صراع الشيوخ

البارت التاسع عشر

زيد بصدمة:  هلة بالضلع شلونك

وتصافح هو وحسن وبعدين صافح امير

زيد بمرح :  هاي شني حسوني هنا فديتك لا والشيخ امير وحجية ما اعرفهة

ام امير 😕😕:  ياااا ما تعرفني

زيد بحرج:  هههه لا والله عرفينه

حسن وهو يضرب زيد  بعكسة ويهمس له:  ولك اثول هاي مرت الشيخ شهاب

زيد باحراج 😅😅:  شنييييي احم هلة شيخة شلونج اصلا شلون مانعرفچ كلهة تعرفچ هههه

حسن بهمس:  انت دتكحلهة هنوب عميتهة دسكت ولتطفر بالحجي

امير ببرود:  سويلنه طريق

زيد باحراج:  انشالله بس لحظه
راح زيد لمكان البنات وبصوت عالي: گووووووووووومن كلچن اجة الشيخ والضلع مالي وما وصيچن مرت الشيخ جاية فتحوا الديوان وخل النسوان تستقبل الشيخة

الاء: عله كيفك عيني شجاك اي يالله بنات گومن خل يتعدون الزلمة

كلهن گامن ودخلن جوة

زيد: تفضلوا

دخلوا زيد وحسن وامير بالديوان والشيخة راحت للنسوان

♕♕♕♕♕♕

الشيخة: هلة بيچن خيات 

هيفاء مرت العم صگر:  هلة بالشيخة نورتينه كل الهلة بيچ بعد گلبي

الشيخة:  الله يسلمچ يا بعد چبيدي

ايمان مرت العم  عالي وهي تبوسهة :  زارتنه البركة

النسوان كلهن گامن يبوسنهة بحرارة كأنما عارفيهة من زمان مو هستوهن شايفيهة

ام احمد باحراج :  شلون الاهل انشالله بخير والله ما اعرف شلون اشكركم علة وگفتكم ويانه من رجعنه حقوقنه وبنتي 

الشيخة عجبهة استقبالهن وحبتهن بسرعه :  لا يمه شمالچ كلنه اهل ما بينه هالسوالف

  الشيخة انطلقت بالسوالف هي والنسوان واندمجن وياهة لان حبنهة بسرعه

الشيخة وهي تباوع علة البنات وحدة وحدة: هاي البنيات الحلوات الكم

الاء بهمس: لا للجيران

سحر مرت العم ابراهيم 😊😊: اي شيخة هذن بناتنه

الشيخة: الله يحفظهن

وبعدهة تباوع عله البنات باعجاب وصلت لارجوان وصفنت عليهة وكملت السرة وتباوع عليهن

***************

امير: شلون الاهل

زيد: الحمدلله بخير

حسن بحماس: تعال خلي نطلع 

زيد بملل: لا والله ما اريد انه متونس اهنا واستمع للمغنية مالي

حسن بحماس: يا مغنية

زيد: انچب وانت شكو حاط روحك بكل شي

حسن 😩: لعد مو انه رفيجك دگلي عليهة حته اسمعهة

زيد بهمس: ارجوان بنت عمي

حسن گام يصوفر: هلاوووو زيودي واگع امير

امير باستهزاء: هه هو يومية واگع بقت عله اليوم

حسن: ولك لا بنت عمه

امير بصدمة ودهشة: شنييييي شبسرعه حبهة اليوم شافهة

زيد 😠: حسن كافي تحچي عله عرضي وثانيا منو كال انه احبهة عادي حالهة حال الباقين

امير تنهد براحة ويحس بضيق بصدرة

♕♕♕♕♕♕♕

الشيخة: اي شسمچ يمه

انسام: انسام خالة

الشيخة: انتي مزوجة يمه

انسام حابسة ضحكتهة: اي خالة مو بس انه  كل البنات متزوجات بس ارجوان عدنه بعدهة

الشيخة باوعت لارجوان: انتي لتزوجج كدم ابو صماخ

ارجوان بضيق:  لا ما تزوجتة بس بقيت عدهم

الشيخة باعجاب:  صدگ مثل مايگولون جمالچ يسطر الاوادم ماشالله عين الباردة عليچ يمه

ارجوان ابتسمت مجاملة

الاء بهمس لارجوان:  اگلج  شو هاي عبالك جاية تتخطب شوفيهة شلون تدحگ عله البنات وعليچ  تگول رايحة لمحل مال ملابس وتشوف يا احلة قطعه

ارجوان بهمس: عمة سكتي مالنه خلگ خاف تسمع

انسام بهمس: ولچ خاله شفتي  شلون جانت تدحگ لارجوان حسبالك شايفة حاجة بنفسهة

هاي كلة وام امير گاعده تحچي وية النسوان وما منتبهة عليهن

بعدين اندارت عليهن مره ثانية : صدگ شگد عمرج

ارجوان: ١٨ سنه

ام امير: جااا لويش تتنعوصين يا يمه انتي ماهي صغيرة

الاء بضحكة حرجة: احم هههه لا شيخة هي ارجوان هيچ طبيعتهة دلولة كلش

الشيخة بحسرة: حريمات جان خذيتهة لولدي امير

الاء وگفت بصدمة: شنيييييييييييييييييي

الكل باوع للشيخة بصدمة وام احمد انخطف لونهة عله بنتهة  وارجوان تباوع ببرود ومو هامهة شي

**********

زيد بحماس:  تعالوا خل نلعب كارتات

امير وهو يشرب الگهوة وانصدم :  انت صدگ تحچي

حسن بحماس:  اي يلة امير العب ويانه

امير باوعلهم صفح:  انتوا العبوا صدگ زيد وين المغاسل وگعت الكهوة علة ايدي من الصدمة 

زيد: تطلع من الديوان وعلة ايدك اليمين وگبل

اومئ امير براسة وراح للحمام وهناك شاف الصدمة

امير بصدمة:........

وللحكاية بقية

فوووووت وكومنت رجاءً  وتفاعلوا بالكومنت

🔥🔥  توقعاتكم  🔥🔥