كرونيك. رووعة اسمها صفقة_حب 💜💛💓💔💔

02

#الحلقة2:
بدينا نمشيو و كانت الخدمة تاعي شوي بعيدة راكبة بحذاه و نشوف فيه كيفاه يتمهبل و هو يسوق و يهدر في كل شيء و يضحك😀 و يهدر في البورطابل📱 والله كل ما نقول يزيني نبعد عليه نلقى روحي زدت عشقت فيه😍 ... هو يهدر و أنا نشوف مع شواربو💋 واللحية المرسومة من عند ربي و البشرة الصافية و هذاك لوشارم الي موحال طفلة ماتضعفش قدامو مابالكم أنا من الي حليت عينيا و أنا نشوف فيه بصح هو والو....... كنت تقدرو تقولو أختو صاحبو أي حاجة غير الي في بالي مازال يشوفني الصغيرونة تاع الحومة 👧الي كانت تتعارك مع الأولاد و هو يجي يفك عليها و يضربها يقلها أنتي راح تولي راجل و يحصلني عند بابا يقلو أحكمها علينا يا عمي راهي راح طير ..
بالمناسبة أنا لميس 22سنة نخدم في point de vente تابعة لشركة مارسيدس🚗🚗 هذا عامي الأول في الخدمة عندي خويا واحد كريم 30سنة 👨و بابا دكتور في الجامعة يدرس تسويق👴 و ماما 👩طبيبة نساء و توليد 😷نسكنو في حي مخصص لأساتذة الجامعة فيلات صغار .
أيمن جاري الحيط في الحيط هو و كريم برومو واحد 30سنة و عندو زوج خواتات سارة 19سنة و مريم 26 مزوجة في فرانسا .
أيمن نسونجي يهدر مع ياااااسر بنات و مخلطها ع اللخر نعرفهم وحدة وحدة خاتر كانو يحسابوني أختو و يجو يسقسوني عليه و أنا كان قلبي كل مرة يتحرق💔 و أنا نقلهم ناس ملاح و خاطيه كاش نهار ننفاجر و نفضحو قدامهم كل😡 .
كي كنت صغيرة حتى عاد عمري 14سنة كنت نكرهو حتى صرات حاجة خروضتلي عقلي😘 كنا نروحو كل عام لتونس في الصيف نقعدو سمانة و لا 10أيام كنت نهبط للبحر مع مريم و سارة و كريم و أيمن حتى واحد النهار غرقت حكمني تشنج عضلي في رجليا في زوج و غرقت وواحد ماشافني غير أيمن ثم دخل خرجني و عملي التنفس الصناعي الي هو يحط فمو في فمي💏 أنا ماشربتش بزاف ماء في ساع فقت بصح هو من الخلعة قعد يحط في فمو في فمي 💏و يحاول ينقذني .....أنا متت بالحشمة بعدتو عليا ووقفت و رحت و خليتو😚😚 بصح هو جاء زاد هزني 😏و قالي نوصلك للشالي لاتزيدي دوخي .دخلني و جابلي جي🍹 شربتو و قعد يسقسي فيا على حالتي ثم حسيتو يحبني ولا بمعنى آخر أحلام المراهقة خلتني نصدق أنو يحبني و طحت فيه مابقيتش من يومها نشوف الرجال كنت نحلم بيه و نتخيلو راجلي ديما نقول النهار الي يحب يزوج درك يجي يخطبني👫👰 . بصح كل ما نزيد نكبار كل ما نزيد نتأكد أني مجرد جارة و أخت لا أكثر💔 حتى زيني الي ك