كرونيك. رووعة اسمها صفقة_حب 💜💛💓💔💔

13

#الحلقة13:
طلعت لبيتي و طعمة الشراب في فمي من فم أيمن واش درت أنا وعلاه فشلت وعلاه عملتها معاه و هو سكران ليلة كاملة لا رقدت و لا شفت النوم و أنا نتقلب نستنى يطلع النهار و يصحى أيمن نهدر معاه .
طلع النها رحت نخدم حتى لل12 عيطت لأيمن .
ألو صباح الخير أيمن ..
صباح الخير يا الغولة ...
لميس : تنحى عليك شوي ؟
أيمن : راسي راح يتفلق شفتيني البارح ؟؟
لمزية لسارة تالي راني مسحت في الطريق ههههههه .
لميس : ماشفيتي على والو ؟؟
ماشفيتيش أني دخلتك أنا ؟؟
ماشفيتيش واش هدرنا ؟؟
أيمن : أنتي جيتي دخلتيني ؟؟؟ لا ظخلتني سارة و جابتلي القهوة ..
لميس: ماشفيتي على والو والو خلاااه واش قلتيلي واش درتي ؟؟؟
أيمن : راسي يوجع فيا و زدتيلي انتي على الصباح واش قتلك واش عملتلك ؟؟
لميس : خلاص هيا صح مالا ..
أيمن : نسيت ما باركتلكش مبروك عليك لعقوبة للعرس .
لميس : يبارك فيك صحة .
كوبيت على أيمن و تفلقت بالبكاء معقول ماشفى على والو ماشفاش كي باسني ماشفاش كي قالي نحبك والوووووو الرخيس الكلب طول عمرو هك طول عمرو خدمتو يحرقلي قلبي ....
البرطابل يصوني : واش باغي هاذا ثاني ألو واش باغي عندي أنت راح تبقى تعيطلي في كل وقت هيا أخطينيي
جاد : واش بيك لميس عيطت نسقسي عليك واش كاين كاش جديد ...؟
لميس : قاعدة نبكي خلبني جاد يرحم والديك.
جاد : راني جاي عندك كي نوصل أخرجي ....
وصل جاد خرجت عندو ركبت معاه و بديت نحكيلو على ليلة البارح بصح ماقتلوش أنو باسني ..
نهدر و نبكي و هو بصح رجعلي الأمل قالي السكران مستحيل يكذب السكران ديما يقول الحقيقة و يقول الي في قلبو ...
جاد : أنتي لازمك تحويسة تنحي شوي على بالك و تنسي شوي أيمن واش رايك ؟
لميس : أنا في واش و أنت في واش ...
جاد أووو راح تقتلي روحك الي كاتبة تلحق سمعت أنهن قدمو في موعد العرض رجعوه السمانة هذي درك نخدم كل شيء و نقلك .
لميس منك بصح انت ؟؟؟