كرونيك. رووعة اسمها صفقة_حب 💜💛💓💔💔

08

#الحلقة8:
كنت منهارة حسيت روحي فقدت حب حياتي شفت نظرة الألم في عينين أيمن حسيتو يحبني بلاك إستعجلت في الحكاية هذي واش عملت في روحي مانقدرش نتخيل حياتي من غير أيمن ...
جاد : شفتي بعينيك واش كنت نقصد الراجل مايحسش بقيمة المرأة الي تحبو حتى تروح عليه و المرأة كيف كيف ...
لميس : وين تفهم أنت وين تحس بالي راني حاسة بيه ؟؟؟
جاد : ههه أنا موش حاس!!! و أنا الي كواتني الجمرة قبلك و قلبي محروق على مرتي وولدي ..
لميس : حسيتو صادق في الي قالو .. و درك واش راح نديرو نخاف يروح يقول لكريم خويا ..
جاد : ساهلة مديلي الرقم تاع كريم ووين نقدر نلقاه نهدر معاه قبل لا يقولو أيمن .
لميس : واش بيك انت داخل فيها دخلة عمية و مستعجل للدرجة هذي ؟؟ أوووو بالشوي ...
جاد : نحب نشوف ردة الفعل تاع مرتي حتى أنا خاتر عمرها ماراح تصدق أني نزيد نزوج بعدها بعد الحب الي بيناتنا كل ...و هيا ديجا نروحو للنوتار الي تحبي أنتي نكتبو الصفقة باه يكون كل شيء واضح ...
لميس : هيا العرب مافيكمش أمان . روح عند هذا نعرفو و كونفيونس .
رحنا للنوتار كتبنا العقد تاع الصفقة و عمل فيه جاد شرط جزائي لتحت في حالة تراجعي أنا ندفعلو 500مليون و في حالة تراجعو هو يمدلي المليار و فوقها 500مليون ...مديتلو رقم كريم خويا هدر معاه و تفاهمو يتقابلو و يتعارفو و يتفاهم معاه على كل شيء قبل ما يهدر مع بابا .
روحت للدار راسي يوجع فيا و ماما تهدر معايا و أنا غير ساهية و نخمم واش الي عملتو في روحي و نتفكر في أيمن و الي عملو في الروستورون والله يحبني بصح يستنى فيا نروح ليه نقلو نحبك؟؟ ... يروح يلعب على روحو والله ماقلتها يحسابني قاعدة غير على جالو ..نجرب المسلسل الي دخلت فيه ولعمال على ربي ربي يستر ...
أيمن : ساعتين وأنا نعيط متهزش عليا عندي معاك هدرة وينك؟؟
كريم : دقيقة و نوصل عندك ..
كريم واش راك شريكي والله ماقعدت كنت نتعشى مع نسيبنا الجديد ههههه شفتي كي خطبوني في الغولة ؟؟؟
أيمن: تسمى كاين منها صح حاجة رسمي ؟؟
كريم : غدوة نهدر مع الشيخ نقلو راهم جاين يهدرو معاه .. بصح تعاوني نزيد نسقسي عليه مليح والله دهشني بالماتريال و الحطة و البلاصة الي داني ليها قالي غدوة أرواحلي للشريكة تشوف وين نخدم باه تروح معايا أيمن وينك هذا غايص؟؟
أيمن : معليش ربي يسهل تصبح على خير غدوة نشالله .
دخل أيمن للدار و كسر بيتو كل كنت نسمع فيه كي الوحش يعيط و يكسر ..بصح علاه هذا كامل كان جاء يحبني وعلاه ماصارحنيش ؟؟
راح كريم و أيمن للشركة تاع جاد و تخلعو من العز الي هو فيه شيء موش معقول كانت أكبر شركة تاع إستيراد و تصدير أيمن و جاد ماحكاوش لكريم واش صرى نهار الروستورون و أنهم يعرفو بعضاهم .
جاءو خارجين كريم و أيمن من بعد ..
أيمن : نسيت نواظري نرجع نجيبهم و نجي أهبط انت راني جاي ...
دخلت لجاد للبيرو قتلو عندي ليك كلمتين مانعاودهمش لكن تصرى حاجة ل لميس ولا تظلمها و لا تخدعها و لا تحاول تلعب بيها عينيك الزرق هذم نجبدهملك من بلاصتهم راهي كي أختي ...
جاد : أختك برك !!! مليح خاتر مانحبش مرتي يكون عندها معجب سري و ماتخافش راني نعشق فيها ....
أيمن : خرجت و أنا نغلي حبيت نضربو ما نعرف علااااااه إستفزني و ......#daddou
لميس : غدوة يجيو دارهم يهدرو مع بابا واش راني نعمل طول عمري نحب أيمن وعلاه نعمل فيه هك ولكن يروح يخطب حتى هو كيفاه ندير ؟؟ أاااااا راسي راح يتفلق غدوة و يبان كل شيء ..... شكون يعيط الوقت هذا ؟؟ جاد !!! واش باغي صدق روحو خاطيبي ؟؟ ألو ويييييي أنعم وا ش تحب ؟؟
جاد : عندي ليك خبر راح يعجبك و تعرفي أنو الخطة تاعنا موش راح تفشل السبع تاعك الصباح كي جاء مع كريم هددني هههه .
لميس : صح واش قالك أزرب أهدر ؟!!!
جاد : قالي تقلق لميس ولا تخونها نجبدلك عينيك و أنا خرجتلو قلبو ..
لميس :ههههههههه خلي يموت بالغيرة يحس بواش حسيت شوي .... ماقلتيليش مرتك و ولدك وين كيفاه راح تعرف أنك خطبتي ؟
جاد : مرتي لبنانية و تخدم عارضة أزياء و راهو عندها عرض في تركيا بعد شهر نحبك تروحي معايا ....
لميس : أنت واقيلا تحلم بابا مستحيل يقبل قالك تركيا قاااااال !!!!!! أنا نروح وحدي موحااااال .
جاد : خلي كل شيء عليا و درك يقبل عادي جدا. ..