صراع الشيوخ

البارت السادس عشر

كرم بعصبية : تتهجمون اعلينه انه الكم

وطلعوا اخوة كرم كلهم ويا !!وكاموا  يرمون  بعشوائية وارجوان حضنت اخوهة "قاسم" اكثر ومغمضة عيونهة بقوة وترجف من الخوف الدنيا اشتعلت وكاموا عشيرة ارجوان وعشيرة امير يرمون عله بيت امير وصارت الحلبة عبارة عن  اطلاق نار  كلهم يرمون بالجو

وعلة ساعه لاحظوا بال١٥ سيارة سود كبار ونزلوا من عدهة كله زلم وبيدهة اسلحة ويرمون  بالجو حته يسكتونهم 

كرم بصوت عالي : هلة بهلي الحمدلله من لحكتوا اعلينة جان تهجموا علة البيت وحريمنه جوا

عم "سعد " : آنه وياك يا بن اخوي لا تشيل هم

ابتسم كرم بخفة وتوجه لارجوان وهي بس شافته جاي باتجاهة انرعبت من الخوف وتزيد من تشبثهة باخوهة

قاسم بعصبية : شعندك جاي يمنه يا حرامي اخذت منه دم ومرة وفلوس  شتريد بعد اكثر من هذا

كرم وهو يباوع لارجوان بجمود : اريد مرتي تريد شي انت

قاسم بانفعال : ما الك مرة بعد انتوا ناس ظالمين وظلمتوا اختي سويتو اختي بنت العز و الدلال  خدامة لا وهمات فوك هذة تريدني ابقيهة عندك لو تموت ما انطيك مرة

ابو احمد : اي نعم ما الك مرة وانه اريد بنتي

كرم كلش عصب وكام يرمي بالهوة مرة ثانية حته يسكتهم لان كلهة اعترضت ياخذهة وحجة كرم بانفعال : آنة اريد مرتي منهو انتو حته تمنعوني

امير يباوعله بهدوء  وكف بينه وبين ارجوان وباوعله بجمود وحجة بصوته البارد : ومنو انت حته تاخذهة باي صلة ( امك ، اختك   ، خالتك ، عمتك  ، زوجتك  ، بنت عمك ، بنت عمتك ، بت خالك ، بت خالتك ) هاا منو شو زواجكم وباطل لان الزواج اجباري لو متعرف انته بالدين ؟

كرم وراح ينفجر من الغيض : غصبا ما عليهة تجي والفصلية زواجهة دايما يكون بالغصب قابل جديدة علينه

امير ضحك ورفع حاجبه : انت والله مصدك روحك  كرم الورقة الي يمك نكعهة واشربهة لان العقد اجباري

كرم وهو ينظر بحدة : وانت شكو حته تتدخل هاا انه واهل مرتي اتفاهم انتة شكووووووو

امير باستهزاء : هه ليش مو احنه هم اهل مرتك المرحومة

كرم بجمود : جنتوا اهل مرتي او  اذا اكول ف ص ل ي تي

امير هجم عله كرم دك بوكسيات والعكس  الصحيح ورجعت الهوسة من جديد والكل كام يتبارز بقوته البدنية والصياح والسب والغلط اشكال وارجوان نرعبت من المنظر لان بس امير كام يتجادل وية كرم الكل هدأ وبس تعاركوا كلهة ثارت