة الي حبهن  ويتنهد بحسرة گام وطلع من غرفته وسد الباب ودخل للمجلس

كرم : هاي شنهو بنات عمامي هنا شوكت اجيتن

رشا باوعتلة ودنگت راسهة بحرج منه

حنان : هلة بابن عمي شلونك قبل شوية اجينه

كرم وهو يهز براسه وينظر لرشا الي مدنگة راسهة : صدگ اكو احد طلبني منوة

كلهم باوعوا عله رشا وهي تتمنه الگاع تنشگ وتبلعهة من الفشلة

رقية بمكر : اي هاي رشا چانت تريدك بشغلة مو رشا(وهي تنغز بكتفهة)

رشا بتوتر وتلعثم : هااا ..اي....مو....نريد..نروح للسوگ ...و...وي...وية ...س..سر..سرى

ابتسم كرم بخبث ومستمتع : وليش دخلتي لغرفتي غير تدگين الباب

رشا بفشلة : والله دگيتهة بس اظاهر انت ومرتك ما سمعتوا الدگة

كرم وهو يفكر شوكت دگت الباب وميتذكر : يمته

رشا گامت تبچي من الفشلة : والله دگيتهة بس غير انته چنت بغير عالم

كرم گام يضحك عليهة باستمتاع : ههههه يلة خير انشالله چا ما تروحن للسوگ منهو لازمچن

سرى وهي تباوع على عمتهة : چا غير عمتي ما رضت الا زلمة ويانة

كرم : يلة تجهزن حته اوديچن

كلهن گامن يتجهزن ويتطافرن يخافن يبدل رأيه

وكرم  گام يضحك عليهن ويهز براسة بقلة حيلة وخلة ادية بجيوب بنطرونة

ام كرم بحماس  : ها يمة صدگ وين النيشان

كرم بهت لونة واستعدل وضعه : اي انشالله اجيبة

ام كرم : هاااااو ليش ما اخذتهة لسة

كرم : لا يمة بس يعني هي تستحي وضامته متقبل انطيه الاحد

ام كرم بشك : چا ابوك يگول انو هي حبلة صدگ

كرم لعن اليوم الي شاف امير وعشيرته بي : اي يوم حامل وتعبانه شوية

ام كرم : اهااا الله يسعدك يمه انشالله اشوف فروخك حوالي گبل لا الموت ياخذني

كرم بانفعال  : لا يمة الله يطول بعمرچ انشالله تشوفيهم

ام كرم : اي يمة شو خليني اروحن اكشف عليهة

كرم بصدمة : لا ما يحتاج انه وديتهة للدكتورة  وتطمنة علة الجنين

ام كرم : چا اذا هيچ زين

كرم توتر وهو ميكذب عله امه ابد بس اضطر يكذب فراح للغرفة ودخل وطبگ الباب وسمع دگات تلفونة فتحة وانصدم من الاسم الظاهر عله شاشته

كرم بصدمة : مستحيل ..

و للحكاية بقية....