صراع الشيوخ

البارت الواحد والعشرون

ام امير وهي گاعده بالصدر:  يمة شفت نسوانهم ماشالله اعليهم جمال واخلاق وادب

امير يومئ براسه ويجاري امه:  اي باله لگيتي وحدة تخطبيهة مو

حسن 😍😍😍😍:  شيخة صدگ بناتهم حلوات

ام امير دارت وجهة علة حسن:  انچب ابن مديحة لا تحچي باعراض الناس

امير وهو يسوق السيارة:  عوفيچ منه يمه اي كملي

ام امير تحمست:  شفت الاخوك مهند ذيچ البنية التخبل جمال وتربية بس حته اسمهة نسيته

حسن:  ههههههههه شيخة هو انتي شوكت تتذكرين اسمچ بالاول

ام امير:  حسن تنچب لا وروح ابوية اليوم ادگگ بعوچيتي

حسن گام يبلعم:  لا شيخة كلشي ولا العوچية

ام امير دارت وجهة عله امير وتكمل بحماس:  يمه جيبني هني باچر حته اخطبهة لاخوك مهند

امير هنا داس بريك وسيارته شحطت ودار راسه عله امه بصدمة:  قصدچ ارجوان

ام امير:  اي يمه هذة اسمهة بس والله صعب

امير يعصر الاستيرن بايدة واوردته برزن:  يمه لا تخطبيهة ولا شي ولا تحاچينهم اصلا

حسن يباوع لامير بترقب ويشوف شلون حالة يتبدل من يجيبون سيرتهة

ام امير:  يمه لويش خليني افرح بفروخ مهند

امير وهو يضرب عله الستيرن بعصبية:  يمه كلت لا تخطبينهة

حسن وهو يربت علة كتف امير ويهدأة:  اهدة يمعود شبيك ياخوي

امير گام يتنفس بضيق وهو يفتح اول ازرار من دشداشته

ام امير باوعت لابنهة وظلت تباوع لابنهة وابتسمت بمكر وخلت بالهة فكرة: بس والله اذا يشوفهة مهند تعجبة ويتزوجهة الله واشوفن فروخهم

امير گوة لازم نفسة ويتنفس بقوة، وحسن يباوعلة بخوف وترقب، وام امير فرحت لان عرفت بأن امير يريد ارجوان

✓✓✓✓✓✓✓✓✓✓

ارجوان دخلت للغرفة الگلولهة عليهة وتفحصتهة بدقة

ارجوان بغرور: محلوة لازم اصبغهة وأثثهة من جديد ويحتاج الهة كووومة تعديل

ام احمد 😛😛😛: اي ونشتريلچ التريدية بس المهم تعجبچ

ارجوان بضحكة نازكة: اي انشالله تعجبني